Nehemia9
1Nami ranit la kowi kowh 24 ni mih ni khe Israeluüa mih takua talawm hanow khang hawm khai, now khup sala uan büah hai lu kowi prui dinchow büah khai.2Israeluüa maten dow akeng chenchap maten hownia kowmatia kowi lang takraah büah khai. Amatni dow iowng se amatni kowh angak hai amatni pipu-uüa kowh angak mih taphuang khai.3Amatni dow pani kowi sum nari mowr chi CHAKRAMANG amatni kowh Thurai ari aiang bowih mih iowng se phat büah khai. Now sum nari mowr dow taphuang angak hai CHAKRAMANG amatni kowh Thurai kowi chupiia büah khai.4Nakhowk khe Jesua, Bani, Kadmiel, Sebania, Buni, Serebia, Bani hai Kenani büah dow amatni kowh prowng kowi iowng se atün atünma CHAKRAMANG amatni kowh Thurai tut-e awr lü awr leng khai.5Akung kowi Leviuüa pungmadawng hownia Jesua, Kadmiel, Bani, Hasabneia, Serebia, Hodia, Sebania hai Pethahia büah tek mih, “Awr rü büah hanow CHAKRAMANG enni kowh Thurai kowi rowsi büa diah. Aia dow chowngchowng saksakma sing uowi reng mih chekhai,” pakhai.
Nami kung kowi dow amatni chup Thurai mih, “Aw CHAKRAMANG, en kowh ming kraingma mih dow aring hai akiow pacham uowi reng lah. En dow anging tek en awmrawm lai mih hai anging kiow en mih lak-e lang kri lang kraing chekhai.6En chowtaih CHAKRAMANG. Mukuang hai kuang dawng hown nami lak kowi kowh uowi mih maten, lusa pren hai nami luk kowi kowh uowi mih maten, now sata hai nami lak kowi kowh uowi mih maten thawp mih dow en chowtaih. En dow bowkbowk kowi pe asak khai. En kowi dow mukuang kowi kowh uowi miuüa maten chupiia en reng chekhai.7“En dow CHAKRAMANG Thurai chekhai. Abram kowi en uang ruiah hanow Kaldaiuüa pren kowi kowh Ur marow hownia en uang lawtla khai, now aia ming dow Abraham pahai en rük pe khai.8Aia kowh sak kaah sakowm mih en khi pe hanow Kananuüa, Hituüa, Amawruüa, Perizuüa, Jebusuüa hai Girgasuüa pren aia krungchak kowi napeah kown mih aia hown en tatow sangbowk laitawm khai. En dow achinawmma chekhai rakowi en kowh laikham en townah reng khai.9“Aigupta pren kowi anging kowh pipu-uüa kham ngare mih en khi chekhai. Sata Rik pang kowi kowh amatni kar klow dow en sünta pe khai.10Anging kowh pipu-uüa luk kowi bawrima hown Aiguptauüa changah anowng apowng mih en khi chekhai. Naiawng rakowi Faraw hai aia kowh maru iukuüa hown aia pren kowi kowh maru maten kowi amatra hai awdara lup en tüng pe khai. Naiawng en chang pe mih hownia en kowh ming iung nang iung dow en townah reng chekhai. Nami dow kawmat pat uowi reng chekhai.11Anging pipu-uüa pur kowi dow sata tui pre bak en chang pe khai. Naiawng rakowi amatni dow bawn kangkhawngma iawng ia pown sata khai. Nachenganchepaw amatni kowi kowh uang kawikrawiah miuüa kowi dow tui kowi kowh huaklu nip iawng en pe tamirah khai.12Ni-e khe dow uangnim iowng chunglung mih iawng anging kowh pipu-uüa kowi en pawla khai, now uar-e khe dow maih iowng chunglung mih iawng amatni mangra tia kowi en tawi nowi pe khai.13“Sinai hungh kowi en uang dowmah hanow mukuang pren hownia amatni hown en uang taklang khai. Nami khin khe amatni kowi dow ari aiang, ari arow hai ana pek iungma mih en uang peah khai.14En kowh