Hosea14
1Aw Israeluüa, enni kowh CHAKRAMANG Thurai tut-e uang plan büa diah;enni matia kowh ngak rakowi enni dow piak khai.2CHAKRAMANG Thurai tut-e uang plan hanow maiawng uang tek pe büa diah:“Anging kowh angak maten lawtta anging diah;anging kowh aiung sia maten hawt dowk anging diah.Nahanow chiala hown phuchua en khe kowh iawng nawr hown anging nowng rowsi en kown towbowt.3Asuriauüa dow nowng lawng anging kown nadowi;tasen müa kawrnga luk kowi anging naneplawng nesak kown nadowk.Anging matia rut hown kowh thawpah mih arup kowi, ‘Anging kowh thurai,’ pami anging natek kown nadowi bowt.Tawngplawng kowchow panow en tut-e chowtaih saratchow chauüa ka saksing sanara reng,” pabüa diah.4CHAKRAMANG tek mih,“Tamara tia kowi amatni cham mang mih hownia dow ang nauang plan pawla kown,now amatni kowi dow aiawngma hown ang nasakrauah kown.Tawngplawng kowchow panow amatni luk kowi kowh ang kunmaraura dow prowng khai bowt.5Ang dow nang tui iawng Israel tut-e nauowi kown;aia dow lili pau iawng nathar kown,now Lebanawn kowi kowh sidar singh iawng aprün nasawt kown.6Aia kowh amia dow ahuma naprek kown;aia dow kanrawn singh iawng naklangiung kown,now Lebanawn kowi kowh sidar singh iawng nanam iung kown.7Ang tut-e uang plan miuüa dow ahuma napau kown,ang klim kowi kowh tanai miuüa dow ahuma nauih kown.Amatni dow grep ruih iawng uih hown pau hown natek mup kown,Lebanawn kowi kowh grep tui iawng dow anam iung natauet kown.8Aw Efraim, arup arenuüa hownia alakma lang uowi bowt;en awr lü awr leng khe klang en mih hai mingkhet en mih dow ang chowtaih.Ang dow asama mih sidar singh iawng chekhai;en kowh uih maten dow ang hownia kowh uang ting mih chowtaih,” pakhai.9Chanlaima mih maru dow nami lawnguan kowi pacham tuk lah,Prengia uowi mih maru dow nami lawnguan kowi pacham tasang lah.CHAKRAMANG kowh tiama dow anowmma mih tiama chekhai;achinawmma mih maru-uüa dow nami tiama kowi mang reng,tawkche maru ngakuüa dow nami tiama kowi tatheu reng chekhai.
The Seed Company