Tara chet miuüa20
1Nami kung kowi dow tawngphak pra kowh Danuüa süng hownia mrawkphak pra kowh Ber-Seba marow mowr hai satlawt pra kowh Gileaduüa süng hownia Israeluüa maten takrüpah hanow Mizpa kowi uang büah khai, now CHAKRAMANG pur kowi takua talawm büah khai.2Naiawng takua talawm miuüa dow tasen kiakma mih siphai nget 400,000 ia chekhai. Nami klen kowi Israel krungchak maten hownia kowh aluchowuüa paw tawi uowi bowk chekhai.3Mizpa kowi takua talawm büah khe amatni dow naiawng suiiai kaniaima mih lup tawng iawng chow phaw mih talünta büah khai. (Naiawng Israeluüa takua talawm mih satang dow Benjamin krungchakuüa tata khai).4Nakhowk khe Benjamin krungchakuüa kowngta mih masiuüa kowh hua tek mih, “Ang hai ang changla masi mih narma angching naiakla kownkow Benjaminuüa süng kowi kowh Gibeah marow kowi kowkowi khai.5Nami iak Gibeah marowchakuüa uangah now angching pünah mih kim kowi uang umta lut khai, now uang chet ang khai. Amatni dow nasaita ang kown nau mih chowdiah. Nachenganchepaw nasaita ang kown mih takcha ang masi kowi pawla now kür hown phuaah iuaah büah khai. Naiawng changah büah rakowi ang masi mih kowng khai.6Naiawng rakowi ang masi uak ang dungta naknak now Israel kowi kowh akeng mih krungchakuüa maten kowi adung chi ang krawi saah khai. Tawngplawng kowchow panow Israeluüa pungmadawng kowi naiawng chang lup ngak mih hai naiawng khowt sangching khawm mih ang pe tukla enni kown ang nau.7Aw Israeluüa, kawmat mih nami lawnguan kowi talawp talai büa diah, now Gibeahuüa luk kowi tawng chow achang takla mih tek büa diah,” pakhai.8Nakhowk khe maru maten awr rüah now tek mih, “Kim kowi miapaw a-i namang kown nadowi; a-i pungmadawng hownia lowk iachow paw naplan kown nadowi.9Gibeahuüa kowi amia chow nakowsen kown mih a-i nakuak pe plang kown.10Israel krungchak maten hownia maru iun 100 ia kowi 10 ia chi, 1,000 ia kowi 100 ia chi, now 10,000 ia kowi 1,000 ia chi narui maru kown, now naiawngün ruiah miuüa mih siphaiuüa vüi nakowpaw chakkham kown. Now a-i ta lat mih maten dow Benjaminuüa süng kowi kowh Gibeah marow kowi kowkowiah now Israeluüa pungmadawng kowi kowh suiiai kaniaima mih lup chang miuüa kowi tating tataing mih ripra nakowpeah kown,” pakhai.11Naiawng rakowi Israeluüa maten mih takrüpah hanow Gibeahuüa kowi nakowsenah kownkow takua talawm khai.12Amatni dow Benjaminuüa süng kowi kowh arah maten kowi krawi chin maru now krawi lünta mih, “Tawng naiawng suiiai kaniaima mih lup enni tuk chang khai?13Gibeah marow kowi kowh maru ngakuüa maten kowi anging rut kowi ap anging diah. Israeluüa pungmadawng hownia naiawng mih suiiai kaniaima mih lup namitla kownkow amatni kowi anging nasaita bowk kown,” pakhai.
