Josua24
1Nami kung kowi dow Josua mih Israel krungchak maten kowi Sekem marow kowi arasang kuaah khai. Aia dow Israel lawngtang aluchowuüa, krungchak aluchowuüa, tara chet miuüa hai maru iukuüa kowi hawah khai. Nahanow amatni dow CHAKRAMANG pur kowi uang büah khai.2Nakhowk khe maru maten kowi Josua tek pe mih, “CHAKRAMANG Israeluüa kowh Thurai tek mih maiawng: Achük alai kowh enni pipu-uüa dow Iufratis aw paipra pown kowi uowi khai, now amatni dow akeng thuraiuüa kowi chupiia büa khai. Abraham hai Nahawr iüah kowh pa Tera paw naiawng tawi chup khai.3Nachenganchepaw Abraham kowi dow Iufratis aw paipra pown hownia ang uang pawla khai, now aia kowi dow Kanan pren kowi kowh süng maten kowi ang pe krawi lenah khai. Aia kowi dow ang pe kaah Isak khai, now Isak hownia krungchak ahuma ang pe prungah khai.4Isak kowi dow Jakawb hai Esau iüah kowi ang pe kaah khai. Esau kowi dow nachangla dawngthawnguan kownkow Seir hungma mawngma süng ang peah khai. Nachenganchepaw Jakawb hai achapauüa dow Aigupta pren kowi kowkowi khai.5“Nami kung kowi Mosi hai Arawn iüah kowi Aigupta pren kowi ang kowchinah khai. Aigupta prenchakuüa kowi dow kramra uowima mih ngare towk rah hown ang piakah khai. Naiawng hai Aigupta pren hownia ang uang lawtla enni khai.6Now enni kowh pipu-uüa mih Aigupta pren hownia uang lawt hanow sata Rik re-e uang büah khai. Nakhowk khe Aigupta maru-uüa dow kawrnga kari hai kawrnga kowi kowh chowm mih siphaiuüa hown uang kawikrawi enni khai.7Naiawng rakowi amatni dow kar se ang tut-e uang awr lü khowng khai. Nahanow amatni hai Aigupta siphaiuüa takra kowi dow aiiuma ang chang pe khai. Aigupta siphaiuüa kowi dow sata tui kowi ang pe tamirah khai. Aigupta siphaiuüa kowi tawng iawng chow ang changah mih enni matia kowteng khi khowk chekhai. Nami kung kowi khin krama süngrüp süngkangma kowi enni uowi khai.8“Nami kung kowi dow Jawrdan aw satlawt pra kowh uowi mih Amawruüa pren kowi ang uang pawla enni khai. Nami khin khe Amawruüa dow enni hown uang dowk tasen khai. Nachenganchepaw amatni kowi dow enni rut kowi ang apta enni khai. Enni pur kowi amatni kowi dow ang piakah khai, now amatni kowh pren dow enni powngta khai.9Nami kung kowi Zipawr kowh chapa mang Balak mih Israeluüa hown natasen kownkow kamrüt khai. Balak dow Moab pren mang chekhai. Now aia dow nape enni piati kownkow Beur kowh chapa Balam kowi uang hawla khai.10Nachenganchepaw Balam kowh laiklow ang nauta pe dowi chekhai. Naiawng rakowi aia dow piati takcha kowi pe enni prasi khai. Naiawng hai mang Balak rut hownia ang lawng enni khai.11“Nami kung kowi dow Jawrdan aw enni uaipown now Jeriko marow kowi enni uang khai. Nami khin khe Jeriko marowchakuüa mih hawt dowk enni tasen khai. Nami klen kowi Amawruüa, Perizuüa, Kananuüa, Hituüa, Girgasuüa, Hivuüa hai Jebusuüa paw uang dowk enni tasen khai. Nachenganchepaw amatni bowkbowk kowi enni rut kowi ang apta enni khai.12Enni pur hownia Amawruüa mang pre ia kowi naprütta kownkow enni dowi rawn ang kowrik chin pe krawngkuai khai. Naiawng enni awng mih dow saidawng hai leba hown enni senah kowh nadowi chekhai13Enni kawmah dowi mih krawng bawn hai enni thawpah dowi mih marow ang pe enni khai. Naiawngün krawng bawn hai marow kowi dow kawmat enni uowi khai. Nami klen kowi enni ienah dowi mih grep hai enni chowkah dowi mih kanrawn uih paw kawmat enni ka cha khai,” pakhai.14Nami kung kowi Josua tek pe Israeluüa mih, “Kawmat CHAKRAMANG kowi ringkawma hown kramah büa diah. Aia kowi dow kaah sakowmma hai anowmma chupiiaah büa diah. Iufratis aw paipra pown kowi hai Aigupta pren kowi uowi khe kowh enni pipu-uüa chupiiaah mih thuraiuüa kowi kuakta büa diah, now CHAKRAMANG kowi chupiia büa diah.15Tawkchedow CHAKRAMANG kowi chupiia kown che enni nau dowi hanow mia kowi chow enni chupiia kown nau mih ani ruiah büa diah. Iufratis aw paipra pown kowi uowi khe kowh enni pipu-uüa chupah mih thuraiuüa kowi bow enni nachupiia kown? Nadowi now kawmat kowh enni uowiah mih pren kowi kowh Amawruüa kowh thuraiuüa kowi bow enni nachupiia kown? Tawkche ang hai ang kimchakuüa tarapdow CHAKRAMANG kowi chowtaih anging nachupiia