Jawb11
1Nakhowk khe Naman chenchap Zofar tek pe Jawb mih,2“Naiawng khowt mih laiklow kowi miapaw klang en dowi tham bow?Naiawng khowt en tek lai khai pache na nowm pami maru natuak en kown bow?3Naiawng asung uowi dowi mih laiklow ta hanow ririmma ang nauowi kown bow?En prawngren maru now maru pe en rukrai dowi tham pabow?4En kowh owmra aser auowk uowi dowi pami Thurai kowi en tek pe khai,now aia mik kowi achinawmma en uowi pami en ka tuak khai.5Thurai uang klang en pakat dit panü;aia kowh saktuak Thurai uang phuang en dit panü.6Chanlaira lawnguan kowi Thurai uang tek en dit panü;tawngplawng kowchow panow chanlaira dow achaing huma chekhai.Sünta, en kowh angak iawng Thurai rip en dowi tak chekhai.7“Thurai changah mih lup lawnguan kowi en nowng tuk dowi chekhai,lang kri lang kraing mih kowh nowng changra hu krang en tuk dowi chekhai.8Naiawngün dow mukuang lak-e lowng mih en tuk tak bow?Now makownguüa uowi rah lak-e büp mih en tuk tak bow?9Thurai kowh tukra dow khaiah panü nowng khaiah dowi mowr chekhai;nami dow mami lusa nui hownia paimi nui lak-e lang klang chekhai,now sata lak-e paw lang phia chekhai.10“Aia uangah now uang tow en thawng hai chet en tara chepaw,aia kowi nowng hang mih maru miapaw uowi dowi chekhai.11Thurai dow asung uowi dowi mih maru kowi tuk mat chekhai;aia dow amatni chang lup ngak mih prakowi pela ching reng chekhai.12Kaurawng kawrngaramchük dow nowng pen lusa maru dowi chekhai;nami powm iawng bualama mih maru dow nowng chanlai dowi chekhai.13“En kowh sak maiow hown aia tut-e tape diah,now chawk rut se aia tut-e lü khowng diah.14En kowh angak uowi mih maten kuakta diah,now en kim kowi tawng iawng mih angak paw hangkow tow diah.15Nahanow rukraira uowi dowi kowi en naia rowng lu iawk kown,now kramra uowi dowi kowi anikma en naia iowng iawk kown.16Nakhowk khe dow en ngare mih en natamata ngengche bowt kown;en ngare mih dow nawngchow mih tui lawt iawng en natuakah kown.17En kowh chownglawng dow sat downg khe kowh lak-e nanowi bowt kown,now aiiu khowm padow rau-e kowh anowi iawng nanowi bowt kown.18En kowh sakowmra uowi rakowi en nasakkraing bowt kown;now thaulangma hown en naka uowi hai en naka tanai bowt kown.19En müi chepaw en nakram kown nadowi bowt;maru kawmma en tut-e nauang lü khowng bowt kown.20Nachenganchepaw maru ngakuüa dow naka sakowmra kown nadowi,now amatni dow krawi cham lawngra chepaw naka kown nadowi.Amatni kowh sakowmra dow nakowng kown mih krowngchow towbowt,” pakhai.
The Seed Company