Ruth3
Boaz kowh te kowi Ruth kowkowi mih
1Pre sum ni kung kowi Naomi tek pe Ruth mih, “Iauchow ow, en plan chang dawngthawng iawk e en matia vüi naiung kown. En vüi ang krawi cham en hua lowk ia e iung kown nadowi bow?2Ni towng en kowtawi kua pe iakmow püi reng mih laih kowi kowh chang lup mih masiuüa hawmh dow Boaz kowh narmauüa chekhai. Boaz dow anging hown kowh tasin taken mih maru. Sünta, aiak dow aiamat te kowi aia nathua iakmow kown.3Naiawng rakowi lu tui lu lam now phawkta unsi paingbawng kaneu, now tawnguat klangiungma mih khupla hanow aia te kowi kowkowi diah. Tawkchedow aia ki cha ki kham dowi mowr mapaw khi en dowi iawng en nauowi kown takla.4Now aia mawk khowk khe aia mawk rah mih müah kaneu diah. Now akung kowi dow aia mawk rah kowi kowkowiah now aia khupah mih uanchow khawk hownia lowtah now aia khawk daw kowi kowtawi mawk diah. Nakhowk khe tawng chow achang takla mih aia natek en kown taih,” pakhai.5Now Ruth klangah mih, “En tek iawng ang nachang kown taih,” pape khai.6Akung kowi aia dow Boaz te kowi kowkowiah now anowkaw pe changah iawng rowprowp kowchang khai bowt.7Ki cha ki kham prowng kung kowi saktuak sowrchow khe Boaz dow iakmow chun ria kowi kowmawk now amüi khai bowt. Nami khin khe Ruth dow salow salowchow kowkowiah now Boaz khawk luk kowi kowh uanchow kowlowt khai, now aia dow nami re-e kowtawi mawk khai.8Now uar dawng khe Boaz dow awr süng hanow paipra kowi hairengkeng khai. Nakhowk khe aia dow aia khawk ria kowi masiuüa tawi mawk lowk ia mih khita khai.9Nakhowk khe aia lüntaah mih, “Mia chow en?” pakhai.Now Ruth klangah mih, “Ang dow en kowh narma Ruth taih. En dow ang hown tasin taken mih maru chekhai. En luk kowi dow naming nakhet ang kown mih kurdik uowi. Naiawng rakowi en napaw ang kurdik kown mih amat müa iawng hai en kowh uanchow hown khu ang diah,” pape khai.10Nakhowk khe Boaz tek pe mih, “CHAKRAMANG dow pacham pe en prasi lah. Kawmat mowr kowi Naomi tut-e kaah sakowmma en uowi lak-e kawmat kowh en changah mih lup dow kaah sakowm mih rah lang uowi chekhai. Tawngplawng kowchow panow kureng ngarai tawng iawng mih klanguüa kung paw en cham krawi dowi chekhai.11Naiawng rakowi hangkow kram diah. En nau iawng ang nachang en kown taih. En dow masiuüa iungma pami anging kuachak tuk bowk chekhai.12En tasin taken miuüa pungmadawng kowi naming nakhet en kown mih kurdik ang luk kowi uowi nowm chowdiah. Nachenganchepaw ang lak-e kowh en hown lang tasin taken mih maru uowi lowk ia tak.13Aiak dow mami re-e iak diah towbowt. Tharau khe en lang tasin taken mih maru naming nakhet en kown mih kurdik nau paw panü dow naiung kown. Nachenganchepaw masing CHAKRAMANG ming hown ang takham khowk, aia che nau paw kurdik dowi hanow naming nakhet en kown mih kurdik dow ang paw sow. Uarthowi dowi mowr mami re-e uowi diah towbowt,” pape khai.14Naiawng rakowi Ruth dow uarthowi dowi mowr Boaz khawk ria kowi tawi mawk khai, now aia dow uarthowi how thowi dowi how tak khe rik rü now powt khai. Tawngplawng kowchow panow aia kowi Boaz tek pe mih, “Te kowi masiuüa uang tawi iak lowk ia pami miapaw tuk dowi iawng ba,” pakhai.15Powt kown chowbowt khe Ruth kowi Boaz tek pe mih, “En kowh uanchow uang pawla now uang phat madiah,” pakhai. Now Ruth dow Boaz tek iawng chang khai. Nakhowk khe Boaz mih Ruth kowh uanchow kowi krawi thup pe iakmow taruk tung khai. Now nami iakmow thup mih lu kowi klowngla now Ruth dow kim prakowi mang khai bowt. Now kim kowi Ruth kowting khe anowkaw Naomi hawt lüntaah mih, “Tawng iawng chow, iauchow ow?” pakhai. Now Ruth dow aia vüi kowi kowh Boaz chang pe mih maten anowkaw kowi lawp pe khai.17Nami klen kowi aia plan tek pe mih, “Mow, iakmow paw uang krawi pe ang taruk tung. Aia tek ang mih, ‘Rut khawma hown en nawkaw tut-e en hangkow mang diah,’ pah ang khai,” pape khai.18Nami laiklow tata hanow Naomi tek mih, “Mü ba iauchow ow, ani ngengche mami lawnguan kowi asia nadowi now asia aia chang en dowi matchang Boaz nauowi phülü kown nadowi,” pape khai.
The Seed Company