Nehemia10
1Nami laikham charam kowi rik tuk mur mih dow Hakalia chapa pren kruitown mih Nehemia chekhai, now nami kung kowi dow Zedekia.2Nami kung kowi uamowuüa hownia kowh tuk mur miuüa dow Seraia, Azaria, Jeremia,3Pasur, Amaria, Malkija,4Hatus, Sebania, Maluk5Harim, Meremawt, Obadia,6Daniel, Ginethawn, Baruk,7Mesulam, Abija, Mijamin,8Mazia, Bilgai hai Semaia büah chekhai.9Leviuüa hownia kowh tuk mur miuüa dow Azania chapa Jesua, Henadad chapa Binui hai Kadmiel büah chekhai.10Amatni kowh tainau Sebania, Hodia, Kelita, Pelaia, Hanan,11Mika, Rehawb, Hasabia,12Zakur, Serebia, Sebania,13Hodia, Bani hai Beninu büah paw tawi tuk mur khai.14Aluchowuüa hownia kowh tuk mur miuüa dow Paraws, Pahat-Moab, Elam, Zatu, Bani,15Buni, Azgad, Bebai,16Adonija, Bigvai, Adin,17Ater, Hezekia, Azur,18Hodia, Hasum, Bezai,19Harip, Anathawt, Nebai,20Magpias, Mesulam, Hezir,21Mesezabel, Zadawk, Jadua,22Pelatia, Hanan, Anaia,23Hosea, Hanani, Hasub,24Halohes, Pilha, Sobek,25Rehum, Hasabna, Maseia,26Ahia, Hanan, Anan,27Maluk, Harim hai Bana büah chekhai.28Ta lat mih maru maten — uamowuüa, Leviuüa, kangchawng miuüa, meng sarauüa, Thurai chup kim kowi kowh lup chang miuüa, Thurai ana iawng nauowi kownkow amatni riaret kowi kowh akeng chenchapuüa hownia lang tahen miuüa, amatni kowh masi hawmuüa, ka sangching khowk mih amatni kowh chauüa — amatni kowh aluchowuüa hown tawi takham khai. Amatni dow Mosi kowi kowh Thurai peah mih ari aiang chün dowi hanow naka piati kown mih takham khai, now CHAKRAMANG kowh ana pek hai rirow maten nachün kaneu kown mih takham khai. Amatni takham mih,30“Anging riaret kowi kowh uowi mih akeng chenchapuüa hown anging kowh chapa chamauüa kowi anging nape tachawngah kown nadowi.31“Tanai Ni hai akeng mih chimsaima mih ni khe anging riaret kowi kowh akeng chenchapuüa uang sum uanh chepaw anging nahawt ran kown nadowi. Ranit ning chi towng anging kowh kakra lowi maten anging nalawtta kown. Anging kowh krawng bawn kowi paw anging nape tanaiah kown; anging nalupah kown nadowi.32“A-i kowh Thurai chup kim kowi kowh lup chang müa ning towng tai tali gram kowi changah sum bak now pabak chi anging nape kown.33Naiawngün tai anging pe kown mih dow CHAKRAMANG pur kowi kowh towah kown mih kawm vüi, khowmta bowkta mih pawi kowi kowh kawmdi uanap hai tikah mih uanap chang müa, Tanai Ni khe kowh phuchua chang müa, Lacher Pawi hai akeng mih khowmta bowkta mih pawi chang müa, chimsaima mih uanh naap kown mih pawi chang müa, Israeluüa kowh angak lawt lük müa uanap hai a-i kowh Thurai chup kim kowi kowh lup maten naia changla kownkow chekhai.34“Now ari aiang kowi arui uowi iawng ning towng CHAKRAMANG a-i kowh Thurai phuchuara luk kowi naia changla tikah mih uanap kownkow tawng khe chow nacham paw sawp kown mih hai mia krungchak chow nacham paw sawp kown mih natukla kownkow anging uamowuüa, Leviuüa hai iawngpa mih maru-uüa kuak plang khai.35“Ning towng rik kuaah mih luprak hai singh towng kowi kowh uih müng dow CHAKRAMANG kim kowi anging nauang pawla reng kown.36Ari aiang kowi arui uowi iawng anging kowh chapa ta, now chia, rua hai ruapur kowi kowh rik pen mih ala chah maten mih a-i kowh Thurai chup kim kowi chang lup mih uamowuüa tut-e anging nakowpawla kown.37“Nami klen kowi kawmdi, kawmdi uanap kowi kowh rik ap-ah mih, singh maten hownia kowh uih müng, grep tui sar hai rik küaah mih kanrawn sau a-i kowh Thurai chup kim kowi kowh dawngthawnguan nungra kim kowi uamowuüa tut-e anging nakowpawla kown. Now anging kowh luprak hownia hamüt bak kowi pabak mih Leviuüa tut-e nakowpawla kown. Tawngplawng kowchow panow a-i kowh marow maten kowi hamüt bak kowi pabak paw reng mih dow Leviuüa chowtaih.38Leviuüa hawt paw hamüt bak kowi pabak mih khin khe amatni hown Arawn krungchak hownia kowh uamow natawi uowi lowk ia kown. Now maru uang pawla mih naiawngün uanh maten hownia changah hamüt bak kowi pabak mih dow a-i kowh Thurai chup kim kowi kowh dawngthawnguan nungra kim kowi Leviuüa nakowpawla kown.39Now dawngthawnguan nungra kim kowi kowh towklak maten kowi Israeluüa hai Leviuüa mih amatni kowh luprak, grep tui sar hai kanrawn sau nauang pawla kown. Naiawngün towklak kowi dow uanap chang müa chimsaima uanh uowi chekhai, now lup chang mih Leviuüa, kangchawng miuüa hai meng sarauüa paw tawngah khai.
“A-i kowh Thurai chup kim kowi lakke mih srui anging nape reng kown,” pakhai.
“A-i kowh Thurai chup kim kowi lakke mih srui anging nape reng kown,” pakhai.
The Seed Company