Leviuüa11
1Nami kung kowi Mosi hai Arawn iüah kowi CHAKRAMANG tek pe mih, “Israeluüa kowi kowtek pe diah: Krawng luk kowi kowh asak uowi mih chap maten kowi tai penchow mih hai akeh talak mih chap chowtaih enni naiung cha kown.4Tawkche tai penchow chepaw akeh talak dowi mih chap uowi, now akeh talak chepaw tai penchow dowi mih chap uowi, naiawngün dow enni naiung cha kown nadowi. Ut dow tai penchow chepaw akeh talak dowi chekhai. Naiawng rakowi nami dow enni vüi asür alawkma naown kown.5Ngaiung rik paw tai penchow chowdiah. Tawkche akeh talak dowi rakowi nami paw enni vüi asür alawkma naown kown.6Ngaiung kaw paw tai penchow chowdiah. Tawkche akeh talak dowi rakowi nami paw enni vüi asür alawkma naown kown.7Pak kowh dow akeh talak chowdiah. Tawkche tai penchow dowi rakowi nami paw enni vüi asür alawkma chekhai.8Naiawngün asür alawkma mih chap kowh nga dow enni nacha kown nadowi, now auak paw enni nakak kown nadowi. Naiawngün dow enni vüi asür alawkma chekhai.9“Sata hai aw kowi kowh asak uowi mih chap maten kowi paw angap hai alip uowi mih chap chowtaih enni naiung cha kown.10Tawkche angap hai alip uowi dowi mih chap maten dow enni naiung cha kown nadowi. Naiawngün dow suiiai kaniaima pahai enni nadowkah kown takla.11Naiawngün dow suiiai kaniaima chekhai rakowi enni nachaah kown nadowi, now auak ngam padow suiiai kaniaima rakowi enni naia kak kown nadowi.12Tui kowi kowh uowi mih chap kowi angap hai alip uowi dowi mih maten dow suiiai kaniaima pahai enni nadowkah kown takla.13“Uakling uaber chap kowi paw suiiai kaniaima pahai enni nadowkah kown mih uowi ne. Naiawngün dow uamu chap maten, bungku chap maten, langta chap maten, tingtut chap maten, uaak chap maten, tuipai chap maten, ut uakling hai mailap chap maten chekhai. Naiawngün nga dow enni nacha kown nadowi.20“Khawk huma mih chap kowi kowh iow mih chap maten dow suiiai kaniaima pahai enni nadowkah kown takla.21Nachenganchepaw tachar khawk uowi kowh krawng kowi nowng chet mih chap dow enni naiung cha ne kown taih.22Naiawngün dow plawng chap maten hai tawngther chap maten chekhai.23Tawkche akhawk huma chepaw iow mih chap maten dow suiiai kaniaima pahai enni nadowkah kown takla.24“Now akeh talak mih chap kowi akeh chemma nadowi mih hai tai penchow dowi mih chap dow enni vüi asür alawkma chekhai. Akhawk tali chüng mih chap kowi kowh khawkpha hown mang mih chap maten paw enni vüi asür alawkma chekhai. Naiawngün uak kowi kak mih maru dow sat kup dowi mowr asür alawkma nauowi kown. Now naiawngün uak kowi krowng mih maru dow aia kowh dawnguan nachuta kown takla, now sat kup dowi mowr asür alawkma hai nauowi kown.29“Now krawng kowi kowh uowi mih asowmchow mih asadua pungmadawng kowi paw sirsik, utmow, mriua,30tawkke, chang, tam, tuisrambowngmow, naklai hai nakang ün enni vüi asür alawkma chekhai.31Naiawngün dow asak uowi mih pungmadawng kowi chili chalachow mih chap kowi kowh asür alawkma mih chap chekhai. Naiawngün uak kowi kak mih maru dow sat kup dowi mowr asür alawkma hai nauowi kown.32Naiawngün uak che lowra mih uanh luk kowi cham dowh khai hanow nami uanh dow asür alawkma naown kown. Phen chepaw, uan chepaw, chak pik