Josua17
1Nami kung kowi dow plan kuak pe plang hanow Manase krungchakuüa kowi ret pe krawng bawn khai. Manase dow Josef kowh chapa ta chekhai. Manase kowh chapa ta dow Makir chekhai. Makir dow Gilead kowh pa chekhai. Makir dow tasen akiakma rakowi Jawrdan aw satlawt prakowi kowh Gilead hai Basan marow mih rik kata khai bowt.2Nachenganchepaw Manase krungchak kowi kowh akeng mih chuprek chaprekuüa kowi dow Jawrdan aw satkup prakowi Kanan pren kowi peah süng khai. Kanan pren kowi kowh ka süng miuüa dow Abiezer, Helek, Asriel, Sekem, Hefer hai Semida büah chekhai. Naiawngünuüa dow Josef kowh chapa Manase krungchak kowi kowh aluchow chekhai.3Manase kowh chapa ming dow Makir, Makir kowh chapa dow Gilead, Gilead kowh chapa dow Hefer, now Hefer kowh chapa dow Zelofehad chekhai. Zelofehad kowh dow lowk ia paw chapa uowi dowi; chama kangowh chekhai. Aia kowh chamauüa ming dow Mala, Noa, Hawgla, Milka hai Tirza büah chekhai.4Naiawngün masiuüa mih uamow Eleazar, Nun kowh chapa Josua hai aluchowuüa tut-e kowkowiah now tek pe mih, “Anging kowh krungchakuüa pungmadawng kowi anging kowi paw napela anging dawngthawnguan pabak kown mih Mosi kowi CHAKRAMANG peah ana khai,” pakhai. Nami laiklow tata hanow CHAKRAMANG ana pek iawng Josua mih nami masiuüa hawmh kowi amatni kowh pa kowh tainau-uüa pungmadawng kowi peah dawngthawnguan pabak khai.5Naiawng rakowi Jawrdan aw satlawt pra kowh Gilead hai Basan süng klen kowi satkup prakowi paw Manase krungchak dow ka süng hamüt bak tak chekhai.6Tawngplawng kowchow panow Manase krungchakuüa kowh chapauüa hown naiawngün masiuüa hawmh paw tawi ka powng dawngthawnguan khai. (Manase kowh akeng mih krungchakuüa dow Gilead kowh süng ka khai).7Jawrdan aw satkup pra kowh Manase krungchakuüa kowh süng rihi dow Aser krungchakuüa kowh süng rihi mowr chekhai. Now amatni kowh mrawkphak pra kowh süng rihi dow Sekem re-e kowh Mikmethat hownia En-Tapua süng mowr chekhai. Nachenganchepaw En-Tapua marow dow Efraimuüa bak kowi taphang khai.9Now nami rihi dow tawngphak pra kowh Kana awchawng mowr kowdowh khai. Kana awchawng mrawkphak pra kowh Manase krungchakuüa süng kowi dow marow uowi sangrum chowdiah. Tawkche naiawngün marow dow Efraimuüa kowh marow chekhai. Manase krungchak kowh rihi dow Kana awchawng mrawkphak pra iawng panow Mediteranean sata kowi kowchur khai.10Kana awchawng mrawkphak pra kowh süng dow Efraimuüa kowh chekhai, now tawngphak pra kowh süng dow Manase krungchakuüa kowh chekhai. Satkup pra kowh Manase krungchakuüa kowh süng rihi dow Mediteranean sata mowr chekhai. Now tawngphak pra kowh rihi dow Aser krungchakuüa kowh sünghi mowr, now satlawt pra kowh rihi dow Isakar krungchakuüa kowh sünghi mowr chekhai.11Isakar krungchak hai Aser krungchak süng kowi kowh Bet-San marow, Ibleam marow hai aria aret kowi kowh uowi mih kua maten dow Manase krungchakuüa kowi peah khai. Nami klen kowi Dawr (Dawr pami kowh ming uowi lowk tak mih dow Nafat chekhai), Endawr, Tanak hai Megido kowi kowh maru hailawm marow hai aria aret kowi kowh kua maten paw Manase krungchak kowi peah khai.12Tawkchedow naiawngün marow maten mih Manase krungchakuüa krawi ia powngta bowk dowi chekhai. Tawngplawng kowchow panow naiawngün kowi kowh uowi mih Kananuüa dow naiawngün süng hownia powt kown nau dowi kowh hing tatang chen khai.13Nachenganchepaw Israeluüa uang kür ngamlam mih khin khe amatni kowi dow Israeluüa changla nar khai. Amatni kowi dow Israeluüa mih pren hownia prütta bowk dowi chekhai.14Josef krungchakuüa mih Josua tut-e kowkowiah now kowtek pe mih, “Tawngplawng kowchow nachangla dawngthawnguan kown mih süng arahchow en tuk pe anging khai? CHAKRAMANG pe anging prasi rakowi anging paw maru iun akawmma khowk lowmow,” pakhai.15Nakhowk khe Josua hawt tek pe mih, “Enni kowh maru iun kawm lai rakowi Efraimuüa kowh hungma mawngma süng paw enni che talawk dowi bowt hanow Perizuüa hai Refaimuüa pren kowi kowh singh rüm krawngta chia büa diah, now naiawngün dow hing powngta büah towbowt,” pape khai.16Nakhowk khe Josef krungchakuüa tek pe Josua mih, “Hungma mawngma süng dow anging talawk dowi chekhai. Nachenganchepaw dowm kowi kowh uowi mih Bet-San marow kowi kowh uowi mih, aria aret kowi kowh kua kowi uowi mih hai Jezrel lawngrawi kowi kowh uowi mih Kananuüa kowi anging nowng sen dowi tham. Tawngplawng kowchow panow amatni kowh dow lawngha hown kowh kawrnga kari uowi bowk chekhai,” pakhai.17Nakhowk khe Josef kowh chapa Efraim hai Manase krungchakuüa kowi Josua plan tek pe iawk mih, “Enni kowh dow maru iun akawmma, now kür paw akürma chekhai. Naiawng rakowi süng pabakchow nak dowi enni naka kown.18Kaurawng kangowh mih hungma mawngma süng paw enni naka kown. Naiawngün süng dow enni nachiaah kown takla. Nahanow naiawngün kaurawng hai süng maten enni nahing powngta kown. Kananuüa kowh lawngha hown kowh kawrnga kari uowi chepaw, now amatni akürma chepaw amatni kowi mih enni naprütta kown,” pape khai.
The Seed Company