Meng Lai149
1CHAKRAMANG kowi kiow büa diah.CHAKRAMANG vüi tek meng sar büa diah,aia kowh maru-uüa takua talawm khe aia rowsi meng tek büa diah.2Israel dow aia kowi kowh thawpah mih kowi pacham awmrawmah lah,Zaiawn maru-uüa dow amatni kowh mang kowi pacham awmrawmah lah.3Amatni dow plai se plai se aia kowi pacham kiowah lah,sawkchow hai taraw tün hown aia vüi pacham tek rowsi meng büah lah.4Tawngplawng kowchow panow CHAKRAMANG dow aia maru-uüa kowi awmrawmah reng,now khamsum khamdaw miuüa kowi lawngah hanow aia peah ringkawra reng chekhai.5Naiawng ka ringkaw rakowi aia maru-uüa dow pacham awmrawm lah,phangbek kowi mawk khe paw amatni dow pacham tek awmrawm meng lah.6Amatni nawr kowi dow Thurai kiow meng pacham uowi lah,now amatni rut kowi dow achukma mih bürdawng sarai pacham uowi lah.7Nahanow akeng chenchapuüa kowi amatni naia sat klai kown towbowt,naiawngün chenchapuüa kowi amatni naia ripah kown towbowt,8naiawngün manguüa kowi naia khuowkah büah kown towbowt,naiawngün maru iukuüa kowi lawngha leng hown naia tawmah büah kown towbowt,9now Thurai kowh ana iawng amatni kowi naia ripah kown towbowt.Naiawngün dow aia kowi kowh ringkaw miuüa kowh kiowrira chekhai.CHAKRAMANG kowi kiow büa diah.
The Seed Company