Jeremia31
1CHAKRAMANG tek mih, “Nami khin khe ang dow Israel krungchakuüa kowh Thurai nachowng kown, now amatni dow ang kowh maru nachowng kown,” pakhai.2Nami kung CHAKRAMANG plan tek pe Israeluüa mih,“Ransu-uüa hownia plai miuüa dow süngrüp süngkangma kowi naka tanaira kown;amatni kowi dow nakowi ang nape tanaiah kown,” pakhai.3Nami khin khe CHAKRAMANG dow alakma hownia uang hanow mukmang kowi tek anging mih,“Enni kowi dow ang kowh achur uowi dowi mih sakraura hown ang sakrau enni khai;chowngchowng saksakma mih sakraura hown ang tut-e ang uang pawla enni khai.4Aw malauüa iawng mih Israel,en kowi dow asar ang naplan thawp en iawk kown.Nahanow en naplan phaw iawk kown.En napaw sawkchow iawk kown,now piaw miuüa hown en natawi plai iawk kown.5Samari hungh kowi dow en naplan chang grep krum iawk kown,chang grep krum miuüa dow naka cha auih kown.6Maiawng mih khin nauang ting kown;nami khin khe dow Efraim hungh luk kowi kangchawng miuüa how se natek kown mih,‘Chu, CHAKRAMANG a-i kowh Thurai uowi rah Zaiawn hungh kowi a-i kowkowi lah,’ napa kown,” pakhai.7CHAKRAMANG tek mih, “Jakawb vüi kowi tek awmrawm meng büa diah,now lang iung mih chenchap vüi kowi piaw büa diah.Amatni kowi kiowah se maiawng tek büa diah,‘Aw CHAKRAMANG, en maru ta sing mih Israeluüa kowi lawngah diah,’ pabüa diah.8Sünta büa, tawngphak pra kowh pren hownia Israeluüa kowi ang nauang pawla kown,now prenchur nammowt hownia amatni kowi ang nakuaah kown.Amatni pungmadawng hownia mikdu mih hai klowng khawn tabai mih maru ün nauang tawi kown,amuma mih masiuüa hai kimuowi mu rau mih masiuüa ün nauang tawi kown.Naiawng hai amatni dow thum iukma nauang plan büah kown.9Amatni dow kar se kar se ang tut-e nauang kown,amatni kowi ang uang pawla mih khin khe amatni dow chupla Thurai se nauang kown.Anaima mih tiama iawng tui hawrra re-e amatni kowi ang nauang pawla kown,nakowi dow amatni natatheu kown nadowi bowt.Tawngplawng kowchow panow ang dow Israel kowh pa chekhai,Efraim dow ang kowh chapa ta chekhai.10“Aw chenchapuüa, ang laiklow sünta büa diah,now alakma mih pren kowi enni mih maiawng krawi phuang büa diah,‘Israeluüa kowi cham setah mih Thurai mih amatni kowi nakua nalawmah kown,now aia dow ruapur thing mih iawng aia kowh ruapur hawmh kowi natakhula kown,’ pabüah diah.11Tawngplawng kowchow panow Jakawb kowi ang uang lawngla khai,now amatni kowi amatni lak-e kowh lang kür miuüa rut hownia ang uang lawngla khai.12Amatni dow Zaiawn hungh kowi nauang hanow napiaw kown;amatni dow ang peah mih luprak hai grep tui sar ka hanow naawmrawm kown,now sau ün, ruapur hai chia chah ün ka hanow naawmrawm büah kown.Amatni dow thut pe tui reng mih pau khang iawng naphaw kown,now katpaw nangawi büah kown nadowi bowt.13Malauüa dow awmrawm rakowi naplai kown,now klanguüa hai lawngtanguüa paw napiaw kown.Amatni kowi dow uowila uiting uangtak mih