Meng Lai67
Mami dow David kowh meng chekhai. Mami meng dow aiang uowi mih tünteu chang müa hown natekah kown mih chekhai.
1Palusama en naukrang nowngia tukla kownkow,now chenchap maten nalawngla kown mih kür en tut-e uowi pami naia tukla kownkow,aw Thurai, sana anging diah, pe anging prasi diah,now en sanara anowi iawng anging luk kowi uang pe uowiah diah. [Sela]3Aw Thurai, chenchapuüa pacham rowsi en lah,chenchap maten pacham kiow en lah.4Chenchapuüa luk kowi tara anowmma mih en nachet pe kown,lusa kowi kowh chenchap maten kowi en nakruitownah kown.Naiawng rakowi chenchap maten pacham awmrawm lah,chenchapuüa dow awmrawmma hown pacham tek meng lah. [Sela]5Aw Thurai, chenchapuüa pacham rowsi en lah;chenchap maten pacham kiow en lah.6Anging kowh Thurai dow pe anging prasi khai,krawng dow pe anging luprak khai.7Thurai dow pe anging prasi khai;palusama maru aia kowi pacham ringkawah lah.The Seed Company