Hosea12
1CHAKRAMANG tek mih,“Efraim dow krawi li mih iawng mapaw asun uang dowi chekhai,aia dow ni chut chi satlawt li kung kowi cham tawi krawi reng.Aia dow dai lai hai nowng chang powng changra mih pe huah ngamlam khai;aia dow Asuria pren hown thawp taking tasangra khai,now aia dow Aigupta pren kowi cham sa kanrawn sau khai,” pakhai.2Juda luk kowi CHAKRAMANG tek kown mih uowi lowk;Jakawb kowi aia kowh chowm krang uowi krang iawng aia naripah kown,now aia kowh lup iawng aia kowi CHAKRAMANG napeah asung kown.3A-u mu lak kowi uowi reng tak khe aia dow ataimow kowh khawkchü kowi townah khai,kimrengchow khe aia dow Thurai hown dowk takhüm khai.4Aia dow kramamu hown dowk takhüm khe nowngta khai,aia dow kala sanara kownkow kar se lü prasira khai.Bethel kowi aia dow CHAKRAMANG hown takrum khai,nakowi dow CHAKRAMANG mih klang anging khai.5Aia dow lowra nowng chang mih CHAKRAMANG Thurai chekhai,CHAKRAMANG pahai aia kowi maru-uüa tukah reng chekhai.6Aw Jakawb chenchapuüa, kawmat mih enni kowh Thurai tut-e uang plan diah;kaah sakowmma mih rah hai tara nowm mih townah büa diah,now enni kowh Thurai luk kowi atungma neplawng nesak büa diah.7CHAKRAMANG tek mih, “Kun chang mih Efraim dow kuanla mih set tawngah khai;aia dow kür hown krawi paw kown mih lainowmma daw khai.8Aia tek mih, ‘Nowm nowm ang kureng khai bowt,dawngthawnguan ahuma ang krümta khowk.Ang kowh lup maten kowi dow maru nakhi ang angak kown nadowi,ang kowh lup kowi dow maru nakhi ang atawi kown nadowi,’ pakhai.9Nachenganchepaw aw Efraim, ang chowtaih en kowh CHAKRAMANG Thurai;Aigupta pren hownia uang lawtla en mih dow ang chowtaih.Nami khin khe süngrüp süngkangma kowi tangbung kowi en uowi khai;nami iawng dow tangbung kowi ang nape uowi en iawk kown.10Risiuüa tut-e ang tek lai khowk;amatni kowi mukmang ahuma ang pe khi-ah khowk,now amatni kowi dow laiuat hown ahuma ang tek pe lai khowk,” pakhai.11Gilead süng dow angak hown atekma chekhai;naiawng rakowi aia maru-uüa dow napiak bowk kown.Amatni dow Gilgal marow kowi chiala hown ahuma kowchang phuchua khai;naiawng rakowi amatni kowh phuchuara ün dow thawnah mih laih kowi kowh iawng nachowng hua krowng kown.12Jakawb dow Siria kowi cham powt khai;Israel dow nakala masi kownkow cham kowi nar khai,now aia dow ruapur thing mih lup cham chang khai.13CHAKRAMANG dow Aigupta pren hownia Israel kowi nauang lawtla kownkow risi lowk ia kowi tawngah khai,now amatni kowi dow nami risi kowi CHAKRAMANG pe mingkhetah khai.14Nachenganchepaw Efraim dow CHAKRAMANG kowi lainowmma towkah kunmarau khai;CHAKRAMANG dow aia kowh lup ngak rakowi aia kowi napeah aprek kown,now aia kowh rukraira uowima mih angak rakowi aia kowi dow CHAKRAMANG naripah kown.
The Seed Company