Nehemia13
1Nami ni khe Mosi rirow bowih mih maru kawmuüa pur kowi phatah khai. Nakhowk khe nami bowih kowi maiawng arui uowi mih khi büah khai: Amawnuüa lah, Moabuüa lah amia iawng mih paw Thurai maru-uüa takua talawmra kowi natawi ia kowi kown nadowi.2Tawngplawng kowchow panow amatni dow Mosi chowng khe Israeluüa kowi chakkham hai tui kowpawla pe dowi chekhai. Naiawng nachang lak dow Thurai maru-uüa kowi peah piati kownkow Balam kowi ngaah büah khai. Nachenganchepaw anging kowh Thurai dow nami piati takcha kowi pe anging prasi khai.3Maru kawmuüa dow nami ari aiang laiklow ta hanow Israeluüa pungmadawng kowi kowh prenlang maru-uüa kowh krungchakuüa maten kowi lawtta bowk khai.4Nami dowi rawn khe Thurai chup kim kowi kowh dawngthawnguan nungra mingkhet mih uamow Eleasib dow Tobia kowi towklak aiukma mih peah lowk khai. Tawngplawng kowchow panow Tobia dow Eliasib hown tasin taken mih maru chekhai. Nami towklak kowi dow nami dowi rawn khe kawmdi uanap, nam iungma mih maikhük towk müa hai Thurai chup kim kowi kowh uanh tow pe reng chekhai. Nami klen kowi nami towklak kowi mih Leviuüa, meng sarauüa hai kangchawng miuüa vüi kowi kowh maru uang pe mih luprak, grep tui sar, kanrawn sau hamüt bak kowi pabak mih hai uamowuüa kowi kowh maru uang peah mih paw tow pe reng chekhai.6Naiawng phaw mih khin khe Jerusalem marow kowi ang uowi dowi chekhai. Tawngplawng kowchow panow Babulawn pren mang Artazerzes chowm mang mih 32 ning khe mangkri tut-e ang kowplan khai. Akung kowi dow mangkri tut-e ang lüla ana hanow Jerusalem kowi ang uang plan khai.7Now Jerusalem marow kowi ang uang ting kung kowi Thurai chup kim kowi kowh towklak Tobia kowi Eliasib peah lowk hanow chang lup ngak mih maten ang uang ta khai.8Nami tata hanow lainowmma ang kunmarau khai. Naiawng rakowi nami towklak kowi kowh Tobia kowh uanh maten prang kowi ang kuakta pe bowk khai.9Nami kung kowi dow ang ana pek iawng nami towklak mih chimsaiah khai. Now nami towklak kowi dow Thurai chup kim kowi kowh uanh, kawmdi uanap uanh hai nam iungma mih maikhük towk müa uanh mih uang plan towah khai iawk.10Now meng sarauüa hai akeng mih Leviuüa kowi dow luprak uanap hownia kowh amatni kowh kakbak peah dowi rakowi amatni dow amatni kowh lup towla hanow amatni chowlowkkow krawng kowi plan büah khai pami paw ang uang ta khai.11Naiawng rakowi nangah se maru iukuüa kowi ang tek pe mih, “Thurai chup kim kowi kowh lup chang miuüa tawngplawng uowi dowi?” pakhai. Nami kung kowi dow chowlowkkow krawng bawn kowi plan mih Leviuüa maten kowi arasang ang kuaah khai, now amatni chowlowkkow arah kowi ang towah khai.12Nahanow Juda maru-uüa maten dow luprak, grep tui sar hai kanrawn sau hamüt bak kowi pabak mih dawngthawnguan nungra kowi uang pawla büah khai.13Now uamow Selemia, kawngmu sara Zadawk hai Levi chenchap Pedaia büah kowi dow dawngthawnguan nungra kim naming nakhet kownkow ang peah kurdik khai. Now amatni kowh akhowng mih dow Zakur kowh chapa Hanan kowi ang towah khai. Aia dow Matania kowh chu chekhai. Naiawngünuüa kowi dow bowkbowk maru kaah sakowm khai. Naiawngün maru-uüa kowi dow amatni kowh tainau-uüa kowi naret pe kakbak kown mih kurdik ang peah khai.14Now ang chup Thurai mih, “Aw ang kowh Thurai, en kowh kim hai nakowi kowh lup kaah sakowm iawng ang chang mih srui dow hangkow tamata diah. Naiawngün lup rakowi tuakla ang reng diah,” pakhai.15Nami khin khe Juda maru-uüa mih Tanai Ni kowi khe chang lup mih ang khi khai. Amatni dow küa grep uih khai, now uang pawla luprak hanow nami luprak, grep tui, grep uih, uidut uih hai kurdik maiow kawrngaramchük luk kowi tang pe khai. Nami klen kowi amatni dow naiawngün mih Tanai Ni khe Jerusalem marow kowi uang pawla büah khai. Naiawng rakowi Tanai Ni