Isai10
1Maru ngakuüa low, enni luk kowi piakra nauang ting kown mih dow kramra uowi lai kowbow!Enni dow ang maru-uüa kowi natowkah ngare kownkow thawp ari aiang ngak khai,enni dow ngarai miuüa kowi chet pe tara nowm dowi chekhai,now mamaimow hai saratchowuüa kowh dawngthawnguan kür hown enni krawi khün khai.3Thurai rip enni khe tawng chow enni nachangah kown?Alakma mih pren hownia Thurai uang pawla enni phih khe tawng chow enni nachangah kown?Nakhowk khe mia tut-e chow enni nacham lü khowng kown?Enni kowh dawngthawnguan tawng kowi chow enni nacham towla kown?4Enni dow tasenra kowi nacham kowng kown,nadowi now thawng kowi enni nacham uowi kown;tawngpaw tuk changra enni kowh nauowi kown nadowi.Naiawng khowt phaw khowk chepaw CHAKRAMANG kowh kunmaraura mih naprowng kown nadowi tak;aia kowh rut mih Israeluüa luk kowi aia natangta hüah tak kown.5Asuriauüa low, enni kowh piakra nauang ting kown mih dow kramra uowi lai kowbow!Enni dow ang kunmarau lai khe kowh ang hupla maru reng mih müa chowdiah.6Ringkaw ang dowi hai towk ang kunmarau reng mih chenchapuüa kowi nasenah hanownakhünta pe dawngthawnguan hai tiama kowi kowh suplawk kowi iawng nanünta naknak kownkow ang chin enni reng chowdiah.7Nachenganchepaw Asuria mang dow rutchün khawkleng iawng ang tawngah mih tuk dowi chekhai.Aia dow chenchap ahuma kowi nakrawi piakta kown mih chowtaih nau khai.8Aia tek mih, “Ang kowh siphai aluchowuüamang iawng kangowh nadowi bow?9Kalno marow kowi dow Karchemis marow kowi iawng anging piakah khai,Hamat marow kowi dow Arpad marow kowi iawng anging piakah khai,now Samari marow kowi dow Damaska marow kowi iawng anging piakah khai.10Arup aren atekma mih naiawngün pren maten kowi dow anging piakta bowk khai.Amatni kowh arup aren dow Jerusalem hai Samari marow kowi kowh arup aren lak-e hu chekhai.11Samari hai aia kowh arup aren kowi ang changah iawngJerusalem hai aia kowh arup aren kowi paw ang nachangah kown,” pakhai.12Zaiawn hungh hai Jerusalem marow luk kowi aia nau changah kown mih ki changta kung kowi CHAKRAMANG natek kown mih,“Asuria pren mang bawri hai owrow lai rakowi aia kowi ang naripah kown.13Tawngplawng kowchow panow aia tek mih,‘Maiawngün ang chang mih dow ang kowh bawng kür hown chekhai.Ang dow chanlaima hai prengia chakma chekhai.Akeng chenchapuüa kowh pren sünghi mih ang phiawkta pe khai,now amatni kowh dawngthawnguan dow ang khünta pe bowk khai.Amatni kowi dow chiala iawng ang thuata nak khai.14Uakling bai kowi kowh uakling dui maru cham paw khe kowh iawngprenchakuüa kowh dawngthawnguan mih ang krawi paw khai.Nachenganchepaw nami lawnguan kowi miapaw lai dowi chekhai,’ pakhai,” napa kown.15Marek tawng mih maru lak-e aia lang kri pami marek nowng tek kown bow?Sawksak tawng mih maru lak-e aia lang pankri pami sawksak nowng chang bawri kown bow?Müa mih katpaw maru kowi krowngah dowi chekhai;maru chowtaih müa kowi krowngah reng.16Naiawng rakowi mukuang siphaiuüa kowh CHAKRAMANG Thurai mih Asuriauüa kowi nauang pawla pe hawi kown;Aia dow akürma mih Asuria siphaiuüa luk kowi nauang pawla pe hawi ngak kown.Aia kowh klangiungra dak kowi dow bia laplap mih maih nalün kown.17CHAKRAMANG, Israel kowh anowi dow maih iawng naown kown;amatni kowh