Josua21
1Kanan pren kowi kowh Silo marow kowi amatni uowi reng tak khe Levi chenchap kowi kowh aluchowuüa mih uamow Eleazar, Nun kowh chapa Josua hai Israel chenchap kowi kowh aluchowuüa tut-e kowkowi khai. Now tek pe büah mih, “Anging vüi uowi rah hai tawncher thing rah süng nape anging kown mih lawnguan kowi Mosi kowi CHAKRAMANG peah ana mih Mosi tekla enni khowk. Naiawng rakowi marow hai marow riaret kowi kowh tawncher thing rah süng pe anging diah,” pakhai.3Naiawng rakowi Israeluüa mih CHAKRAMANG ana pek iawng chang khai. Amatni dow amatni kaah mih dawngthawnguan hownia marow hai marow riaret kowi kowh tawncher thing rah süng Leviuüa kowi pela ne khai.4Kuak plang hanow Kohat krungchakuüa ming uang rik tatüng khai. Leviuüa pungmadawng kowi uamow Arawn kowh krungchakuüa dow Juda krungchak, Simiawn krungchak hai Benjamin krungchak kowh süng hownia ka marow laisum buk khai. Arawn dow Kohat krungchak maru chekhai.5Now Kohat krungchakuüa pungmadawng kowi kowh akeng mih machakuüa dow Efraim krungchak, Dan krungchak hai Manase krungchak dawnglang mih hownia ka marow hamüt klüng khai.6Plan kuak plang hanow Gersawn krungchakuüa ming uang tatüng khai. Amatni dow Isakar krungchak, Aser krungchak, Naptali krungchak hai Basan pren kowi kowh Manase krungchak dawnglang mih hownia ka marow laisum buk khai.7Now Merari krungchakuüa dow Reuben krungchak, Gad krungchak hai Zebulun krungchak hownia ka marow laipre buk khai.8Mosi tut-e kowh CHAKRAMANG ana pek iawng Israeluüa mih kuak pe plang hanow naiawngün marow hai marow riaret kowi kowh tawncher thing rah süng Leviuüa kowi peah khai.9Levi chenchap Kohat krungchakuüa pungmadawng kowi kuak plang hanow Arawn krungchakuüa ming uang tatüng khai. Amatni dow Juda krungchak hai Simiawn krungchakuüa kowh süng hownia ka marow sangrum chi khai.11Juda krungchak hownia kowh amatni kaah mih dow hungma mawngma süng kowi Kiriat-Arba (Hebrawn) marow hai aria aret kowi kowh tawncher thing rah süng krowngchow chekhai. Arba dow Anakuüa kowi prekche miia chekhai.12Tawkche Kiriat-Arba kowi kowh kua ün hai süng ün dow Jefune chapa Kaleb kowi rik peta khowk chekhai.13Arawn krungchakuüa kowi dow Hebrawn, Libna, Jatir, Estemua, Hawlawn, Debir, Ain, Juta hai Bet-Semes marow peah khai. Naiawngün marow dow bowkbowk kowi taku marow chekhai. Now naiawngün marow riaret kowi kowh tawncher thing rah süng maten dow pela bowk büah khai. Naiawngün marow maten hownia Hebrawn marow dow changla tatung tanimra marow khai. Naiawngün marow dow Juda krungchak hai Simiawn krungchak hownia kowh amatni kaah mih chekhai.17Nami klen kowi Benjamin krungchak hownia kowh amatni kaah mih tali marow dow Gibeawn, Geba, Anathawt hai Almawn chekhai. Naiawngün marow riaret kowi kowh tawncher thing rah süng paw kala bowk büah khai.19Uamow Arawn krungchakuüa kaah mih marow dow bowkbowk kowi laisum buk chekhai. Naiawngün marow riaret kowi kowh tawncher thing rah süng paw kala bowk büah khai.20Levi chenchap Kohat krungchakuüa pungmadawng kowi kowh Arawn machakuüa klen kowi akeng mih krungchakuüa dow Efraim krungchakuüa kowh süng hownia ka marow sangrum khai.21Efraim krungchakuüa kowh hungma mawngma süng kowi kowh amatni kaah mih tali marow dow Sekem, Gezer, Kibzaim hai Bet-Hawrawn chekhai. Naiawngün marow riaret kowi kowh tawncher thing rah süng paw kala bowk büah khai. Naiawngün marow maten hownia Sekem marow dow changla tatung tanimra marow khai.23Nami klen kowi Dan krungchakuüa süng hownia kowh amatni kaah mih tali