Chanlai Lawng6
1Chapa ow, en klowkchak kowh lowi pawkra kowi en cham tawi takak bow?Aia nowng thaw dowi khe en nathaw pe kown mih en tawi takham bow?2Naiawng en tawi tekta mih rakowi en tawi tauowk bow?En tawi takhamta mih rakowi en tawi takhuowk bow?3Chapa ow, naiawng now en kla phih mih chowbowt.Naiawng rakowi kowmatia kowi talawng müa maiawng chang diah.Aia tut-e kowkowi hanow kowkhamsum kowkhamdaw diah,en khamta mih lai napiakta kownkow kowdowk khawk hanow kowtek pe rengreng diah.4Naiawng chang dowi matchang hang müi diah,tanai kownkow hang beng mik diah.5Chakmit mih hownia naki hai uakling uaber powt iawng,en paw en cham takhuowkra hownia powt diah.6Silik mih dow lowng uowi krang pacham tasang lah,amatni kowh lup hownia pacham paw chanlaira lah.7Amatni kowh dow mang paw uowi dowi,maru iuk hai kruitown mih paw uowi dowi chekhai.8Nachenganchepaw amatni dow satma khin khe krüm chakkham reng,chungrau khin khe kowh vüi nung chakkham büah reng chekhai.9Silik la ow, mün khowt tak chow en namüi kown?Tawng khe chiang chow en narü amüi kown?10En tek mih, “Müi nawngchow tak, müi rau reng tak,mawk se em rut nawngchow tak,” pakhai.11Naiawng che chang reng now alinlanma en nangarai kown,damra thowkta kung kowi ta ngarai mih iawng en naphaw kown.12Suiiai kaniaima mih hai angakma mih maru dow maiawng:Aia dow krawi tek dai lai reng.13Aia dow kuan maru khe krawi klip mik reng,aia dow kuan maru khe rut khawk ün tüng reng chekhai.14Aia dow saktuak ngak hown thawp sangkrangra ngak reng,aia dow maru kowi krawi towk ran reng chekhai.15Naiawng rakowi aia luk kowi dow linlanma phih nauang kla kown,aia dow linlanma napiak hanow nami hownia naiung kown nadowi bowt.16Thurai suiah mih maru uowi ranit chaing chekhai,aia tut-e suiiai kaniaima mih dow maiawngün chekhai:17Chang bawri mih,tek dai lai mih,angak uowi dowi mih maru kowi sai mih,18angak tuak kangowh mih,lup ngak chang kowi powt towlow mih,19Thuak dai lai saksi mih,now tainau-uüa kowi towk ran mih maru chekhai.20Chapa ow, en pa kowh ana pek chün diah,en u tüngsang en mih hangkow tamata diah.21Nami dow en sak kowi atungma towah diah,en natukla reng kownkow ngawng kowi ü-ah diah,22Nami dow en cham kowi khe natüng en tiama kown,en müi mih khin khe nachawng en kown,en thowr müi mih khin khe nape en prengia kown.23Tawngplawng kowchow panow u-pa kowh ana pek dow maibu iawng,u-pa kowh pringhawi laiklow dow anowi iawng chekhai.Amatni dow naiungla kownkow hawi reng.Nami dow chownglawng kowi phawla müa chekhai.24Naiawngün dow masiuüa ngak hownia nalawng en kown,lai ding lai sau hown angak pra napawla en kown mih masiuüa hownia nahen en kown.25Masiuüa klangiung kowi hangkow ir diah,aia kowh sakkraira atekma mih mik mük kowi hang pe ching diah.26Tawngplawng kowchow panow nga chawkkrawma hanow en nangarai kown.Tawkche maru masi hown chang iang hanow en kowh chownglawng natama kown.27Thung luk kowi en naia tow maih kown bow?En tow e en kowh tawnguat kam dowi tham ü?28Mairing dawng kowi en naia mang kown bow?En mang e en kowh khawkpha kam dowi tham ü?29Maru masi hown taphua taiua mih maru dow naiawng napiak kown,maru masi kowi kak mih maru dow naka ripra ngengche kown.30Ka dowi rakowi ku mih paw nauowi kown;ka khümta khe dow aia kowi napaw pe iawk ranit phow kown,aia kim kowi kowh uanh ün napawta pe bowk kown.Aia dow chaah kown mih chakkham uowi dowi rakowi ku mih chekhai.Naiawng rakowi aia kowi mih nakhareah kown nadowi.32Nachenganchepaw chang iang mih dow prengia uowi dowi kowh chekhai,naiawng aia chang mih dow aiamat lala tapiak mih chekhai.33Aia kowi dow maru napeah rukrai hai nabawpah kown,aia kowh ming nang ngak dow katpaw tama kown nadowi.34Khowrbown dawma mih hua dow nowm nowm nakunmarau kown,amasi hown chang iang mih maru kowi dow aia nasanaah kown nadowi,nami maru kowi dow aia nasat pe klai kown.35Tawng iawng mih iawk paw aia napaw kown nadowi bowt,ahuma bümah khowm padow aia mih nasak-ih kown nadowi bowt.
The Seed Company