Meng Lai148
1CHAKRAMANG kowi kiow büa diah.Mukuang hownia CHAKRAMANG kowi kiow büa diah;kuang dawng kowi hai kuang luk kowi aia kowi kiowah büa diah.2Aw aia kowh kramamu maten, aia kowi kiowah büa diah;aw aia kowh akürma mih thumchak, aia kowi kiowah büa diah.3Aw sat hai lama, aia kowi kiowah büa diah;aw krek maten, aia kowi kiowah büa diah.4Aw mukuang pren, aia kowi kiowah diah,aw kuang luk kowi kowh tui, aia kowi kiowah diah.5Amatni dow bowkbowk CHAKRAMANG kowi pacham kiowah lah.Tawngplawng kowchow panow amatni dow aia pe ana hanow phaw mih chekhai.6Amatni kowi dow chowngchowng saksakma vüi atowk rah kowi towah khai,aia thawpta mih rirow kowi dow miapaw nowng piak dowi bowt chekhai.7Lusa hownia CHAKRAMANG kowi kiow büa diah,sata hai sata thingh kowi kowh uowi miuüa low, aia kowi kiowah büa diah.8Aw pla, ria, nangkhe hai mai, CHAKRAMANG kowi kiow büa diah,now aia ana pek chün mih li paw aia kowi kiow diah.9Aw hungma mawngma hai uih mih singh hown sidar singh,CHAKRAMANG kowi kiow büa diah.10Aw kaurawng uaramchak hai tawnah mih asaduaCHAKRAMANG kowi kiow büa diah.Kam hai sowr mih hown alap uowi miuüa pawCHAKRAMANG kowi kiow büa diah.11Lusa kowi kowh manguüa hai chenchap kruitown miuüa low,CHAKRAMANG kowi kiow büa diah.12Aw malauüa klanguüa hai lawngtang ngeuüa,CHAKRAMANG kowi kiow büa diah.13Amatni dow bowkbowk CHAKRAMANG kowi pacham kiowah lah.Tawngplawng kowchow panow lang kri lang kraing mih dow aia chowtaih.Aia kowh dow mukuang hai lusa kowi rowsira uowi chekhai.14Aia dow aia maru-uüa kowi akürma changah khai;naiawng rakowi amatni dow aia kowi kiowah khai,aia lang sakrauah mih chenchap Israeluüa dow aia kowi kiowah khai.CHAKRAMANG kowi kiow büa diah.
The Seed Company