kowi kowh chakkham nasum kown mih lawnguan kowi nauowi kaneu kown mih amatni kowi ang tek pe khai.16Jerusalem marow kowi uowi mih Sur maru-uüa dow Tanai Ni khe dam hai sumah kown mih akeng mih uanh maten krawi sum khai. Amatni dow naiawngün uanh mih Jerusalem marow kowi khowm padow Juda maru-uüa tut-e sum büah khai.17Nakhowk khe Juda maru iukuüa kowi nangah se ang tek pe mih, “Tawng chow naiawng enni chang? Naiawng mih lup ngak enni chang mih dow Tanai Ni chimsaima mih enni piakah mih chekhai.18Enni kowh pipu-uüa paw Tanai Ni kowi piakah nadowi bow? Maiawng mih angak rakowi a-i luk kowi hai mami marow luk kowi a-i kowh Thurai uang pawla phih mih chekhai. Kawmat paw chimsaima mih Tanai Ni enni piakta khai iawk. Israeluüa luk kowi Thurai kowh kunmaraura enni pe huah ngamlam khai,” pakhai.19Tanai Ni uown dowi rawn sat kup khowk now Jerusalem marow tapplawt ün nabüngta kown mih ana ang peta khowk. Now naiawngün tapplawt dow Tanai Ni chur dowi mowr nahing büngta hüah kown. Tanai Ni khe lowra mih kurdik alak kowi nauang ia pawla dowi kownkow ang matia kowh maru iuk kowi dow tapplawt ün kowi ang krawi towah khowk.20Naiawng rakowi kun chang miuüa hai achap akawm uanh sum miuüa dow Jerusalem marow uat kowi iak pre sum kat khowk chekhai.21Kaneuma nauowi kownkow amatni kowi ang tek pe mih, “Tawngplawng kowchow tap re-e enni kowtuk iak khai? Enni che naiawng plan chang khai iawk hanow ang narip enni kown,” pakhai. Nami hownia now amatni dow Tanai Ni khe uang tarü dowi bowt chekhai.22Nami kung kowi dow amatni tachim tasaila kownkow hai Tanai Ni chimsaima natowah kownkow nachawng tapplawt ün kown mih Leviuüa kowi ang peah ana khai.
Now ang chup Thurai mih, “Aw ang kowh Thurai, ang kowh kaah sakowmma mih lup tuakla ang reng diah, now en kowh achur uowi dowi mih sakraura ahuma tüng ang diah,” pakhai.23Nami khin khe Asdawd chenchap masiuüa, Amawn chenchap masiuüa hai Moab chenchap masiuüa kowi Judauüa chawngah mih paw ang khi khai.24Amatni kowh chauüa dawnglang mih dow akeng mih chenchap lai tawi tek khai. Amatni dow Judauüa lai tuk tek dowi bowt chekhai.25Amatni kowi dow ang nangah khai, now ang peah piati khai. Amatni pungmadawng kowi maru sangrum kowi dow ang bawpah khai, now ang chawi pe sam khai. Amatni kowi dow amatni kowh chapa chamauüa kowi prenlang maru-uüa hown nape tachawngah dowi kownkow Thurai ming hown ang pe takhamah khai.26Now ang tek pe amatni mih, “Israel mang Sawlawmawn paw naiawng akeng chenchap masiuüa kowi paw rakowi chang lup ngak nadowi bow? Akeng chenchapuüa tut-e aia iawng mih mang miapaw uowi dowi bowt chekhai, now Thurai dow aia kowi sakrauah chekhai. Aia kowi dow Israeluüa maten luk kowi pe chowmah mang khai. Nachenganchepaw aia kowi dow aia kowh prenlang masiuüa mih angak prakowi pawla khai.27Tawngplawng kowchow enni paw naiawng mih lup ngak enni tuk chang khai? Tawngplawng kowchow prenlang masiuüa kowi enni chawng hanow CHAKRAMANG a-i kowh Thurai kaah sakowm dowi mih lup enni tuk chang khai?” pakhai.28Joiada kowh chapa lowk ia mih dow Horon chenchap Sanbalat kowh chama kowi chawngah khai. Naiawng rakowi Joiada kowi dow ang hownia ang prütta khai. Joiada dow Uamow lang kri mih Eliasib kowh chapa chekhai.29Now ang chup Thurai mih, “Aw ang kowh Thurai, amatni kowh laiklow dow tuakah reng diah. Tawngplawng kowchow panow amatni dow uamow rah mih sürlawkah büah khai. Now amatni dow uamowuüa hai Leviuüa kowh lup chang laikham piakta büah khai,” pakhai.30Naiawng hai prenlang maru-uüa hownia uamowuüa hai Leviuüa kowi dow chimsaima ang towah khai. Now amatni kowi dow amatni chowlowkkow kowh lup ang tüngsangah khai.31Nami klen kowi singh hai rik kaah mih luprak paw akhin khe nauang pawla kownkow ang tek pe napnap khai.
