Jeremia12
1Aw CHAKRAMANG, en dow achinawmma chekhai.Nachenganchepaw en kowh tara nowm lawnguan kowi ang lünta en kown ang nau.Tawngplawng kowchow maru ngakuüa phaw khai?Tawngplawng kowchow kuanlama miuüa aiungma tuk uowi khai?2Tawngplawng kowchow panow amatni kowi dow singh iawng en chowkah khai,now en pe sawtah aprün khai.Amatni dow awr iuk awr sown hanow awr uih awr pau khai;amatni dow atungma en laiklow tek reng chowdiah.Tawkche amatni kowh saktuak dow en hownia alakma chekhai.3Nachenganchepaw aw CHAKRAMANG, en dow tuk ang reng chekhai;en dow tang mü ang reng,now mün khowt chow ang ringkaw en mih en chaing ang reng chekhai.Maru ngakuüa kowi dow ngenah kown mih ruapur iawng küngla diah,amatni kowi dow angen khin khe nangenah kownkow lang towah diah.4Mün ni tak chow anging kowh pren kar hown nguk hown nauowi kown?mün khowt tak chow dowm kowi kowh pram akeuma nauowi kown?Mami pren kowi kowh uowi mih maru ngakuüa rakowiasadua hai uakling uaber hawmh dow piak bowk khowk.Tawngplawng kowchow panow amatni tek mih,“Tawng chow a-i chang mih CHAKRAMANG tawngpaw khi dowi chekhai,” pakhai.5Jeremia kowi CHAKRAMANG klangah mih,“En dow maru hown taowt iowm kown mih khowm en bowm khai;nami kowi tawng iawng chow kawrnga hown en naia taowt iowm kown?En dow dowm nai kowi khowm tatheu rengreng tak chekhai,nami kowi tawng iawng chow Jawrdan aw pang kowi kowh kaurawng kowi en naiowmah kown?6En tainau-uüa hai en pa krungchakuüa dow kuan en khai;amatni dow tawi kingküa en khai,amatni dow kingküa en kown mih maru-uüa hown tawi tahum khai.Naiawng rako wi en lawnguan kowi aiungma amatni tek laiklow chepawen mih amatni kowi hangkow owm diah.7“Ang maru-uüa kowi dow ang prütta khai bowt;ang changla dawngthawnguan mih Israeluüa kowi dow ang nuata khai bowt,ang sakrauah mih Israeluüa kowi dow ransu-uüa rut kowi ang apta khai bowt.8Ang changla dawngthawnguan miuüa dow krangsi iawng phaw khai bowt;amatni dow kaurawng kowi kowh krangsi iawng phaw khai bowt.Amatni dow kingküa ang kownkow krangsi iawng hek rangrang khai.Naiawng rakowi amatni kowi dow ang suiah khai.9Ang kowh dawngthawnguan Israeluüa dow uamu iawng phaw khai bowt,amatni dow ang tut-e krawi kram chak reng mih uamu iawng phaw khai bowt.Tawkche kawmat dow akeng chap uakling hawmh rumah now thürah prungrung mih iawng phaw khai bowt.Ang maru-uüa kowh uak nauang tawi cha kownkowkaurawng uaramchak hawmh kowi kowkrawi haw diah.10Akeng pren kowi kowh kruitown miuüa dow uang hanowgrep krum iawng mih ang kowh maru-uüa kowi uang piakta khai.Amatni dow ang maru-uüa kowi thuata nak khai,ang kowh klangiungma mih grep krum kowi dow süngrüp süngkangma iawng changta ang büah khai.11Ang kowh grep krum dow piaknama hown ang tut-e uang kar khai.Paprenma dow piak bowk khowk chekhai.Naiawng rakowi nami pren prakowi amiapaw pe ching dowi bowt chekhai.12Ransu-uüa dow Jerusalem marow nauang piak kownkow süngrüp süngkangma iawng uang tarü khai.Nami marow napiakta kownkow CHAKRAMANG dow nami ransu-uüa kowi tawngah mih chekhai.Nahanow nami marow kowi kowh maru-uüa maten dow ka ripra khai;miapaw thaulangma uowi dowi chekhai.13Amatni sawt khe dow püm chowdiah;tawkche amatni ngen khe dow chuh chekhai.Amatni dow kawmkratma hown chang lup chowdiah;tawkche tawngpaw ka dowi chekhai.CHAKRAMANG kunmarau rakowi enni kowh luprak dow phaw dowi chekhai.Naiawng rakowi enni ka rukrai khai,” pakhai.14CHAKRAMANG tek mih, “Ang maru Israeluüa kowi kowh ang peah mih pren dow amatni riaret kowi kowh angakma mih kimping namkhetuüa piakta pe khai. Naiawng rakowi naiawngün maru ngakuüa kowi dow amatni kowh pren hownia ang naprütah kown, now amatni rut hownia Judauüa kowi dow ang lawngah kown.15Tawkche amatni kowi dow akung kowi ang naplan saksing sanaah iawk kown, now amatni chowlowkkow uowi rah pren kowi dow amatni kowi ang naplan pe uowiah iawk kown.16Akat khe amatni dow ang maru-uüa kowi Baal thurai ming hown nakham sawi kown mih tüngsangah khai. Nachenganchepaw amatni che ang maru tiama kowi uang tawi mang khai, now, ‘Masing Thurai ming hown ang takham khowk,’ pahai ang ming hown kham sawi khai hanow amatni dow ang maru-uüa hown natawi ka prasi kown.17Nachenganchepaw amatni che ang laiklow sünta dowi hanow asaima ang napiakta kown. Ang CHAKRAMANG mami laiklow ang tek khowk,” pakhai.
The Seed Company