Isai31
1Naka khowng kownkow Aigupta pren kowi kowkowi miuüa luk kowi piakra nauang ting kown mih dow kramra uowi lai kowbow!Amatni dow kawrnga luk kowi neplawng nesak khai,now amatni dow kawrnga kari hai kawrnga luk kowi kowh chowm mih siphaiuüa kür kowi owmsak khai.Nachenganchepaw amatni dow Israel kowi kowh chimsaima mih Thurai prakowi dang dowi chekhai,now CHAKRAMANG tut-e lü khowng dowi chekhai.2CHAKRAMANG kowh tukra uowi dowi chekhai bow?Aia dow nauang pawla phih kown;aia dow tekta iawng nachang ngengche kown.Aia dow maru ngakuüa kowi hai amatni kowi kowh khowngah miuüa kowi nakingküaah kown.3Aiguptauüa dow lusa maru chowtaih; amatni dow Thurai nadowi.Amatni kowh kawrnga hawmh dow nga hown kowh thawpah mih chowtaih; naiawngün dow lümla nadowi chekhai.CHAKRAMANG par rut mih khin khe amatni kowi kowh khowngah miuüa dow natatheu kown,now ka khowng miuüa paw natim kown.Amatni bowkbowk mih akat sang natapiak kown.4CHAKRAMANG tek ang mih, “Krangsi dow ka mak chak now hek reng;nami khin khe tawncher thing miuüa hek pe pla pe chepaw krangsi mih tawngpaw kram dowi chekhai.Nami powm iawng dow mukuang siphaiuüa kowh CHAKRAMANG nauang dowk tasen kownkowZaiawn hungh hai aia kowh arah lowngma mih kowi nauang dowm kown.5Bai luk kowi uakling iow reng iawng mukuang siphaiuüa kowh CHAKRAMANG mih Jerusalem kowi natakhula kown.Jerusalem kowi aia nakhuta khup kown, now aia nalawngah kown.Aia mih Jerusalem luk iawng nauangah hanow natakhula kown,” pakhai.6Aw Israeluüa, enni kingküaah mih Thurai tut-e uang plan büa diah.7Tawngplawng kowchow panow nami ni khe dow enni bowkbowk kuh hai tai hown kowh arup aren enni thawp mih hownia enni chang ngak mih enni nakuakta bowt kown.8CHAKRAMANG tek mih, “Lusa maru kowh nadowi mih saidawng kowi Asuria natim kown,aia kowi lusa maru kowh saidawng nadowi mih hown napiakah kown.Aia kowh maru-uüa dow saidawng pur hownia nacham powt kown,now amatni kowh klanguüa hawmh kowi dow maru nachangla nar kown.9Amatni kowh mang dow kram kowh nacham powt kown;aia kowh siphai aluchowuüa dow tasen tamkhuown khita hanow nakram kown,” pakhai.Mami laiklow dow Zaiawn kowi kowh maih uowi mih CHAKRAMANG tek khowk;nami laiklow dow Jerusalem kowi kowh taping uowi mih CHAKRAMANG tek khowk chekhai.
The Seed Company