Malaki4
1Mukuang siphaiuüa kowh CHAKRAMANG tek mih, “Sünta, tara chetra ni uang ting kown chowbowt. Nami ni dow taping maih iawng nalün kown. Nami ni khe dow chang bawri miuüa hai chang lup ngak miuüa maten chathang kam iawng nakam kown; aprün khowm padow nata lat kown nadowi.2Nachenganchepaw ringkawma hown kram ang miuüa luk kowi dow tachi tanawmra sat nowi nauang sawt kown, now nami sat nowi hownia dow enni naka kür sar kown. Nakhowk khe dow chia rum hownia lawtta mih chia chah iawng thaulangma hai apiawma enni nauowi bowt kown.3Nami ni khe dow enni mih maru ngakuüa kowi khawk hown nanünah kown. Tawngplawng kowchow panow naiawng ang chang mih khin khe dow maru ngakuüa mih enni khawkpha kowi kowh dinchow iawng naown kown. Mami laiklow dow ang mukuang siphaiuüa kowh CHAKRAMANG ang tek khowk.4“Ang kowh nar Mosi kowi kowh ang peah mih rirow laiklow nachün kown mih ka tuakah büa diah. Nami rirow dow Israeluüa maten vüi Sinai hungh kowi kowh ang peah mih chekhai.5“Sünta, CHAKRAMANG kowh nami tara chetra ni akraingma hai kramra uowima mih ni uang ting dowi rawn risi Elija kowi enni tut-e ang nauang rik chin enni kown.6Ang uang hanow piati hown ang napiakta enni pren dowi kownkow aia dow pauüa kowh saktuak chauüa pra kowi, now chauüa kowh saktuak pauüa prakowi nauang pe planah kown,” pakhai.
The Seed Company