Tanai Ni chimsaima mih lawnguan kowi amatni kowi en uang phuang pe khai, now en kowh nar Mosi hownia amatni kowi ana pek, rirow hai ari aiang en peah khai.15Amatni kowh hawm sakkrai narimla kownkow mukuang pren hownia en uang iu peah chakkham khai, now amatni kowh tui sakkrai narimla kownkow huamang hownia tui en uang pe lawtah khai. Amatni kowi napeah kownkow en khamah mih pren kowi kowkowi hanow kowpowng kown mih amatni kowi en peah ana khai.16“Nachenganchepaw anging kowh pipu-uüa kowh chowm krang uowi krang dow bawrira atekma chekhai. Amatni dow lai üa kürma chekhai, now en kowh ana pek chün dowi chekhai.17Amatni dow chün lai kown nau dowi, now amatni pungmadawng kowi kowh en chang pe awdara lup mih maten paw amatni dow sak kowi towah dowi chekhai. Amatni dow üa lai hanow Aigupta pren kowi nakowuowi nar iawk kownkow thik aluchow lowk ia khai. Nachenganchepaw en dow maru kowh angak lawtta pe reng, saksing sanara atekma, kunmarau naklak dowi, now sakraura achur uowi dowi mih Thurai chekhai. Naiawng rakowi amatni kowi dow en nuata hüah dowi chekhai.18Nami klen kowi amatni dow amatni vüi sawn chia chah rup lowk khai. Now tek büah mih, ‘Mami chowbowt enni kowh thurai; Aigupta pren hownia uang lawtla enni mih mami chowbowt,’ pakhai. Naiawng hai lainowmma amatni pe en rukrai khowk chepaw en kowh saksing sanara hu lai rakowi süngrüp süngkangma kowi amatni kowi en nuata hüah dowi. Amatni kowi nakruila kownkow ni-e khe uangnim iowng chunglung mih iawng en tow pe mih dow en henta pe dowi chekhai, now uar-e khe natüng pe tiama kownkow maih iowng chunglung en tow pe mih paw amatni pur hownia en henta pe dowi chekhai.20Amatni kowi natüngsangah kownkow en kowh aiungma mih lümla en peah khai. Amatni nachaah kownkow en peah mih manna kawm en taingta pe dowi chekhai, now amatni tui sakkrai narimla kownkow en peah tui khai.21Amatni kowi dow süngrüp süngkangma kowi 40 ning mowr en thumah khai. Nami khin khe amatni dow tawngpaw khawr dowi; amatni kowh tawnguat paw tu dowi, now amatni kowh klowng paw bau dowi chekhai.22“Akung kowi dow pren hai chenchap ahuma amatni rut kowi en ap pe khai. Now naiawngün pren kowi kowh arah maten kowi amatni kowi en krawi pe uowiah khai. Mang Sihun kowh Hesbawn marow hai Awk mang kowh Basan süng paw amatni kowi en pe powngah khai.23Amatni kowi dow kuang dawng kowi kowh krek iawng chauüa ahuma en pe kaah khai. Now amatni pipu-uüa kowi nape powngah pren kownkow en tek pe mih kowi amatni kowi dow en kowpawla khai.24Now amatni kowh krungchakuüa dow nami pren kowi kowkowi hanow nami pren mih kowpowngta khai. Amatni pur kowi dow nami pren kowi kowh hawt uowi mih Kananuüa kowi en pe khamah sum khai. Amatni nau iawng naia changla kownkow nami pren kowi kowh hawt uowi mih Kananuüa, manguüa hai pren kowi kowh akeng chenchapuüa kowi amatni rut kowi en ap pe khai.25Amatni dow tap uowi mih marow hai asi uowi mih krawng bawn ahuma krawi powngta khai. Nami klen kowi uanh iung atekma mih kim hai tuikuam thai ia ün, grep krum, kanrawn khang hai uih singh ün ahuma krawi powngta büah khai. Amatni dow chakkham aduma