chimsaima mih Thurai dow maih lün bia laplap mih iawng naown kown.Nami maih dow Asuria pren kowi kowh chuh mung hai chuh singh maten pani sang nakamta bowk kown.18Asuria kowh klangiungra dow kaurawng klangiungma mih kowi kowh maih kamah iawng CHAKRAMANG nakamta pe kown.Nami pren dow hawi hown kowh arau uowi mih maru piak iawng napiak kown.19Aia kowh kaurawng kowi singh ta lat mih dow e lai bowt kowhngeuüa asowmchow mih khowm nanowng rüa kown.20Nami ni khe dow Israel kowi kowh sing uowi miuüa mih amatni kowi kowh piakah miuüa luk kowi naneplawng nesak kown nadowi bowt.Jakawb krungchak kowi kowh ta lat miuüa mih amatni kowi kowh piakah miuüa luk kowi naneplawng nesak kown nadowi bowt.Tawkche CHAKRAMANG Israeluüa kowh chimsaima mih Thurai luk kowi naneplawng nesak büah nowm bowt kown.21Ta sing uowi miuüa dow nauang plan kown;Jakawb kowh ta lat mih maru-uüa dow akürma mih Thurai tut-e nauang plan bowt kown.22Aw Israel, en kowh maru-uüa mih kawm krang sata pang kowi kowh sema iawng chowdiah.Nachenganchepaw maru iun e chow taih nauang plan kown.Israel vüi ripra khowm bowkta kaneu khowk;nami ripra dow amatni luk kowi nauang kla ngengche kown.23Israel pren paprenma vüi piakra khowm bowkta mih iawng rowprowpmukuang siphaiuüa kowh CHAKRAMANG Thurai mih nauang chang lup kown.24Naiawng rakowi mukuang siphaiuüa kowh CHAKRAMANG tek mih, “Zaiawn kowi kowh uowi mih ang maru-uüa, Aiguptauüa iawng dow Asuriauüa mih müa hown hup enni chepaw hangkow kram büa diah.25Enni luk kowi kowh ang kowh kunmarau dow nalüa prowng kown taih, now nami kunmaraura hown mih Asuriauüa kowi ang napiakah kown.26Oreb huamang re-e Midianuüa kowi ang mukuang siphaiuüa kowh CHAKRAMANG bawpah khe kowh iawng Asuriauüa kowi ang nabawpah kown. Aigupta siphaiuüa kowi sata tui hown nape limah kownkow tui luk kowi ang par müa mih iawng ang napar müa kown.27Nami ni khe dow enni pangkawt kowi kowh Asuriauüa tang enni mih kurdik ang naklata enni bowt kown; enni kowh ngawngtung kowi kowh tangta enni hüah mih laithawn tim ang nauowtta enni bowt kown,” pakhai.28Asuriauüa dow Mikrawn marow klenla kowh Aiat marow kowi uang kup khai bowt;amatni dow Mikmas marow kowi amatni kowh uanh mih towla khai.29Amatni dow klenla hungh kowh Geba marow kowi kowiak khai.Naiawng rakowi Rama marow dow kram kowh chür khai,now Sawl kowh marow Geba kowi kowh maru-uüa dow cham powt khai.30Gallim maru-uüa low, hek büa diah.Laisa maru-uüa low, sünta büa diah.Anathawt maru-uüa low, klang ang büa diah.31Madmena maru-uüa dow sing kown nau kowh cham powt khai,now Gebim maru-uüa dow sing kown nau kowh cham tapet khai.32Asuriauüa mih ani dow Nawb marow kowi nauowi kown;nakowi mih Jerusalem marow kowi kowh Zaiawn hungh kowi nasen kownkow nakamrüt büah kown.33Nachenganchepaw mukuang siphaiuüa kowh CHAKRAMANG mih Asuriauüa kowi nakripta kown;aia kowh kür akraingma mih hown aiukma mih singh iawng mih Asuriauüa kowi aia nakripta kown,now amatni dow singh tim mih iawng krawng kowi takuakla pan natim kown.34Aia dow amatni kowi kaurawng kowi kowh pram mung kowilawngha sarai hown thakah khe kowh iawng nathakah kown,now Lebanawn kowi kowh aiuk aiukma mih singh krip iawng amatni kowi aia nakripah kown.
The Seed Company