Nachenganchepaw Benjaminuüa mih amatni kowh tainau-uüa laiklow sünta pe dowi chekhai.14Amatni dow Israeluüa hown natasen kownkow marow maten hownia uang lawtah now Gibeah marow kowi uang takua talawm büah khai.15Nami ni khe amatni dow marow towng hownia 26,000 ia siphaiuüa kowi kuaah lawmah khai. Nami klen kowi Gibeah marow kowi kowh lang kloah mih siphaiuüa paw tawi uowi 700 ia chekhai.16Naiawngün 700 ia mih siphaiuüa dow lakuai rut hown iaiba ap kiakma chekhai. Amatni dow sam paiangchow kowi khowm padow iaiba hown ia manh chekhai.17Now akeng pra kowh Israel siphaiuüa dow bowkbowk kowi 400,000 ia chekhai. Amatni dow tasen akiakma chekhai.18Israeluüa dow Bethel marow kowi kowkowiah now Benjaminuüa hown tasen kownkow mia chen chow narik tarü kown mih Thurai tut-e kowlünta khai. Now CHAKRAMANG mih Juda krungchakuüa narik tarü kown padow klangah khai.19Israeluüa mih auai rau awr rü hanow Gibeah marow re-e kowkhup tangbung khai.20Nami kung kowi amatni dow Benjaminuüa hown natasen kownkow lawt büah hanow amatni kowh siphai hawmh kowi krawi towah khai.21Nakhowk khe Benjaminuüa dow Gibeah marow hownia uang lawtah now Israeluüa hown uang tasen khai. Nami ni khe amatni dow Israeluüa kowh siphai 22,000 ia kowi saita büah khai.22Nakhowk khe Israeluüa dow sat kup dowi mowr CHAKRAMANG tut-e nguk büah kar büah khai. Amatni dow CHAKRAMANG kowi tek pe mih, “Aw CHAKRAMANG, anging kowh tainau Benjaminuüa kowi anging kowsen iawk kown bow?” pakhai.
Nakhowk khe CHAKRAMANG klangah mih, “Ow, kowsen büah iawk diah,” pape khai. Naiawng rakowi Israel siphaiuüa dow nakowdowk tasen iawk kownkow sakkraingma hown kowkowi büah hanow amatni rik tasen khe kowh arah re-e kamrüt büah khai.24Now auai ni khe amatni dow Benjamin krungchakuüa hown kowtasen khai iawk.25Nakhowk khe Benjaminuüa paw Gibeah marow hownia uang lawt hanow Israeluüa hown uang tasen khai. Nakow leng paw Benjaminuüa mih Israel siphai 18,000 ia kowi saita khai iawk. Naiawngün siphai hawmh dow saidawng hown kowh tasen akiakma miuüa kangowh chekhai.26Nakhowk khe Israeluüa maten mih Bethel marow kowi kowkowiah now CHAKRAMANG pur kowi kowkar büah khai. Nakow ni khe amatni dow sat kup dowi mowr khang hawm büah khai, now CHAKRAMANG vüi tikah mih uanap hai taking tasangra uanap chang büah khai.27Nakhowk khe CHAKRAMANG kowh naukrang natuk büah kown nau kowh CHAKRAMANG kowi lüntaah büah mih, “Aw CHAKRAMANG, anging kowh tainau Benjaminuüa kowi anging nakowsen iawk kown bow?” pakhai. Now CHAKRAMANG klangah mih, “Ow, kowsen büah iawk diah. Tawngplawng kowchow panow tharau dow Benjaminuüa kowi enni rut kowi ang naap enni kown chekhai,” pape khai.