ka cha rakowi kow iungma uowi büah khai, now en peah mih iungra ahuma ka büah khai.26“Nachenganchepaw amatni dow chün lai dowi kowi kingküa en khai; en peah mih ari aiang nuata büah khai. Amatni dow en prakowi nauang planla kownkow krawi tek lai mih risiuüa kowi saita büah khai, now amatni dow lainowmma towk en kunmarau khai.27Naiawng rakowi amatni kowi dow ransu-uüa rut kowi en ap-ah khai, now ransu-uüa dow amatni kowi changah anowng apowng khai. Amatni krat mih khin khe dow amatni mih en tut-e uang nguk uang kar khai, now nami kar klow dow mukuang pren hownia en iu sünta pe khai. Now en kowh sakraura atekma rakowi amatni kowi nalawngah kownkow en kowchin pe lawng miuüa khai. Naiawngün lawng miuüa dow ransu-uüa rut hownia amatni kowi uang lawngah khai.28“Nachenganchepaw amatni ka tanai mih khin khe dow en mik kowi angakma mih lup chang büah khai iawk. Nami kung kowi dow amatni luk kowi ransu-uüa pacham chang low lah pakowh amatni kowi dow ransu-uüa rut kowi en plan ap-ah khai. Nachenganchepaw en tut-e amatni uang nguk uang kar iawk khe dow mukuang pren hownia en ta hanow en sakrauah rakowi aplan aplan en uang lawngah khai.29“En kowh ari aiang prakowi nauang planla kownkow amatni kowi dow en uang tek pe khai. Nachenganchepaw amatni dow bawrima chekhai; amatni dow en kowh ana pek maten kowi lowk paw chün dowi chekhai. En kowh ana pek chün hanow maru kala singra mih kowi kingküala mih angak chang büah khai. Amatni dow lai üa kürma hai kunma khawtma chekhai; en kowh lai sünta kown nau dowi.30Nachenganchepaw ning kawmma amatni luk kowi en town sak khai. En kowh risiuüa hai en kowh lümla hown kaneuma nauowi büah kownkow en uang tek pe khai. Nachenganchepaw amatni dow pe ching dowi. Naiawng rakowi amatni kowi dow chenchap alang alangma miuüa rut kowi en cham ap-ah khai.31Nachenganchepaw en kowh sakraura ahuma chekhai rakowi amatni kowi dow en chumta dowi hai en nuata dowi chekhai. Tawngplawng kowchow panow en dow saksing sanara hai sakraura atekma mih Thurai chekhai.32“Aw anging kowh Thurai, en dow lang kri lang kraing mih, lang kür mih hai kramra uowima mih Thurai chekhai. En dow en kowh achur uowi dowi mih sakraura laikham en townah reng. Asuria manguüa chowng hownia kawmat pat anging, anging kowh manguüa, aluchowuüa, uamowuüa, risiuüa, pipu-uüa hai en kowh maru-uüa maten kham ngare mih ditchow taih pami hangkow tuakah diah.33En pe anging ripra mih dow tawi dowi chekhai. En dow kaah sakowmma chang lup khai, now anging dow chang angak khai.34Anging kowh manguüa, aluchowuüa, uamowuüa hai pipu-uüa dow en kowh ari aiang chün dowi chekhai; en kowh ana pek hai paw sangching kown mih laiklow sünta dowi chekhai.35Amatni chowm mang mih khin khe amatni dow en peah mih aiukma hai asi uowima mih pren kowi aiungma uowi büah khai. Nachenganchepaw amatni dow chupiia en dowi chekhai, now angak hownia paw uang plan büah dowi chekhai.36“Naiawng rakowi kawmat dow chak iung kham iung naka chala kownkow anging pipu-uüa kowi kowh en peah mih pren kowi anging uowi nar khai.37Anging kowh luprak dow anging kowh angak rakowi anging luk kowi