kown” pakhai.16Nakhowk khe maru kawmuüa klangah mih, “CHAKRAMANG kowi powtta hanow akeng thuraiuüa kowi nacham chupiia kown mih saktuak anging hang pacham tuak lah.17Tawngplawng kowchow panow CHAKRAMANG a-i kowh Thurai matia dow a-i hai a-i kowh pipu-uüa kowi Aigupta pren kowi kowh nar lup changra hownia uang lawtla khai. Now aia dow a-i pur kowi awdara lup akraingma mih chang a-i khai. Aia dow patiama rawng a-i cham mang mih khin khe ün, now akeng chenchapuüa pungmadawng iawng a-i cham mang mih khin khe ün lawng a-i khai.18Mami pren kowi kowh uowi mih Amawruüa hai akeng chenchap maten kowi a-i pur hownia aia prütta khai. Naiawng rakowi anging paw CHAKRAMANG kowi nachupiia kown. Tawngplawng kowchow panow a-i kowh Thurai dow aia chowtaih chekhai,” pabüah khai.19Now maru kawmuüa kowi Josua tek pe mih, “CHAKRAMANG kowh lup dow enni ia chang kown nadowi tham. Tawngplawng kowchow panow aia dow chimsaima mih Thurai chekhai. Aia dow khowrbown dawma; aia klen kowi akeng chap kowi enni cham chup mih mapaw aia nau dowi chekhai. Enni kowh kingküara hai enni kowh angak dow aia nalawt enni kown nadowi.20Auown khe aia pe enni iungra chepaw enni che CHAKRAMANG kowi powtta kowh akeng mih thuraiuüa kowh lup enni cham chang khai hanow aia dow nakingküa enni kown. Now aia dow nauang pawla enni ngakra hanow napiakta enni kown,” pakhai.21Nakhowk khe maru kawmuüa klangah mih, “Nadowi iow! CHAKRAMANG kowi chowtaih anging nachupiia kown,” pabüah khai.22Now Josua tek pe mih, “CHAKRAMANG kowi nachupiia kown pahai enni tekta khowk mih saksi dow enni matia chekhai,” pakhai.
Nakhowk khe maru kawmuüa klangah mih, “Ow! Anging mih saksi chekhai,” pabüah khai.23Now Josua tek pe mih, “Naiawng chekhai hanow enni tut-e kowh uowi mih arup maten kawmat kuakta büa diah, now CHAKRAMANG Israeluüa kowh Thurai prakowi kaneuma pe ching büa diah,” pakhai.24Nakhowk khe maru kawmuüa klangah mih, “CHAKRAMANG a-i kowh Thurai lup chowtaih anging nachang kown, now aia kowh ana pek chowtaih anging nachün kown,” pabüah khai.25Naiawng rakowi Josua mih nami ni khe Sekem marow kowi Israeluüa hown tatow sangbowk laitawm khai. Aia dow amatni nachünah kown mih vüi ari arow hai ari aiang ün pe pe khai.26Akung kowi Josua mih naiawngün sangbowk laitawm laiklow maten Thurai kowh rirow bowih kowi ruiah khai. Nami kung kowi aia dow aiukma mih huaklu pawah lowk hanow Thurai chupiiara re-e sasua singh tut kowi chowkah khai. Nami dow amatni tatow sangbowk laitawm mih atungma natukla reng kownkow chekhai.27Nami kung kowi Josua tek pe maru kawmuüa mih, “Mami hua dow a-i lawnguan kowi saksi chekhai. Tawngplawng kowchow panow CHAKRAMANG tek a-i mih laiklow maten mami hua tawi ta bowk khowk chekhai. Enni che enni kowh Thurai kowi kingküa khai hanow mami hua mih nathuak enni saksi kown,” pakhai.28Nami kung kowi dow Josua mih amatni bowkbowk kowi chowlowkkow uowi rah kowi chinta khai bowt.29Naiawngün phaw bowk mih kung kowi CHAKRAMANG kowh nar Josua dow 110 ning singla now kowng khai bowt. Josua dow Nun kowh chapa chekhai.30Now Josua kowh uak dow maru kawmuüa mih Timnat-Sera marow kowi dupah khai. Nami marow dow aia kowh krawng bawn chekhai. Nami marow dow Efraim krungchakuüa kowh hungma mawngma süng kowi Gas hungh tawngphak prakowi chekhai.31Josua sing uowi mowr dow Israeluüa mih CHAKRAMANG kowi chupiia büah khai. Now Josua kowng kung kowi paw amatni kowh aluchowuüa sing uowi mowr dow maru kawmuüa mih CHAKRAMANG kowi chupiia reng tak chekhai. Naiawngün aluchowuüa dow Israeluüa vüi CHAKRAMANG chang pe mih maten khi miuüa chekhai.32Aigupta pren hownia uang lawt khe Israeluüa uang pawla mih Josef kowh hut dow Sekem marow kowi dupah büah khai. Nami marow dow Hamawr krungchakuüa hownia tai 100 hown Jakawb ranah mih chekhai; Hamawr dow Sekem büah kowh pa chekhai. Nami marow dow Josef krungchakuüa kowh chekhai.33Nami kung kowi dow Arawn kowh chapa Eleazar mih kowng khai bowt, now aia kowi dow Gibeah marow kowi Israeluüa dupah khai. Nami marow dow Efraim krungchak kowh hungma mawngma süng kowi chekhai. Nami marow dow Eleazar sing uowi reng tak khe achapa Finehas kowi aia pela mih chekhai.