Nami khin khe CHAKRAMANG kowh sangbowk laitawm tawkpla uowi mih dow Bethel marow kowi chekhai. Now nakhowk khe kowh chang uamow lup mih dow Eleazar kowh chapa Finehas chekhai. Eleazar dow Arawn kowh chapa chekhai.29Nakhowk khe Israeluüa dow Gibeah marow tapat lut krawi ku tow siphai khai.30Now sum ni kowh ni dow Benjaminuüa hown natadowk tasen iawk kownkow kowrik tasen büah khe kowh iawng Gibeah marow re-e chowlowkkow uowi rah kowi kowkrawi uowi büah khai iawk.31Nami khin khe paw Israeluüa kowi nauang senah iawk kownkow Benjaminuüa mih Gibeah marow hownia uang lawt hanow marow hownia alak sangrum mowr uang büah khai. Amatni dow rik tasen khe kowh iawng Israeluüa kowi saiah khai. Amatni dow dowm kowi kowh uowi miuüa kowi hai Bethel marow pra kowh tiama kowi uowi miuüa hown Gibeah marow pra kowh tiama kowi uowi miuüa hailawm bowkbowk kowi maru iun 30 ia ngia krawi saita büah khai.32Naiawng rakowi Benjaminuüa tatek mih, “A-i rik senah khe kowh iawng amatni kowi a-i nowngta iawk mih chowbowt,” pakhai. Israeluüa dow tatek mih, “Chu, kung prakowi a-i chang powt iow hanow kowbüah kowi marow hownia rasa prakowi a-i pawla lah,” pakhai.33Now nami hownia Israel siphaiuüa dow chang powt iow khai bowt, now Bal-Tamar pami arah kowi nahawt dowkah tasen kownkow kamrüt büah khai. Now Gibeah marow satkup pra kowh tapet mih Israeluüa dow Benjaminuüa kowi nasenah kownkow amatni tapetra hownia uang lawt khai bowt.34Nakhowk khe mih Israeluüa hownia kowh kloah mih maru iun 10,000 ia mih dow Gibeah marow prakowi kowkowiah now kowsenah khai. Nami khin khe amatni dow tasen chamang tasen büah khai. Nachenganchepaw Benjaminuüa dow amatni napiak kown chowbowt mih tuk dowi chekhai.35Nami ni dow Israeluüa rut kowi Benjaminuüa kowi CHAKRAMANG pe sumah khai. Nakow ni dow Benjaminuüa kowh maru iun 25,100 ia kowi Israeluüa saita pe khai. Naiawngün kowng mih Benjamin kowh siphaiuüa dow saidawng hown tasen akiakma mih kangowh chekhai.36Nami kung kowi dow amatni sum mih chowbowt pami Benjaminuüa tukta khai bowt.
Benjaminuüa pur hownia Israeluüa chang powt iow mih dow Gibeah marow re-e kowh tapet mih siphaiuüa kowi owmsak rakowi chekhai.37Naiawng tapet mih siphaiuüa dow Gibeah marow kowi mingmang dowi khe kowkup rui khai, now marow kowi krawi tauet büah plawt hanow nakowi kowh maru maten kowi krawi saita bowk büah khai.38Naiawng tapet mih siphaiuüa hown akeng mih Israel siphaiuüa dow rik towla amatra lowk khai. Amatni tatek mih, “Tapet mih siphaiuüa mih marow kowi kowkup hanow nakrawi towk marow kown. Now marow hownia uangnim iawng maikhük pün lawmlawm mih khita khe dow chang powt iow miuüa nauai taplan hanow Benjaminuüa kowi nasenah kown,” pakhai.
