Tara chet miuüa10
Israeluüa kowh tara chet mih Tola
1Abimelek kowng kung kowi dow Israeluüa kowi nalawngah kownkow Tola mih uang chowng tara chet mih khai. Aia dow Isakar krungchak chekhai. A-pa dow Pua, now Pua kowh pa dow Dodo chekhai. Tola uowi mih dow Efraimuüa kowh hungma mawngma süng kowi kowh Samir marow kowi chekhai.2Aia dow 23 ning mowr Israeluüa kowi kruitownla khai. Now aia kowng hanow aia kowi dow Samir marow kowi dupah khai.3Tola kowng kung kowi dow Jair mih Israeluüa kowh tara chet mih uang chowng khai. Aia dow 22 ning mowr Israeluüa kowi kruitownla khai. Aia dow Gilead süng kowi kowh maru chekhai.4Jair kowh dow chapa uowi 30 ia chekhai. Now achapauüa kowh dow kawrngaramchük uowi lowk chi chekhai. Now amatni kowh dow Gilead süng kowi marow uowi 30 klüng chekhai. Naiawngün marow kowi dow kawmat pat paw Jair Kowh Marow pahai maru tek pe reng tak chekhai.5Jair kowng hanow aia kowi dow Kamawn marow kowi dupah khai.6Akung kowi dow Israeluüa mih CHAKRAMANG mik kowi angakma mih lup ta plan chang khai iawk. Amatni dow Baal thuraiuüa hai Astarte thuraiuüa kowi cham chupiia büah khai. Nami klen kowi Siriauüa kowh thuraiuüa, Sidawnuüa kowh thuraiuüa, Moabuüa kowh thuraiuüa, Amawnuüa kowh thuraiuüa hai Filistinuüa kowh thuraiuüa kowi cham chupiia büah khai. Naiawng hai Israeluüa mih CHAKRAMANG kowi nuata khai, now aia kowi chupiia büah dowi bowt chekhai.7Naiawng rakowi CHAKRAMANG mih Israeluüa luk kowi lainowmma kunmarauah khai. Now amatni kowi mih Filistinuüa hai Amawnuüa rut kowi ap-ah khai.8Nami ning kowi amatni dow Israeluüa kowi uown changah anowng apowng khai. Amatni dow Jawrdan aw satlawt prakowi kowh Amawruüa kowh pren Gilead süng kowi kowh uowi mih Israeluüa kowi 18 ning mowr towkah ngare büah khai.9Now Amawnuüa dow satkup pra kowh uowi mih Juda krungchakuüa, Benjamin krungchakuüa hai Efraim krungchakuüa kowi nauang senah kownkow uaipown Jawrdan aw khai. Naiawng rakowi Israeluüa mih lainowmma pusa khai.10Nakhowk khe amatni dow CHAKRAMANG tut-e kar se tek pe mih, “Anging changta ngak khai nowm. Anging dow anging kowh Thurai kowi nuata hanow Baal thuraiuüa kowi cham chupiia khai,” pakhai.11CHAKRAMANG tek pe Israeluüa mih, “Aiguptauüa hownia, Amawruüa hownia, Amawnuüa hownia hai Filistinuüa hownia ang lawng enni dowi bow?12Sidawnuüa, Amalekuüa hai Maawnuüa chang enni anowng apowng khe kar se ang tut-e enni awr lü khowng khai. Nakhowk khe paw naiawngünuüa rut hownia ang lawng enni khai.13Nachenganchepaw enni mih nuata ang khai, now akeng thuraiuüa kowi enni cham chupiia khai. Naiawng rakowi ang nalawng enni kown nadowi bowt.14Enni lang kloah mih thuraiuüa tut-e phai kowkowi now kowkar büah. Enni kla phih mih khin khe amatni pacham lawng enni lah,” pape khai.15Nachenganchepaw Israeluüa tek pe CHAKRAMANG mih, “Anging changta angak khai. En nau iawng chang anging towbowt. Nachenganchepaw sakrauma hown khaleng dow lawng anging akatchow diah,” pakhai.16Nami kung kowi amatni dow amatni pungmadawng kowi kowh akeng chenchapuüa kowh thuraiuüa rup uowi mih maten kuakta büah khai. Now CHAKRAMANG kowi chupiia büah khai bowt. Israeluüa kowh krat pusa khita hanow CHAKRAMANG mih saktuak tawi kawm khai.17Amawnuüa dow cham dowk tasen kownkow takua talawm khai bowt, now amatni dow Gilead süng kowi kowkhup tangbung khai. Now Israeluüa paw takua talawm hanow Gilead süng kowi kowh Mizpa marow kowi kowkhup tangbung büah khai.18Gileaduüa kowh aluchowuüa tatek mih, “Amawnuüa kowi nakowsen kownkow mia chow narik tarowngla a-i kown? Nami maru dow a-i Gileaduüa kowh kruitown miia nachowng kown,” pabüah khai.The Seed Company