takcha kowi apiawma ang nachangah kown,amatni kowi dow akawm akrat takcha kowi sakklamra hai piawra ang napeah kown.14Uamowuüa kowi dow ahuma ang napeah chakkham kown;ang kowh maru-uüa kowi dow aiungma mih uanh ün ang napeah kown,nahanow amatni dow nasak-ih kown.Ang CHAKRAMANG mami laiklow ang tek khowk,” pakhai.15CHAKRAMANG tek mih, “Rama marow hownia kar klow nguk klow ta khai bowt,Rahel dow aia chauüa rakowi lainowmma kar khai bowt.Tawngplawng kowchow panow aia chauüa dow kowng bowk chekhai.16Hang kar tham bowt, iawtta mik tui bowt.Tawngplawng kowchow panow en kowh awmrawm sung en naka kown chowbowt,now en kowh chauüa mih ransu-uüa pren hownia nauang plan kown chowbowt.17Naiawng rakowi en vüi dow pur prakowi sakowmra uowi chekhai,en kowh chauüa dow amatni matia pren kowi nauang plan kown.Ang CHAKRAMANG mami laiklow ang tek khowk.18Efraim kowh kar klow ang ta khowk.CHAKRAMANG tut-e kar se aia tek mih,‘Chün lai dowi mih chia kowi chia iah hawiah iawng en hawi ang khai.En prakowi plan pe dang ang hanow alai kowh iawng tow ang iawk diah.Tawngplawng kowchow panow CHAKRAMANG ang kowh Thurai dow en chowtaih.19Ang chang ngak mih hownia ang uang plan khai;ang chang ngak mih ang tatuk hanow ang sak kowi rau khai,now kowmatia kowi lainowmma ang tarukrai khai.Klanguüa khe ang chang ngak rakowi ang ka rukrai khai,’ pakhai.20CHAKRAMANG tek mih, ‘Efraim mih ang lang sakrauah mih chapa nadowi bow?Aia dow ang lang awmrawmah mih chapa nadowi bow?Aia kowi dow kingküala mih laiklow ang tek pe chepaw sak kowi atungma ang tuakla reng chekhai;naiawng rakowi ang kowh sak dow aia vüi kar reng;Aia kowi dow ang nasaksing sanaah reng kown,’ pakhai.21“Tiama athikma natuk matla kownkow amat müa krawi ruang tamkhuown diah,enni krawi kowiah mih tiama dow sak kowi towah diah.Aw Israel malauüa, uang plan diah,en kowh marow kowi uang plan diah.22Aw tiama ngak kowi kowh mang mih masiuüa,mün ni tak chow en nacham mang panglang kown?Lusa kowi ang thawpta uanh sar pachap khowk.Nami dow kachakuüa kowi natowkala kownkow masiuüa narumah kown,” pakhai.23Mukuang siphaiuüa kowh CHAKRAMANG tek mih, “Ang dow cham takhang mih arah hownia maru kawmuüa kowi ang nauang pawla kown. Nakhowk khe Juda prenchak hai marowchakuüa natek kown mih,
“‘Aw anowmma mih uowira, aw chimsaima mih hungh,CHAKRAMANG dow pacham pe en prasi lah,’ napa kown.24“Naiawngün maru-uüa dow Juda pren kowi hai marow kowi nakrawi uowi kown, now laih chang miuüa hai tawncher thing miuüa paw nakowi nauowi kown.25Tawngplawng kowchow panow kawm miuüa kowi ang nape chingah kown, now kür uowi dowi miuüa kowi ang napeah kür kown,” pakhai.26Nami kung kowi ang awr thowr müi hanow aria aret kowi ang krawi tang mü khai. Ang müi mih dow lainowmma sowr uowi chowdiah.27CHAKRAMANG tek mih, “Maiawng mih khin nauang ting kown. Nami khin khe dow Israeluüa hai Judauüa kowi maru iun akawmma ang nachangah kown, now amatni kowh tawncher paw ang nape prungah kown.28Achük alai khe Israeluüa kowi dow ang piakah khai, amatni kowi dow ang ripah khai, now ang pe klaah phih reng chekhai. Nachenganchepaw kawmat dow naiuk nasownah kownkow hai akürma nachangah kown mih prakowi ang nape ching kown.29Nami khin khe maru mih maiawng natek kown nadowi bowt,