Benjamin siphaiuüa dow Israel siphai 30 ia kowi ia saita now tatek mih, “A-i rik tasen khe kowh iawng khaleng paw Israel siphaiuüa kowi a-i nowngta iawk mih chowbowt ba,” pakhai.40Nachenganchepaw amatni kowh marow hownia maikhük chai lawmlawm khe dow marow prakowi haimü büah pache marow hownia maikhük pün lawmlawm mih khita büah khai.41Nami khin khe dow Israel siphaiuüa mih amatni prakowi uai taplan khai bowt. Nakhowk khe dow Benjamin siphaiuüa mih lainowmma kram khai. Amatni dow amatni luk kowi sum khing uang ting mih chowbowt pami tuk büah khai bowt.42Naiawng rakowi amatni dow Israel siphaiuüa pur hownia süngrüp süngkangma prakowi powt khai. Nachenganchepaw tasenra hownia amatni dow plai dowi chekhai. Marow ün hownia Benjaminuüa uang lawt hanow amatni kowi dow nami re-e Israeluüa saiah khai.43Israeluüa dow Benjaminuüa kowi umta lut khai, now Gibeah marow satlawt pra mowr amatni kowi kawikrawiah hanow tiama rawng kowi krawi saita bowk khai.44Naiawng hai Benjamin siphaiuüa dow 18,000 ia kowng khai. Naiawngün siphaiuüa dow tasen akiakma kangowh chekhai.45Now süngrüp süngkangma hownia taplan now Rimawn pami huamang prakowi powt mih akeng mih Benjamin siphaiuüa kowi dow powt thüm khe tiama rawng kowi 5,000 ia Israel siphaiuüa saiah khai. Nami kung kowi paw Israel siphaiuüa dow Gidawm marow mowr Benjamin siphaiuüa kowi kawikrawiah khai, now maru iun 2,000 ia kowi krawi plan saita büah khai.46Nakow ni khe Benjamin siphaiuüa kowng mih dow bowkbowk kowi 25,000 ia chekhai. Naiawngün siphaiuüa dow tasen akiakma kangowh chekhai.47Nachenganchepaw Benjamin siphai 600 ia dow süngrüp süngkangma hownia taplan hanow Rimawn huamang kowi kownowng powt khai. Now ia powt mih Benjamin siphaiuüa dow tali la mowr nami Rimawn huamang kowi hing uowi khai.48Nami khin khe Israel siphaiuüa mih kowplan hanow Benjaminuüa kowh marow maten kowi kowkrawi kup khai, now ta sing uowi mih Benjaminuüa maten kowi hai tawncher maten kowi krawi saita bowk khai. Nami klen kowi amatni krawi kupah mih marow maten dow hing towkla büah bowk khai.
Nachenganchepaw Benjaminuüa mih amatni kowh tainau-uüa laiklow sünta pe dowi chekhai.14Amatni dow Israeluüa hown natasen kownkow marow maten hownia uang lawtah now Gibeah marow kowi uang takua talawm büah khai.15Nami ni khe amatni dow marow towng hownia 26,000 ia siphaiuüa kowi kuaah lawmah khai. Nami klen kowi Gibeah marow kowi kowh lang kloah mih siphaiuüa paw tawi uowi 700 ia chekhai.16Naiawngün 700 ia mih siphaiuüa dow lakuai rut hown iaiba ap kiakma chekhai. Amatni dow sam paiangchow kowi khowm padow iaiba hown ia manh chekhai.17Now akeng pra kowh Israel siphaiuüa dow bowkbowk kowi 400,000 ia chekhai. Amatni dow tasen akiakma chekhai.18Israeluüa dow Bethel marow kowi kowkowiah now Benjaminuüa hown tasen kownkow mia chen chow narik tarü kown mih Thurai tut-e kowlünta khai. Now CHAKRAMANG mih Juda krungchakuüa narik tarü kown padow klangah khai.19Israeluüa mih auai rau awr rü hanow Gibeah marow re-e kowkhup tangbung khai.20Nami kung kowi amatni dow Benjaminuüa hown natasen kownkow lawt büah hanow amatni kowh siphai hawmh kowi krawi towah khai.21Nakhowk khe Benjaminuüa dow Gibeah marow hownia uang lawtah now Israeluüa hown uang tasen khai. Nami ni khe amatni dow Israeluüa kowh siphai 22,000 ia kowi saita büah khai.22Nakhowk khe Israeluüa dow sat kup dowi mowr CHAKRAMANG tut-e nguk büah kar büah khai. Amatni dow CHAKRAMANG kowi tek pe mih, “Aw CHAKRAMANG, anging kowh tainau Benjaminuüa kowi anging kowsen iawk kown bow?” pakhai.
