Meng Lai120
Mami dow Thurai chup kim kowi kowkowi khe kowh meng chekhai.
1Ang kla phih khe CHAKRAMANG kowi ang hawah khai,nahanow aia dow uang klang ang khai.2Aw CHAKRAMANG, dailama mih nawr hownia uang towkala ang diah,now kuanlama mih dai hownia paw uang towkala ang diah.3Aw kuanlalu, tawng chow Thurai pe en kown?Aia pe en ripra ngamlam dowi tham pabow?4Aia dow tasen müa achukma mih leba sek hown naap en kown,now mairing hown aia natowk en kown.5Uh! Ang kaucha nga lai kowbow!Saksing sana dowi mih Mesek hai Kedaruüa uowi rah kowi pache ang tuk ka uowi khai.6Thaulangra kowi maru kawmuüa dow sui khai,naiawng mih maru-uüa hown dow taiua uowi kown ang nau dowi chowdiah.7Ang dow thaulangma uowi kown ang lang nau chowdiah.Nachenganchepaw thaulangma nauowi kown mih ang tek hanowamatni dow hau ang tasen reng chekhai.The Seed Company