marow dow Elteke, Gibethawn, Aijalawn hai Gat-Rimawn chekhai. Now naiawngün marow riaret kowi kowh tawncher thing rah süng paw kala bowk büah khai.25Manase krungchak dawnglang mih hownia kowh amatni kaah mih pre buk mih marow dow Tanak hai Gat-rimawn chekhai. Now naiawngün marow riaret kowi kowh tawncher thing rah süng paw kala bowk büah khai.26Kohat krungchakuüa pungmadawng kowi kowh akeng mih krungchakuüa kaah mih marow dow bowkbowk kowi hamüt marow chekhai. Now marow riaret kowi kowh tawncher thing rah süng paw kala bowk büah khai.27Levi chenchap Gersawn krungchakuüa dow Basan pren kowi kowh Golan marow hai Bestera marow Manase krungchak dawnglang mih hownia ka pre buk khai. Now naiawngün marow riaret kowi kowh tawncher thing rah süng paw kala bowk büah khai. Naiawngün marow hownia Golan marow dow changla tatung tanimra marow khai.28Nami klen kowi Isakar krungchakuüa süng hownia kowh amatni kaah mih tali marow dow Kisiawn, Daberat, Jarmut hai Enganim chekhai. Now marow riaret kowi kowh tawncher thing rah süng paw kala bowk büah khai.30Now Aser krungchakuüa süng hownia kowh amatni kaah mih tali marow dow Misal, Abdawn, Helkat hai Rehawb chekhai. Now marow riaret kowi kowh tawncher thing rah süng paw kala bowk büah khai.32Naptali krungchakuüa süng hownia kowh amatni kaah mih sum buk mih marow dow Galili kowi kowh Kedes, Hamawt-Dawr hai Kartan chekhai. Now marow riaret kowi kowh tawncher thing rah süng paw kala büah khai. Naiawngün marow hownia Kades marow dow changla tatung tanimra marow khai.33Gersawn krungchakuüa kaah mih marow dow bowkbowk kowi laisum buk chekhai. Now marow riaret kowi kowh tawncher thing rah süng paw kala bowk büah khai.34Levi chenchap Merari krungchakuüa dow Zebulun krungchakuüa kowh süng hownia ka marow tali klüng chekhai. Naiawngün marow dow Jawkneam, Karta, Dimna hai Nahalal chekhai. Now marow riaret kowi kowh tawncher thing rah süng paw kala bowk büah khai.36Nami klen kowi Reuben krungchakuüa hownia kowh amatni kaah mih tali marow dow Bezer, Jahaz, Kedemawt hai Mephat chekhai. Now marow riaret kowi kowh tawncher thing rah süng paw kala bowk büah khai.38Gad krungchakuüa hownia kowh amatni kaah mih tali marow dow Gilead süng kowi kowh Ramawt, Mahanaim, Hesbawn hai Jazer chekhai. Now marow riaret kowi kowh tawncher thing rah süng paw kala bowk büah khai. Naiawngün marow hownia Ramawt marow dow changla tatung tanimra marow khai.40Levi chenchap Merari krungchakuüa kaah mih marow dow bowkbowk kowi laipre buk chekhai.41Israeluüa kaah mih süng hownia Leviuüa kaah mih marow dow bowkbowk kowi 48 marow chekhai. Now naiawngün marow riaret kowi kowh tawncher thing rah süng paw kala bowk büah khai.42Naiawngün marow maten aria aret kowi tawncher thing rah süng uowi bowk chekhai.43CHAKRAMANG mih Israeluüa kowi napeah pren kownkow amatni pipu-uüa tut-e takham khai. Now aia takhamta mih powm iawng CHAKRAMANG mih Israeluüa kowi peah khai. Israeluüa mih CHAKRAMANG khamah mih pren maten krawi powngta hanow nakowi mih uowi büah khai.44Amatni pipu-uüa tut-e kowh takhamta iawng CHAKRAMANG mih Israeluüa kowi tasenra maten hownia pe tanaiah khai bowt. Mia iawng mih ransu-uüa paw amatni pur kowi nowng iowng dowi chekhai. Tawngplawng kowchow panow Israeluüa rut kowi amatni kowh ransu-uüa maten kowi dow CHAKRAMANG appe khai.45Israeluüa kowi nachangah aiung kown pahai aia takhamta mih maten CHAKRAMANG mih chang pe khai; aia takhamta iawng chang pe dowi mih lowk paw uowi dowi chekhai.
The Seed Company