Nakhowk khe CHAKRAMANG klangah mih, “Ow, kowsen büah iawk diah,” pape khai. Naiawng rakowi Israel siphaiuüa dow nakowdowk tasen iawk kownkow sakkraingma hown kowkowi büah hanow amatni rik tasen khe kowh arah re-e kamrüt büah khai.24Now auai ni khe amatni dow Benjamin krungchakuüa hown kowtasen khai iawk.25Nakhowk khe Benjaminuüa paw Gibeah marow hownia uang lawt hanow Israeluüa hown uang tasen khai. Nakow leng paw Benjaminuüa mih Israel siphai 18,000 ia kowi saita khai iawk. Naiawngün siphai hawmh dow saidawng hown kowh tasen akiakma miuüa kangowh chekhai.26Nakhowk khe Israeluüa maten mih Bethel marow kowi kowkowiah now CHAKRAMANG pur kowi kowkar büah khai. Nakow ni khe amatni dow sat kup dowi mowr khang hawm büah khai, now CHAKRAMANG vüi tikah mih uanap hai taking tasangra uanap chang büah khai.27Nakhowk khe CHAKRAMANG kowh naukrang natuk büah kown nau kowh CHAKRAMANG kowi lüntaah büah mih, “Aw CHAKRAMANG, anging kowh tainau Benjaminuüa kowi anging nakowsen iawk kown bow?” pakhai. Now CHAKRAMANG klangah mih, “Ow, kowsen büah iawk diah. Tawngplawng kowchow panow tharau dow Benjaminuüa kowi enni rut kowi ang naap enni kown chekhai,” pape khai.
Nami khin khe CHAKRAMANG kowh sangbowk laitawm tawkpla uowi mih dow Bethel marow kowi chekhai. Now nakhowk khe kowh chang uamow lup mih dow Eleazar kowh chapa Finehas chekhai. Eleazar dow Arawn kowh chapa chekhai.29Nakhowk khe Israeluüa dow Gibeah marow tapat lut krawi ku tow siphai khai.30Now sum ni kowh ni dow Benjaminuüa hown natadowk tasen iawk kownkow kowrik tasen büah khe kowh iawng Gibeah marow re-e chowlowkkow uowi rah kowi kowkrawi uowi büah khai iawk.31Nami khin khe paw Israeluüa kowi nauang senah iawk kownkow Benjaminuüa mih Gibeah marow hownia uang lawt hanow marow hownia alak sangrum mowr uang büah khai. Amatni dow rik tasen khe kowh iawng Israeluüa kowi saiah khai. Amatni dow dowm kowi kowh uowi miuüa kowi hai Bethel marow pra kowh tiama kowi uowi miuüa hown Gibeah marow pra kowh tiama kowi uowi miuüa hailawm bowkbowk kowi maru iun 30 ia ngia krawi saita büah khai.32Naiawng rakowi Benjaminuüa tatek mih, “A-i rik senah khe kowh iawng amatni kowi a-i nowngta iawk mih chowbowt,” pakhai. Israeluüa dow tatek mih, “Chu, kung prakowi a-i chang powt iow hanow kowbüah kowi marow hownia rasa prakowi a-i pawla lah,” pakhai.33Now nami hownia Israel siphaiuüa dow chang powt iow khai bowt, now Bal-Tamar pami arah kowi nahawt dowkah tasen kownkow kamrüt büah khai. Now Gibeah marow satkup pra kowh tapet mih Israeluüa dow Benjaminuüa kowi nasenah kownkow amatni tapetra hownia uang lawt khai bowt.34Nakhowk khe mih Israeluüa hownia kowh kloah mih maru iun 10,000 ia mih dow Gibeah marow prakowi kowkowiah now kowsenah khai. Nami khin khe amatni dow tasen chamang tasen büah khai. Nachenganchepaw Benjaminuüa dow amatni napiak kown chowbowt mih tuk dowi chekhai.35Nami ni dow Israeluüa rut kowi Benjaminuüa kowi CHAKRAMANG pe sumah khai. Nakow ni dow Benjaminuüa kowh maru iun 25,100 ia kowi Israeluüa saita pe khai. Naiawngün kowng mih Benjamin kowh siphaiuüa dow saidawng hown tasen akiakma mih kangowh chekhai.36Nami kung kowi dow amatni sum mih chowbowt pami Benjaminuüa tukta khai bowt.