nachang low kownkow en towah mih manguüa rut kowi cham ting khai bowt. Amatni dow amatni nau iawng anging buk kowi hai anging kowh tawncher hawmh luk kowi chang alow khai. Naiawng rakowi lainowmma anging ngare khai,” pakhai.38Nami kung kowi dow Israeluüa tek mih, “Maiawngün bowkbowk mih rakowi kawmat dow anging takham khowk, now mami laikham laiklow mih charam kowi anging ruiah khai. Nami charam kowi anging kowh aluchowuüa, Leviuüa hai uamowuüa tuk pe mur khowk chekhai,” pakhai.
Nami kung kowi dow amatni chup Thurai mih, “Aw CHAKRAMANG, en kowh ming kraingma mih dow aring hai akiow pacham uowi reng lah. En dow anging tek en awmrawm lai mih hai anging kiow en mih lak-e lang kri lang kraing chekhai.6En chowtaih CHAKRAMANG. Mukuang hai kuang dawng hown nami lak kowi kowh uowi mih maten, lusa pren hai nami luk kowi kowh uowi mih maten, now sata hai nami lak kowi kowh uowi mih maten thawp mih dow en chowtaih. En dow bowkbowk kowi pe asak khai. En kowi dow mukuang kowi kowh uowi miuüa maten chupiia en reng chekhai.7“En dow CHAKRAMANG Thurai chekhai. Abram kowi en uang ruiah hanow Kaldaiuüa pren kowi kowh Ur marow hownia en uang lawtla khai, now aia ming dow Abraham pahai en rük pe khai.8Aia kowh sak kaah sakowm mih en khi pe hanow Kananuüa, Hituüa, Amawruüa, Perizuüa, Jebusuüa hai Girgasuüa pren aia krungchak kowi napeah kown mih aia hown en tatow sangbowk laitawm khai. En dow achinawmma chekhai rakowi en kowh laikham en townah reng khai.9“Aigupta pren kowi anging kowh pipu-uüa kham ngare mih en khi chekhai. Sata Rik pang kowi kowh amatni kar klow dow en sünta pe khai.10Anging kowh pipu-uüa luk kowi bawrima hown Aiguptauüa changah anowng apowng mih en khi chekhai. Naiawng rakowi Faraw hai aia kowh maru iukuüa hown aia pren kowi kowh maru maten kowi amatra hai awdara lup en tüng pe khai. Naiawng en chang pe mih hownia en kowh ming iung nang iung dow en townah reng chekhai. Nami dow kawmat pat uowi reng chekhai.11Anging pipu-uüa pur kowi dow sata tui pre bak en chang pe khai. Naiawng rakowi amatni dow bawn kangkhawngma iawng ia pown sata khai. Nachenganchepaw amatni kowi kowh uang kawikrawiah miuüa kowi dow tui kowi kowh huaklu nip iawng en pe tamirah khai.12Ni-e khe dow uangnim iowng chunglung mih iawng anging kowh pipu-uüa kowi en pawla khai, now uar-e khe dow maih iowng chunglung mih iawng amatni mangra tia kowi en tawi nowi pe khai.13“Sinai hungh kowi en uang dowmah hanow mukuang pren hownia amatni hown en uang taklang khai. Nami khin khe amatni kowi dow ari aiang, ari arow hai ana pek iungma mih en uang peah khai.14En kowh Tanai Ni chimsaima mih lawnguan kowi amatni kowi en uang phuang pe khai, now en kowh nar Mosi hownia amatni kowi ana pek, rirow hai ari aiang en peah khai.15Amatni kowh hawm sakkrai narimla kownkow mukuang pren hownia en uang iu peah chakkham khai, now amatni kowh tui sakkrai narimla kownkow huamang hownia tui en uang pe lawtah khai. Amatni kowi napeah kownkow en khamah mih pren kowi kowkowi hanow kowpowng kown mih amatni kowi en peah ana khai.16“Nachenganchepaw anging kowh pipu-uüa kowh chowm