Now ang chup Thurai iawk mih, “Aw ang kowh Thurai, ang naiungla kownkow tuakla ang reng diah,” pakhai.
Now ang chup Thurai mih, “Aw ang kowh Thurai, ang kowh kaah sakowmma mih lup tuakla ang reng diah, now en kowh achur uowi dowi mih sakraura ahuma tüng ang diah,” pakhai.23Nami khin khe Asdawd chenchap masiuüa, Amawn chenchap masiuüa hai Moab chenchap masiuüa kowi Judauüa chawngah mih paw ang khi khai.24Amatni kowh chauüa dawnglang mih dow akeng mih chenchap lai tawi tek khai. Amatni dow Judauüa lai tuk tek dowi bowt chekhai.25Amatni kowi dow ang nangah khai, now ang peah piati khai. Amatni pungmadawng kowi maru sangrum kowi dow ang bawpah khai, now ang chawi pe sam khai. Amatni kowi dow amatni kowh chapa chamauüa kowi prenlang maru-uüa hown nape tachawngah dowi kownkow Thurai ming hown ang pe takhamah khai.26Now ang tek pe amatni mih, “Israel mang Sawlawmawn paw naiawng akeng chenchap masiuüa kowi paw rakowi chang lup ngak nadowi bow? Akeng chenchapuüa tut-e aia iawng mih mang miapaw uowi dowi bowt chekhai, now Thurai dow aia kowi sakrauah chekhai. Aia kowi dow Israeluüa maten luk kowi pe chowmah mang khai. Nachenganchepaw aia kowi dow aia kowh prenlang masiuüa mih angak prakowi pawla khai.27Tawngplawng kowchow enni paw naiawng mih lup ngak enni tuk chang khai? Tawngplawng kowchow prenlang masiuüa kowi enni chawng hanow CHAKRAMANG a-i kowh Thurai kaah sakowm dowi mih lup enni tuk chang khai?” pakhai.28Joiada kowh chapa lowk ia mih dow Horon chenchap Sanbalat kowh chama kowi chawngah khai. Naiawng rakowi Joiada kowi dow ang hownia ang prütta khai. Joiada dow Uamow lang kri mih Eliasib kowh chapa chekhai.29Now ang chup Thurai mih, “Aw ang kowh Thurai, amatni kowh laiklow dow tuakah reng diah. Tawngplawng kowchow panow amatni dow uamow rah mih sürlawkah büah khai. Now amatni dow uamowuüa hai Leviuüa kowh lup chang laikham piakta büah khai,” pakhai.30Naiawng hai prenlang maru-uüa hownia uamowuüa hai Leviuüa kowi dow chimsaima ang towah khai. Now amatni kowi dow amatni chowlowkkow kowh lup ang tüngsangah khai.31Nami klen kowi singh hai rik kaah mih luprak paw akhin khe nauang pawla kownkow ang tek pe napnap khai.
Now ang chup Thurai iawk mih, “Aw ang kowh Thurai, ang naiungla kownkow tuakla ang reng diah,” pakhai.
The Seed Company