Benjaminuüa pur hownia Israeluüa chang powt iow mih dow Gibeah marow re-e kowh tapet mih siphaiuüa kowi owmsak rakowi chekhai.37Naiawng tapet mih siphaiuüa dow Gibeah marow kowi mingmang dowi khe kowkup rui khai, now marow kowi krawi tauet büah plawt hanow nakowi kowh maru maten kowi krawi saita bowk büah khai.38Naiawng tapet mih siphaiuüa hown akeng mih Israel siphaiuüa dow rik towla amatra lowk khai. Amatni tatek mih, “Tapet mih siphaiuüa mih marow kowi kowkup hanow nakrawi towk marow kown. Now marow hownia uangnim iawng maikhük pün lawmlawm mih khita khe dow chang powt iow miuüa nauai taplan hanow Benjaminuüa kowi nasenah kown,” pakhai.
Benjamin siphaiuüa dow Israel siphai 30 ia kowi ia saita now tatek mih, “A-i rik tasen khe kowh iawng khaleng paw Israel siphaiuüa kowi a-i nowngta iawk mih chowbowt ba,” pakhai.40Nachenganchepaw amatni kowh marow hownia maikhük chai lawmlawm khe dow marow prakowi haimü büah pache marow hownia maikhük pün lawmlawm mih khita büah khai.41Nami khin khe dow Israel siphaiuüa mih amatni prakowi uai taplan khai bowt. Nakhowk khe dow Benjamin siphaiuüa mih lainowmma kram khai. Amatni dow amatni luk kowi sum khing uang ting mih chowbowt pami tuk büah khai bowt.42Naiawng rakowi amatni dow Israel siphaiuüa pur hownia süngrüp süngkangma prakowi powt khai. Nachenganchepaw tasenra hownia amatni dow plai dowi chekhai. Marow ün hownia Benjaminuüa uang lawt hanow amatni kowi dow nami re-e Israeluüa saiah khai.43Israeluüa dow Benjaminuüa kowi umta lut khai, now Gibeah marow satlawt pra mowr amatni kowi kawikrawiah hanow tiama rawng kowi krawi saita bowk khai.44Naiawng hai Benjamin siphaiuüa dow 18,000 ia kowng khai. Naiawngün siphaiuüa dow tasen akiakma kangowh chekhai.45Now süngrüp süngkangma hownia taplan now Rimawn pami huamang prakowi powt mih akeng mih Benjamin siphaiuüa kowi dow powt thüm khe tiama rawng kowi 5,000 ia Israel siphaiuüa saiah khai. Nami kung kowi paw Israel siphaiuüa dow Gidawm marow mowr Benjamin siphaiuüa kowi kawikrawiah khai, now maru iun 2,000 ia kowi krawi plan saita büah khai.46Nakow ni khe Benjamin siphaiuüa kowng mih dow bowkbowk kowi 25,000 ia chekhai. Naiawngün siphaiuüa dow tasen akiakma kangowh chekhai.47Nachenganchepaw Benjamin siphai 600 ia dow süngrüp süngkangma hownia taplan hanow Rimawn huamang kowi kownowng powt khai. Now ia powt mih Benjamin siphaiuüa dow tali la mowr nami Rimawn huamang kowi hing uowi khai.48Nami khin khe Israel siphaiuüa mih kowplan hanow Benjaminuüa kowh marow maten kowi kowkrawi kup khai, now ta sing uowi mih Benjaminuüa maten kowi hai tawncher maten kowi krawi saita bowk khai. Nami klen kowi amatni krawi kupah mih marow maten dow hing towkla büah bowk khai.
The Seed Company