chepaw, akeng mih uanh chepaw naiawngün uak takak khowk mih uanh dow tui kowi natirah kown takla. Naiawngün uanh dow sat kup dowi mowr asür alawkma hai nauowi kown, nami kung kowi chiang chimsaima naown kown.33Naiawngün uak che bawn kawng lak kowi dowh khai hanow nami bawn kawng lak kowi kowh uanh srui dow asür alawkma naown kown. Nami bawn kawng paw nateuta kown takla.34Nami bawn kawng kowi kowh tui paw lowra mih chakkham luk kowi cham kak khai hanow nami chakkham paw asür alawkma naown kown. Nami bawn kawng kowi che khamah mih chap uowi khai hanow nami paw asür alawkma naown kown.35Naiawngün uak dow lowra uanh kowi dowh khai hanow nami uanh dow asür alawkma naown kown. Nami dow kawm heu müa akhawngrawngma mih taping hai taping kowi dowh chepaw nami taping mih napiakta kown takla. Naiawngün taping dow asür alawkma pahai enni nadowkah kown takla.36Nachenganchepaw naiawngün uak che tui tum kowi chepaw, tuikuam kowi chepaw kowdowh khai hanow naiawngün tui tum hai tuikuam dow tasür talawk kown nadowi tham. Tawkche naiawngün uak kowi kowh kak mih maru dow asür alawkma naown kown.37Now nasawtah kownkow towta hüah mih kan nuk hap liu kowi che naiawngün uak kowdowh khai hanow naiawngün kan nuk hap liu dow natasür talawk kown nadowi tham.38Nachenganchepaw tui kowi tirta hüah mih kan nuk hap liu kowi che naiawngün uak kowdowh khai hanow naiawngün kan nuk hap liu dow asür alawkma naown kown.39“Now enni iung chaah mih asadua chap paw auak dow enni nakak kown nadowi. Naiawngün uak kowi kak mih maru dow sat kowi dowi mowr asür alawkma hai nauowi kown.40Naiawngün kowng nga chata khai chepaw cha mih maru mih aia kowh dawnguan nachuta kown takla, now sat kup dowi mowr asür alawkma nauowi kown. Naiawngün uak kowi cham henta kownkow kowkrowng mih maru dow aia kowh dawnguan nachuta kown takla, now sat kup dowi mowr asür alawkma nauowi kown.41“Krawng luk kowi kowh chili chalachow mih asadua chap maten dow suiiai kaniaima pahai enni nadowkah kown takla. Naiawngün dow enni nacha kown nadowi.42Krawng luk kowi kowh chili chalachow mih chap maten dow mu hown sowr mih chap chepaw, akhawk tali chüng hown mang mih chap chepaw, akhawk huma hown kam mih chap chepaw enni nacha kown nadowi. Naiawngün chap maten dow suiiai kaniaima chekhai.43Naiawngün chap hown dow enni matia kowi hangkow sürlawkah büa diah.44Ang dow CHAKRAMANG enni kowh Thurai chekhai. Ang dow chimsaima chekhai. Naiawng rakowi ang vüi enni matia kowi enni nalang takra kown, now chimsaima enni nauowi kown takla. Krawng luk kowi chili chalachow mih asadua chap hown enni matia kowi hangkow pe tasür talawkah büa diah.45Ang dow CHAKRAMANG chekhai; enni kowh Thurai nachowng kownkow Aigupta pren hownia ang uang lawtla enni mih chekhai. Ang dow chimsaima chekhai. Naiawng rakowi enni paw nachimsai kown takla.46“Mami dow ang kowh rirow chekhai. Mami rirow dow asadua maten hai tui kowi kowh uowi mih chap maten vüi chekhai.47Tawng mih chow sürlawk dowi mih, now tawng mih chow sürlawkma mih enni natuk kown takla. Now tawng mih chaknga chow enni iung cha mih, tawng mih chow iung cha dowi mih paw enni natuk kown takla,” pape khai.
The Seed Company