Jeremia47
1Faraw kowsen Gaza marow dowi rawn khe Filistinuüa lawnguan kowi CHAKRAMANG tekah mih laiklow risi Jeremia tut-e uang towm khai.2CHAKRAMANG tek pe mih,“Tawngphak prakowi tawng iawng chow tui pün mih sam mü madiah,nami tui dow ue plawtlawt taih chekhai.Nami tui dow nami pren hai alak kowi kowh uowi mih maten kowi nalimla kown,nami dow marow hai nakowi kowh uowi mih maten kowi nalimla kown.Nahanow nakowi kowh maru-uüa dow napla kown,nami prenchakuüa maten dow nanguk nakar kown.3Filistinuüa dow kawrnga iowm tün, ransu-uüa kowh kawrnga kari tün nata kown,now kawrnga kari khawk taui mih tün ün nata büah kown.Amatni kowh pauüa dow amatni kowh chauüa kowi nalawngah kownkow naplan kown nadowi,amatni kowh rut dow auaklakma natahing hüah kown.4Filistinuüa maten kowi napiakta kown mih ni uang ting khai bowt,Tura hai Sidawn kowi khowng miuüa maten kowi nakowngta kown mih ni paw uang ting khai bowt.Ang CHAKRAMANG mih Krete süngdum hownia kowh uang mih Filistinuüa kowi napiakta kown.5Gaza dow uowila uiting uangtak mih natüngla kownkow nakhaita sam kown,Askelawn marow dow ririmma natakuak hüah kown.Laina kowi kowh uowi miuüa low,mün ni tak chow enni nanguk nakar kown?6Karla se, ‘Aw CHAKRAMANG kowh saidawng,mün ni kung kowi chow en natanai kown?En kowh akawp kowi taphang bowt,now uowi phülü bowt,’ pahai tek büa diah.7Tawkche aia kowi dow ang peah ana mih chekhai.Naiawng rakowi aia dow ka tanai dowi chekhai.Askelawn hai sata pang kowi kowh uowi miuüa kowi nasenah kownkowaia kowi peah ana mih dow ang chekhai,” pakhai.
The Seed Company