“‘Cha sur mih dow u-pa chowdiah,tawkche iüng krüm mih dow chauüa chekhai,’ pakhai.30“Nami takcha kowi chang ngak mih maru chowtaih nakowng kown, cha sur mih maru chowtaih iüng nakrüm kown,” pakhai.31CHAKRAMANG tek mih, “Israeluüa hai Judauüa hown ang natatow sangbowk laitawm sar kown mih khin uang tawn khowk chekhai.32Nami sangbowk laitawm sar dow Aigupta pren hownia amatni pipu-uüa kowi ang uang lawtla mih khin khe kowh amatni hown ang tatowah mih sangbowk laitawm iawng nadowi chekhai. Ang dow amatni kowh hua iawng chowdiah. Tawkche amatni dow ang kowh sangbowk laitawm piakta büah khai.33Akung kowi amatni vüi dow ang nathawp pe sangbowk laitawm lowk kown: Ang kowh ari aiang mih amatni sak kowi ang natow pe kown, now amatni sak kowi ang narui pe kown; nahanow ang dow amatni kowh Thurai nachowng kown, now amatni dow ang maru nachowng kown.34Nami kung kowi dow kowmatia kimping namkhet kowi hai kowmatia tainau kowi, ‘CHAKRAMANG kowi tuk büa diah,’ pahai amiapaw natüng nasang kown nadowi bowt. Tawngplawng kowchow panow aiuk asowm amatni natuk ang bowk kown towbowt. Naiawng rakowi amatni kowh angak dow ang nalawtta pe kown, amatni kowh angak dow sak kowi ang natowah kown nadowi bowt. Ang CHAKRAMANG mami laiklow ang tek khowk,” pakhai.35CHAKRAMANG dow ni-e khe nanowila kownkow sat kowi peah ana khai,now iak-e khe nanowila kownkow lama kowi hai krek kowi peah ana khai.Now aia dow sata tui kowi paw pe talowngah phunglung khai,naiawng chang mih dow mukuang siphai kowh CHAKRAMANG chekhai.36CHAKRAMANG tek mih, “Sat, lama hai krek ün katpaw natama kown nadowi,nami iawng Israel chenchapuüa dow ang pur hownia katpaw natama kown nadowi.37Mukuang dow nowng khaiah dowi, now lusa chüng paw ka chamah dowi;nami iawng Israeluüa changta lup ngak chepaw amatni kowi ang nanuata kown nadowi.Ang CHAKRAMANG mami laiklow ang tek khowk,” pakhai.38CHAKRAMANG tek mih, “Maiawng mih khin nauang ting kown. Nami khin khe dow Hananel kowh Kimkrowng hownia Anui Tapplawt mowr ang vüi Jerusalem marow mih naplan thawpah iawk kown.39Akhai müa leng dow nami hownia Gareb hungh mowr atengma naiangah kown, now nami kung kowi dow Goah prakowi naiu takui kown.40Kowng mih uak hai plawi kuakra lawngrawi dow CHAKRAMANG vüi kowi nalang towah kown, now satlawt pra kowh Kawrnga Tapplawt nui mowr mih Kidrawn lawngrawi kowi kowh dowm maten paw CHAKRAMANG vüi nalang towah kown. Nami hownia now nami Jerusalem pamarowma katpaw nanowng piak kown nadowi bowt,” pakhai.
