Meng Lai101
Mami dow David kowh meng chekhai.
1Aw CHAKRAMANG, en vüi kowi ang natek en rowsi meng kown,en kowh achur uowi dowi mih sakraura hai tara nowm lawnguan kowi ang natek meng kown.2Tawng khe chow nauang khowng ang kownkow ang tut-e en nauang kown?Achinawmma nauowi kown mih prakowi ang nape ching bowt kown,now ang matia kim kowi achinawmma mih saktuak hown ang namang reng kown.3Suiiai kaniaima mih chap maten ang pur kowi ang natowah kown nadowi.Maru ngakuüa changah mih lup dow ang sui khai.Nami dow katpaw ang natawi chang kown nadowi.4Ang sak kowi dow angak ang natowah kown nadowi,tawng iawng mih lup ngak paw ang natawi chang kown nadowi.5Kimping namkhetuüa kowi kukpa krawi prawngren miuüa kowi ang napiakah kown,chang owrow hai chang bawri miuüa kowi dow ang nakham pe sum kown nadowi.6Ang kaah sakowmma mih maru-uüa kowi dow aiungma ang namüah kown,nahanow amatni dow ang hown nataiua uowi kown.Ang kowh lup dow achinawmma mih maru-uüa chowtaih nachang kown.7Kuanlama miuüa dow ang kim kowi naka uowi kown nadowi,dailama miuüa dow ang kowh lup natawi ka chang kown nadowi.8Pren kowi kowh maru ngakuüa kowi dow rau towng ang napiakah kown,nahanow CHAKRAMANG kowh marow kowi maru ngakuüa nauowi kown nadowi bowt.The Seed Company