Isai45
1Aia nümnapah mih Sairus lawnguan kowi CHAKRAMANG tek mih:Chenchapuüa aia low kowi nauowila kownkow,now manguüa kowi kür uowi dowi iawng nachangah kownkow aia kowi ang thawpah mang khai.Aia pur kowi dow marow tapplawt mih auowma ang nachang pe kown.2Mang Sairus kowi CHAKRAMANG tek pe mih,“En dowi rawn ang kowrik kowi hanow anem achowngma mih arah maten ang nakowrik prem en kown.Kri hown kowh tapplawt maten ang nakhueta kown,now lawngha hown kowh aklia müa maten ang naraita kown.3Aiiuma mih rah kowi kowh towah mih dawngthawnguan ang nape en kown;apetma mih arah kowi kowh krümah mih dawngthawnguan ang nape en kown.Nahanow rük en ming khükhü haw en mih ang CHAKRAMANG,ang chowtaih CHAKRAMANG Israeluüa kowh Thurai pami en natuk kown towbowt.4Ang kowh nar Jakawb vüi, ang lang ruiah mih Israel vüi rük en ming khükhü ang haw en khai.En tuk ang dowi chepaw ringkawra uowima mih arah ang pe en khai.5Ang chowtaih CHAKRAMANG, ang klen kowi miapaw uowi dowi bowt;ang klen kowi dow akeng mih Thurai uowi dowi bowt chekhai.En tuk ang dowi chepaw ang pe en kür khai.6Naiawng ang pe en kür mih dow satlawt hownia satkup mowr mih maru matenang klen kowi dow akeng mih Thurai uowi dowi bowt pami pacham tuk lah pakowh chekhai.Ang chowtaih CHAKRAMANG, ang klen kowi miapaw uowi dowi bowt.7Anowi hai aiiu thawp mih dow ang chowtaih;iungra hai piakra uang thawp mih paw ang chowtaih.Naiawngün maten thawp mih dow Ang CHAKRAMANG chowtaih.8“Aw mukuang, anowm mih uangchak iawng uang iu kuak diah,uangnim dow anowm mih pacham iu hüngah lah.Lusa mih tauow hanow lawngra mih pacham awr ru bowt lah,now nami hown anowm mih pacham tawi iuksown lah.Naiawng naphaw kown mih ang CHAKRAMANG kamrütta khowk.9“Aia kowi thawpah miia hown taran mih maru kowh piakra nauang ting kown mih dow kramra uowi lai kowbow!Aia dow bawn puh chowtaih; tawngpaw nadowi chekhai.Bawn mih puh thawp mih kowi, ‘Tawng chow en thawp?’ pahai tek pe tak bow?En thawpah mih uanh, ‘En kowh rut tua chap dowi,’ pahai natek en kown bow?10‘Tawngplawng kowchow maiawng enchi tuk pen ang khai?’ pahaiu-pa kowi tek mih maru kowh piakra nauang ting kown mih dow kramra uowi lai kowbow!” pakhai.11Thawp enni miia CHAKRAMANG Israel kowh chimsaima mih Thurai tek mih,“Pur pra kowh naphaw kown mih lawnguan kowi enni lünta ang mih bow?Ang kowh chauüa lawnguan kowi enni pe ang ana mih bow?Ang rut hown kowh lup lawnguan kowi enni pe ang ana mih bow?12Lusa mih ang thawpah hanow nami luk kowi ang thawp pe maru khai.Ang matia rut hown mukuang mih ang krawi phatah khai,now kuang dawng kowi sat, lama hai krek ün ang tow pe khai.13Ang kowh kamrütra achinawmma mih ang nape tachiah kownkow Sairus kowi ang nakrüngah kown,now aia kowi dow ang nakruitownah kown.Aia dow ang kowh marow mih naplan raw iawk kown,now cham takhangra kowi uowi reng tak mih ang kowh maru-uüa kowi aia nalawtta kown.Tawkche naiawng aia