krang uowi krang dow bawrira atekma chekhai. Amatni dow lai üa kürma chekhai, now en kowh ana pek chün dowi chekhai.17Amatni dow chün lai kown nau dowi, now amatni pungmadawng kowi kowh en chang pe awdara lup mih maten paw amatni dow sak kowi towah dowi chekhai. Amatni dow üa lai hanow Aigupta pren kowi nakowuowi nar iawk kownkow thik aluchow lowk ia khai. Nachenganchepaw en dow maru kowh angak lawtta pe reng, saksing sanara atekma, kunmarau naklak dowi, now sakraura achur uowi dowi mih Thurai chekhai. Naiawng rakowi amatni kowi dow en nuata hüah dowi chekhai.18Nami klen kowi amatni dow amatni vüi sawn chia chah rup lowk khai. Now tek büah mih, ‘Mami chowbowt enni kowh thurai; Aigupta pren hownia uang lawtla enni mih mami chowbowt,’ pakhai. Naiawng hai lainowmma amatni pe en rukrai khowk chepaw en kowh saksing sanara hu lai rakowi süngrüp süngkangma kowi amatni kowi en nuata hüah dowi. Amatni kowi nakruila kownkow ni-e khe uangnim iowng chunglung mih iawng en tow pe mih dow en henta pe dowi chekhai, now uar-e khe natüng pe tiama kownkow maih iowng chunglung en tow pe mih paw amatni pur hownia en henta pe dowi chekhai.20Amatni kowi natüngsangah kownkow en kowh aiungma mih lümla en peah khai. Amatni nachaah kownkow en peah mih manna kawm en taingta pe dowi chekhai, now amatni tui sakkrai narimla kownkow en peah tui khai.21Amatni kowi dow süngrüp süngkangma kowi 40 ning mowr en thumah khai. Nami khin khe amatni dow tawngpaw khawr dowi; amatni kowh tawnguat paw tu dowi, now amatni kowh klowng paw bau dowi chekhai.22“Akung kowi dow pren hai chenchap ahuma amatni rut kowi en ap pe khai. Now naiawngün pren kowi kowh arah maten kowi amatni kowi en krawi pe uowiah khai. Mang Sihun kowh Hesbawn marow hai Awk mang kowh Basan süng paw amatni kowi en pe powngah khai.23Amatni kowi dow kuang dawng kowi kowh krek iawng chauüa ahuma en pe kaah khai. Now amatni pipu-uüa kowi nape powngah pren kownkow en tek pe mih kowi amatni kowi dow en kowpawla khai.24Now amatni kowh krungchakuüa dow nami pren kowi kowkowi hanow nami pren mih kowpowngta khai. Amatni pur kowi dow nami pren kowi kowh hawt uowi mih Kananuüa kowi en pe khamah sum khai. Amatni nau iawng naia changla kownkow nami pren kowi kowh hawt uowi mih Kananuüa, manguüa hai pren kowi kowh akeng chenchapuüa kowi amatni rut kowi en ap pe khai.25Amatni dow tap uowi mih marow hai asi uowi mih krawng bawn ahuma krawi powngta khai. Nami klen kowi uanh iung atekma mih kim hai tuikuam thai ia ün, grep krum, kanrawn khang hai uih singh ün ahuma krawi powngta büah khai. Amatni dow chakkham aduma ka cha rakowi kow iungma uowi büah khai, now en peah mih iungra ahuma ka büah khai.26“Nachenganchepaw amatni dow chün lai dowi kowi kingküa en khai; en peah mih ari aiang nuata büah khai. Amatni dow en prakowi nauang planla kownkow krawi tek lai mih risiuüa kowi saita büah khai, now amatni dow lainowmma towk en kunmarau khai.27Naiawng rakowi amatni kowi dow ransu-uüa rut kowi en ap-ah khai, now ransu-uüa dow amatni kowi changah anowng apowng khai. Amatni krat mih khin khe dow amatni mih en tut-e