Nakhowk khe maru kawmuüa klangah mih, “Ow! Anging mih saksi chekhai,” pabüah khai.23Now Josua tek pe mih, “Naiawng chekhai hanow enni tut-e kowh uowi mih arup maten kawmat kuakta büa diah, now CHAKRAMANG Israeluüa kowh Thurai prakowi kaneuma pe ching büa diah,” pakhai.24Nakhowk khe maru kawmuüa klangah mih, “CHAKRAMANG a-i kowh Thurai lup chowtaih anging nachang kown, now aia kowh ana pek chowtaih anging nachün kown,” pabüah khai.25Naiawng rakowi Josua mih nami ni khe Sekem marow kowi Israeluüa hown tatow sangbowk laitawm khai. Aia dow amatni nachünah kown mih vüi ari arow hai ari aiang ün pe pe khai.26Akung kowi Josua mih naiawngün sangbowk laitawm laiklow maten Thurai kowh rirow bowih kowi ruiah khai. Nami kung kowi aia dow aiukma mih huaklu pawah lowk hanow Thurai chupiiara re-e sasua singh tut kowi chowkah khai. Nami dow amatni tatow sangbowk laitawm mih atungma natukla reng kownkow chekhai.27Nami kung kowi Josua tek pe maru kawmuüa mih, “Mami hua dow a-i lawnguan kowi saksi chekhai. Tawngplawng kowchow panow CHAKRAMANG tek a-i mih laiklow maten mami hua tawi ta bowk khowk chekhai. Enni che enni kowh Thurai kowi kingküa khai hanow mami hua mih nathuak enni saksi kown,” pakhai.28Nami kung kowi dow Josua mih amatni bowkbowk kowi chowlowkkow uowi rah kowi chinta khai bowt.29Naiawngün phaw bowk mih kung kowi CHAKRAMANG kowh nar Josua dow 110 ning singla now kowng khai bowt. Josua dow Nun kowh chapa chekhai.30Now Josua kowh uak dow maru kawmuüa mih Timnat-Sera marow kowi dupah khai. Nami marow dow aia kowh krawng bawn chekhai. Nami marow dow Efraim krungchakuüa kowh hungma mawngma süng kowi Gas hungh tawngphak prakowi chekhai.31Josua sing uowi mowr dow Israeluüa mih CHAKRAMANG kowi chupiia büah khai. Now Josua kowng kung kowi paw amatni kowh aluchowuüa sing uowi mowr dow maru kawmuüa mih CHAKRAMANG kowi chupiia reng tak chekhai. Naiawngün aluchowuüa dow Israeluüa vüi CHAKRAMANG chang pe mih maten khi miuüa chekhai.32Aigupta pren hownia uang lawt khe Israeluüa uang pawla mih Josef kowh hut dow Sekem marow kowi dupah büah khai. Nami marow dow Hamawr krungchakuüa hownia tai 100 hown Jakawb ranah mih chekhai; Hamawr dow Sekem büah kowh pa chekhai. Nami marow dow Josef krungchakuüa kowh chekhai.33Nami kung kowi dow Arawn kowh chapa Eleazar mih kowng khai bowt, now aia kowi dow Gibeah marow kowi Israeluüa dupah khai. Nami marow dow Efraim krungchak kowh hungma mawngma süng kowi chekhai. Nami marow dow Eleazar sing uowi reng tak khe achapa Finehas kowi aia pela mih chekhai.
The Seed Company