“‘Aw anowmma mih uowira, aw chimsaima mih hungh,CHAKRAMANG dow pacham pe en prasi lah,’ napa kown.24“Naiawngün maru-uüa dow Juda pren kowi hai marow kowi nakrawi uowi kown, now laih chang miuüa hai tawncher thing miuüa paw nakowi nauowi kown.25Tawngplawng kowchow panow kawm miuüa kowi ang nape chingah kown, now kür uowi dowi miuüa kowi ang napeah kür kown,” pakhai.26Nami kung kowi ang awr thowr müi hanow aria aret kowi ang krawi tang mü khai. Ang müi mih dow lainowmma sowr uowi chowdiah.27CHAKRAMANG tek mih, “Maiawng mih khin nauang ting kown. Nami khin khe dow Israeluüa hai Judauüa kowi maru iun akawmma ang nachangah kown, now amatni kowh tawncher paw ang nape prungah kown.28Achük alai khe Israeluüa kowi dow ang piakah khai, amatni kowi dow ang ripah khai, now ang pe klaah phih reng chekhai. Nachenganchepaw kawmat dow naiuk nasownah kownkow hai akürma nachangah kown mih prakowi ang nape ching kown.29Nami khin khe maru mih maiawng natek kown nadowi bowt,
“‘Cha sur mih dow u-pa chowdiah,tawkche iüng krüm mih dow chauüa chekhai,’ pakhai.30“Nami takcha kowi chang ngak mih maru chowtaih nakowng kown, cha sur mih maru chowtaih iüng nakrüm kown,” pakhai.31CHAKRAMANG tek mih, “Israeluüa hai Judauüa hown ang natatow sangbowk laitawm sar kown mih khin uang tawn khowk chekhai.32Nami sangbowk laitawm sar dow Aigupta pren hownia amatni pipu-uüa kowi ang uang lawtla mih khin khe kowh amatni hown ang tatowah mih sangbowk laitawm iawng nadowi chekhai. Ang dow amatni kowh hua iawng chowdiah. Tawkche amatni dow ang kowh sangbowk laitawm piakta büah khai.33Akung kowi amatni vüi dow ang nathawp pe sangbowk laitawm lowk kown: Ang kowh ari aiang mih amatni sak kowi ang natow pe kown, now amatni sak kowi ang narui pe kown; nahanow ang dow amatni kowh Thurai nachowng kown, now amatni dow ang maru nachowng kown.34Nami kung kowi dow kowmatia kimping namkhet kowi hai kowmatia tainau kowi, ‘CHAKRAMANG kowi tuk büa diah,’ pahai amiapaw natüng nasang kown nadowi bowt. Tawngplawng kowchow panow aiuk asowm amatni natuk ang bowk kown towbowt. Naiawng rakowi amatni kowh angak dow ang nalawtta pe kown, amatni kowh angak dow sak kowi ang natowah kown nadowi bowt. Ang CHAKRAMANG mami laiklow ang tek khowk,” pakhai.35CHAKRAMANG dow ni-e khe nanowila kownkow sat kowi peah ana khai,now iak-e khe nanowila kownkow lama kowi hai krek kowi peah ana khai.Now aia dow sata tui kowi paw pe talowngah phunglung khai,naiawng chang mih dow mukuang siphai kowh CHAKRAMANG chekhai.36CHAKRAMANG tek mih, “Sat, lama hai krek ün katpaw natama kown nadowi,nami iawng Israel chenchapuüa dow ang pur hownia katpaw natama kown nadowi.37Mukuang dow nowng khaiah dowi, now lusa chüng paw ka chamah dowi;nami iawng Israeluüa changta lup ngak chepaw amatni kowi ang nanuata kown nadowi.Ang CHAKRAMANG mami laiklow ang tek khowk,” pakhai.38CHAKRAMANG tek mih, “Maiawng mih khin nauang ting kown. Nami khin khe dow Hananel kowh Kimkrowng hownia Anui Tapplawt mowr ang vüi Jerusalem marow mih naplan thawpah iawk kown.39Akhai müa leng dow nami hownia Gareb hungh mowr atengma naiangah kown, now nami kung kowi dow Goah prakowi naiu takui kown.40Kowng mih uak hai plawi kuakra lawngrawi dow CHAKRAMANG vüi kowi nalang towah kown, now satlawt pra kowh Kawrnga Tapplawt nui mowr mih Kidrawn lawngrawi kowi kowh dowm maten paw CHAKRAMANG vüi nalang towah kown. Nami hownia now nami Jerusalem pamarowma katpaw nanowng piak kown nadowi bowt,” pakhai.
The Seed Company