nachang kown mih dow naka asung kownkow nadowi,now ang naka awmrawm sung kownkow paw nadowi chekhai.Mami laiklow mih ang mukuang siphaiuüa kowh CHAKRAMANG tek khowk,” pakhai.14Israeluüa kowi CHAKRAMANG tek pe mih,“Aigupta pren kowi kowh dawngthawnguan hai Ethiawpia pren kowi kowh kun chang müa uanh enni tut-e nauang ting kown.Akro akroma mih Sabeanuüa enni tut-e nauang kown,now enni kowh maru nauang chowng kown.Amatni dow lawngha leng hown atawmiama enni tut-e nauang kown.Amatni dow enni pur kowi nauang tabawk krawm hanow natek kown mih,‘Enni tut-e Thurai uowi ngengche chekhai.Aia chowtaih Thurai, aia klen kowi dow thurai uowi dowi bowt,’ napa kown,” pakhai.15Aw Israel kowh Thurai hai lawng miia,en dow kowmatia kowi petah mih Thurai chekhai nowm.16Arup aren thawp miuüa maten dow narukrai kown;amatni dow nachowng rensi küakau bowk kown.17Nachenganchepaw Israeluüa kowi dow chowngchowng saksakma Thurai nalawngah reng kown.Israeluüa dow tawng khe paw naka rukrai kown nadowi.18Mukuang thawp mih CHAKRAMANG chowtaih Thurai.Aia dow lusa mih thawpah hanow anikma towah khai.Aia dow lusa mih maru uowi rah iung iawng thawpah khai.Aia tek mih, “Ang chowtaih CHAKRAMANG, miapaw lang uowi dowi bowt.19Aiiuma mih arah hownia kukpa ang tek lai dowi.‘Enni krawi cham ang chepaw enni nakhi ang kown nadowi,’ pami Jakawb krungchak kowi ang tek pe dowi chekhai.Ang CHAKRAMANG dow tek lainowm reng;anama mih laiklow chowtaih ang phuang reng.20“Ta sing uowi mih akeng chenchapuüa low,nachet tara kownkow akrowksang uang takua talawm büa diah.Singh hown kowh thawpah mih arup aren kowi cham kawtla lawmlawm miuüa dow tawngpaw tuk dowi chekhai;nowng lawng maru dowi mih thuraiuüa tut-e lüleng miuüa dow tawngpaw tuk dowi chekhai.21Uang büa diah, enni matia vüi tawng ngai chow tek kown uowi mih uang tek büa diah;ahawmsang tapaw prengia büa diah.Maiawng naphaw kown mih alai khe mia chow tek?Achük alai khe mia chow rik phuang?Ang CHAKRAMANG chowtaih nadowi bow?Ang klen kowi dow Thurai uowi dowi bowt.Ang dow anowmma mih Thurai chekhai;ang dow lawng miia chekhai.Ang klen kowi dow tawng iawng mih thurai paw uowi dowk chekhai.22“Aw palusama kowi kowh maru-uüa,ang tut-e uang plan büa diah, now ka lawngra büa diah.Tawngplawng kowchow panow ang chowtaih Thurai,ang klen kowi dow miapaw thurai nadowi chekhai.23Ang matia ming hown ang takham khowk,ang kowh tachi tanawmra hown mami laiklow ang tek khowk,now mami laiklow dow nanuata kown nadowi bowt:Ang pur kowi maru maten tua kung se nauang chup ang kown,now ang krüa kowi nauang khamsum khamdaw kown.24“Amatni dow ang lawnguan kowi natek kown mih,‘Anowm hai kürra dow CHAKRAMANG tut-e chowtaih uowi,’ napa kown.Maru maten mih ang tut-e nauang kown,now ang luk kowi kowh kunmarau miuüa dow narukrai kown.25Israel krungchak maten kowi dow ang nalawngah kown,now amatni dow narowsi ang kown,” pakhai.
The Seed Company