uang nguk uang kar khai, now nami kar klow dow mukuang pren hownia en iu sünta pe khai. Now en kowh sakraura atekma rakowi amatni kowi nalawngah kownkow en kowchin pe lawng miuüa khai. Naiawngün lawng miuüa dow ransu-uüa rut hownia amatni kowi uang lawngah khai.28“Nachenganchepaw amatni ka tanai mih khin khe dow en mik kowi angakma mih lup chang büah khai iawk. Nami kung kowi dow amatni luk kowi ransu-uüa pacham chang low lah pakowh amatni kowi dow ransu-uüa rut kowi en plan ap-ah khai. Nachenganchepaw en tut-e amatni uang nguk uang kar iawk khe dow mukuang pren hownia en ta hanow en sakrauah rakowi aplan aplan en uang lawngah khai.29“En kowh ari aiang prakowi nauang planla kownkow amatni kowi dow en uang tek pe khai. Nachenganchepaw amatni dow bawrima chekhai; amatni dow en kowh ana pek maten kowi lowk paw chün dowi chekhai. En kowh ana pek chün hanow maru kala singra mih kowi kingküala mih angak chang büah khai. Amatni dow lai üa kürma hai kunma khawtma chekhai; en kowh lai sünta kown nau dowi.30Nachenganchepaw ning kawmma amatni luk kowi en town sak khai. En kowh risiuüa hai en kowh lümla hown kaneuma nauowi büah kownkow en uang tek pe khai. Nachenganchepaw amatni dow pe ching dowi. Naiawng rakowi amatni kowi dow chenchap alang alangma miuüa rut kowi en cham ap-ah khai.31Nachenganchepaw en kowh sakraura ahuma chekhai rakowi amatni kowi dow en chumta dowi hai en nuata dowi chekhai. Tawngplawng kowchow panow en dow saksing sanara hai sakraura atekma mih Thurai chekhai.32“Aw anging kowh Thurai, en dow lang kri lang kraing mih, lang kür mih hai kramra uowima mih Thurai chekhai. En dow en kowh achur uowi dowi mih sakraura laikham en townah reng. Asuria manguüa chowng hownia kawmat pat anging, anging kowh manguüa, aluchowuüa, uamowuüa, risiuüa, pipu-uüa hai en kowh maru-uüa maten kham ngare mih ditchow taih pami hangkow tuakah diah.33En pe anging ripra mih dow tawi dowi chekhai. En dow kaah sakowmma chang lup khai, now anging dow chang angak khai.34Anging kowh manguüa, aluchowuüa, uamowuüa hai pipu-uüa dow en kowh ari aiang chün dowi chekhai; en kowh ana pek hai paw sangching kown mih laiklow sünta dowi chekhai.35Amatni chowm mang mih khin khe amatni dow en peah mih aiukma hai asi uowima mih pren kowi aiungma uowi büah khai. Nachenganchepaw amatni dow chupiia en dowi chekhai, now angak hownia paw uang plan büah dowi chekhai.36“Naiawng rakowi kawmat dow chak iung kham iung naka chala kownkow anging pipu-uüa kowi kowh en peah mih pren kowi anging uowi nar khai.37Anging kowh luprak dow anging kowh angak rakowi anging luk kowi nachang low kownkow en towah mih manguüa rut kowi cham ting khai bowt. Amatni dow amatni nau iawng anging buk kowi hai anging kowh tawncher hawmh luk kowi chang alow khai. Naiawng rakowi lainowmma anging ngare khai,” pakhai.38Nami kung kowi dow Israeluüa tek mih, “Maiawngün bowkbowk mih rakowi kawmat dow anging takham khowk, now mami laikham laiklow mih charam kowi anging ruiah khai. Nami charam kowi anging kowh aluchowuüa, Leviuüa hai uamowuüa tuk pe mur khowk chekhai,” pakhai.
The Seed Company