Meng Lai16
David kowh meng.
1Aw Thurai, uang takhula ang diah.Tawngplawng kowchow panow ang dow en tut-e chowtaih tatung tanim reng.2CHAKRAMANG kowi ang tek pe mih, “Ang kowh CHAKRAMANG dow en chowtaih,ang kowh iungra maten dow en hownia kowh uang ting mih kangowh chekhai,” pakhai.3Lusa kowi kowh Thurai maru maten dow iung lai kowbow!Ang kowh awmrawmra maten dow amatni hown chekhai.4Tawkche akeng thuraiuüa kowi chupiia miuüa dow akrat pusa nalang hu ngamlam kown;vi hown kowh amatni changah mih phuchua kowi dow ang natawi tahum kown nadowi,akeng thuraiuüa ming khowm padow ang natawi rük kown nadowi.5Aw CHAKRAMANG, en dow ang kowh dawngthawnguan chekhai,en dow ang lakkeah mih chap maten pe ang reng chekhai.Ang kowh chownglawng dow en rut kowi chowtaih.6En pe ang mih süng dow lainowmma klangiung khai,ang kowh dawngthawnguan dow mü reng chepaw ang tadu dowi chekhai.7Pe ang prengia iung reng mih Thurai kowi dow ang kiowah reng,aia kowh tüngsang dow uar-e khe paw ang sak kowi uowi reng chekhai.8Ang kowh mik dow atungma CHAKRAMANG prakowi chekhai,aia tawi uowila ang reng rakowi anikma ang nauowi reng kown.9Naiawng rakowi ang kowh sak hai saktuak dow lainowmma piaw khai,now ang kowh kowpaw athaulangma chekhai.10Tawngplawng kowchow panow makownguüa uowi rah kowi en kuakta ang hüah kown nadowi,en kowh chimsaima mih maru kowh buk dow en pe piakah kown nadowi chekhai.11Singra tiama dow en natüng ang kown;en tut-e ang uowi hanow ang naawmrawm reng kown,en ria kowi ang uowi hanow chowngchowng saksakma ang napiaw reng kown.The Seed Company