Meng Lai17
David chup Thurai mih.
1Aw CHAKRAMANG, ang kowh achinawmma mih laiklow hawt sünta ang diah;ang kowh kar klow kowi hawt pe param diah,achinawmma ang awr lü awr leng mih kowi pe ching diah.2Chet ang tara nowm diah,chang lup nowm mih kowi dow en khi reng chekhai.3En dow chaing ang sak reng,uar-e khe paw en uang chaing ang reng chekhai.En chaing ang tawkche tawng angak paw en khi ang dowi chekhai;tawng iawng mih lai ngak paw natek dowi kown mih ang takham khowk.4Ang dow akeng mih maru chang iawng ang tawi chang dowi chekhai,en laiklow iawng tiama ngak hownia dow ang lang tahen reng chekhai.5Ang dow en tiama kowi chowtaih mang reng,nami tiama hownia dow ditchow paw ang süt dowi chekhai.6Aw Thurai, ang haw en khowk,en naklang ang kown mih ang tuk chekhai.Ang kowh laiklow sünta ang diah,ang awr lü mih kowi pe param diah.7En kowh achur uowi dowi mih sakraura dow amülüngma hown uang tüng ang diah;en tut-e tatung tanim miuüa kowi dow ransu-uüa rut hownia lawngah reng diah,now amatni kowi dow en kowh kür akraingma mih hown lawngah reng diah.8En khet mik iawng khet ang diah,alap hown uaklinguüa takhula chauüa iawng en paw takhula ang diah.9Umta ang lut mih maru ngakuüa hownia lawng ang diah,kowngta ang kown mih ransu-uüa hownia lawng ang diah.10Amatni dow amia kowi paw saksing sana dowi chekhai,amatni dow kowmatia kowi tanü reng chekhai.11Amatni dow kawmat rumta ang lut khowk;ang napowtla kown mih tiama uowi dowi bowt chekhai.Amatni dow napiakta ang kownkowatungma hing mitta ang hüah chekhai.12Amatni dow krangsi iawng iaita ang naknak kown mih lainowmma sakkrai khai,amatni dow krangsila powrchow pawm chak mih iawng hawt pawm ang büah khai.13Aw CHAKRAMANG, awr rü bowt! Ransu-uüa kowi senah bowt!Amatni kowi dow pe sumah bowt!En kowh saidawng hown ransu-uüa hownia lawng ang bowt!14 Aw CHAKRAMANG, lusa kurengra pra towsak miuüa hownia lawng ang diah,amatni kowi dow en nungta pe hüah mih ripra hown ripah diah.Nami ripra dow amatni kowh chauüa pacham ta ka lah,nami klen kowi amatni kowh chu cheuüa paw pacham ta ka lah.15Nachenganchepaw ang tarapdow achinawmma chekhai.Naiawng rakowi ang dow en kowh lumowr mih ang nakhi kown.Kowngra hownia ang awr plan rü khe ang naawmrawm kown.Tawngplawng kowchow panow ang dow nakhi en kown chekhai.The Seed Company