Josua12
1Aia kowng dowi rawn khe Mosi mih Israeluüa hown Jawrdan aw satlawt prakowi kowh mang pre ia kowi kowsenah khai, now amatchi kowh pren mih powngta pe khai. Amatni dow Arnawn lawngrawi hownia Hermawn hungh mowr powngta pe khai. Nami klen kowi Jawrdan lawngrawi satlawt prakowi kowh süng maten paw powngta pe bowk büah khai.2Lowk kowi kowh Mosi hai Israeluüa senah mih dow Amawruüa kowh mang Sihun chekhai. Aia dow Hesbawn marow kowi kowh chowm mang mih chekhai. Aia kowh pren dow Arnawn lawngrawi re-e kowh Aroer marow hownia Jabawk aw mowr chekhai. Aia kowh pren sünghi dow nami Arnawn lawngrawi dawnglang hownia chekhai. Nami dow Amawnuüa kowh pren sünghi paw na chekhai. Naiawng hai Gileaduüa kowh süng dawnglang mang Sihun powngta khai; nami süng dow tawngphak prakowi chekhai.3Jawrdan aw satlawt prakowi kowh Sihun powngah mih süng dow tawngphak pra kowh Galili sata hownia mrawkphak pra kowh Sata Kowng mowr chekhai. Nami klen kowi aia dow Bet-Jesimawt marow hai mrawkphak pra kowh Pisga hungh paw powngla khai.4Pre kowi kowh Mosi hai Israeluüa senah mih dow Basan pren mang Awk chekhai. Aia dow ta sing uowi mih Refaimuüa pungmadawng kowi kowh lowk ia chekhai. Aia dow Astarte marow hai Edrei marow kowi kowh chowm mang mih chekhai.5Aia powngah mih pren rihi dow tawngphak prakowi kowh Hermawn hungh hai Saleka marow mowr chekhai, satlawt prakowi dow Basan pren paprenma chekhai, now satkup prakowi dow Gesuruüa hai Makauüa kowh rihi mowr chekhai. Nami klen kowi paw aia dow Gileaduüa kowh süng dawnglang powngta pe khai; nami süng dow mrawkphak prakowi chekhai. Nami re-e dow Hesbawn marow mang Sihun kowh pren sünghi paw na chekhai.6CHAKRAMANG kowh nar Mosi hai Israeluüa dow nami mang pre ia kowi nowngta khai. Now amatni kowh pren dow nachangla dawngthawnguan kownkow Reuben krungchak maten, Gad krungchak maten hai Manase krungchakuüa dawnglang kowi aia bak pe khai.7Josua hai Israeluüa mih Jawrdan aw satkup prakowi kowh manguüa kowi kowsenah khai, now amatni kowh pren mih kowpowngta pe khai. Amatni dow Lebanawn lawngrawi kowi kowh Baal-Gad pami arah hownia tawngphak pra kowh Halak hungh mowr powngta pe khai. Nami hungh dow Edawm pren hown atawnchow chekhai. Now naiawngün süng dow nachangla dawngthawnguan kownkow Israel krungchakuüa kowi Josua bak pe khai.8Naiawngün süng dow hungma mawngma süng ün, satkup pra kowh laina ün, Jawrdan lawngrawi ün, hungh kowi kowh rep hai mrawkphak pra kowh süngrüp süngkangma ün chekhai. Naiawngün süng dow Hituüa, Amawruüa, Kananuüa, Perizuüa, Hivuüa hai Jebusuüa kowh uowi rah chekhai. Now naiawngün manguüa kowi dow Israeluüa senah hanow nowngta khai.9Naiawngünuüa dow Jeriko marow mang, Bethel hown atawnchow mih Ai marow mang,10Jerusalem marow mang, Hebrawn marow mang,11Jarmut marow mang, Lakhis marow mang,12Eglawn marow mang, Gezer marow mang,13Debir marow mang, Geder marow mang,14Hawrma marow mang, Arad marow mang,15Libna marow mang, Adulam marow mang,16Makeda marow mang, Bethel marow mang,17Tapua marow mang, Hefer marow mang,18Afek marow mang, Lasarawn marow mang,19Madawn marow mang, Hazawr marow mang,20Simrawn-Merawn marow mang, Aksaf marow mang,21Tanak marow mang, Megido marow mang,22Kedes marow mang, Karmel marow mang Jawkneam,23Nafawt-Dawr kowi kowh uowi mih Dawr marow mang, Gilgal kowi kowh uowi mih Goim marow mang,24now Tirza marow mang chekhai. Naiawngün manguüa dow bowkbowk kowi 31 ia chekhai.
The Seed Company