Uown Thawp32
1Nami hownia Jakawb mih plan tarowng mang khai. Now tiama rawng kowi dow Thurai kramamu-uüa hown aia takrum khai.2Kramamu-uüa kowi khita kowh Jakawb tek mih, “Mami dow Thurai thumchak lowmow!” pakhai. Naiawng rakowi aia dow nami re-e kowh arah ming Mahanaim pahai chap pe khai.3Jakawb mih Seir pape mih arah prakowi ataimow Esau tut-e kowrik chin maru pre sum ia khai. Seir pami arah dow hungma mawngma süng chekhai; nami dow Edawm pren kowi chekhai.4Aia dow aia kowchinah mih maru-uüa kowi Esau tut-e nakowtekah kown mih lai krawi sangah khai. Aia tek pe mih, “Ang kowh chakramang Esau kowi maiawng kowtek pe büa diah: Ang dow en kowh nar Jakawb chekhai. Kawmat mowr kowi Laban tut-e ang tawi uowi reng tak.5Kawmat dow chia hai kawrngaramchük ün, rua hai ruapur ün, narma narla ün ang kowh uowi ahuma khowk. Ang kowh chakramang tut-e ang nakala sanara kownkow ang uang rik phowng en satang mih chekhai,” pakhai.6Now nami maru-uüa uang plan hanow Jakawb kowi uang tek pe mih, “En taimow Esau tut-e anging kowkowi khowk. Aia dow uang pawla maru iun 400 ia now en hown nauang takrum kownkow kawmat uang tarü thüm khowk,” pape khai.7Nami laiklow tata hanow Jakawb dow lainowmma kram hai tuak krat khai. Aia dow aia kowh maru-uüa hai rua hai ruapur ün, chia hai kawrngaramchük ün, ut ün changah pre thum khai.8Pathum mih kowi Esau uang sen chepaw akeng mih thum dow ia powt kown taih padow Jakawb tatuak khai.9Now Jakawb dow chup Thurai khai bowt. Aia tek mih, “Aw CHAKRAMANG, apu Abraham hai apa Isak kowh Thurai. Ang matia pren kowi ang matia maru-uüa tut-e naplan kown mih hai nakowi nachang ang aiung kown mih en tek ang khai.10Ang dow en nar chowtaih. En nasana ang kown mih hai en kowh achur uowi dowi mih sakraura en natüng ang kown mih ang tataing dowi. Mami Jawrdan aw mapra pown kowi ang uang tarü khe dow ang tut-e raitua lowkchow taih. Tawkche kawmat dow aiukma kangowh mih pre thum hown ang uang plan khai.11Sakrauma hown ang taimow Esau rut hownia uang lawng ang diah. Esau uang hanow uang kowngta anging bowk kown chekhai; aia dow a-u achah mia kowi paw lawtla dowi tham. Naiawng rakowi lainowmma ang kram khai.12CHAKRAMANG, en nachang ang aiung ngengche kown mih en kham ang khai. Now ang krungchakuüa kowi mih sata pang kowi kowh sema nowng rüaah dowi mih iawng en nachangah kown mih en kham ang khai,” pakhai.13Nami iak dow Jakawb mih nakowi iak khai. Aia dow aia kowh uowi mih maten hownia kloah hanow ataimow Esau vüi awmrawm sung lang towah khai.14Aia dow ruama 200 pum, ruala 20 pum, ruapurma 200 pum, ruapurla 20 pum,15achah uowi mih utma 30 pum, chiama 40 pum, chiala 10 pum, kawrngaramchükma 20 pum hai kawrngaramchükla 10 pum mih lang towah khai.16Naiawngün dow athumchow athumchow lang towah hanow anaruüa rut kowi ap pe khai. Now anaruüa kowi tek pe mih, “Pathum pathum mih alak sangrum chowchi uowiah büah hanow ang dowi rawn rik mang büa diah,” pape khai.17Rik mang mih thum kowi aia tek pe mih, “Ang taimow Esau hown takrum khowk now, ‘Tawng chow en cham kowi? Mia maru chow en? En pur kowi kowh pai iawngün tawncher hawmh mia kowh chow?’ padow nalünta en kown.18Nakhowk khe en natek pe kown mih, ‘Maiawngün en nar Jakawb kowh chowbowt. Maiawngün dow ang kowh chakramang Esau vüi aia uang krawi peah awmrawm sung mih chekhai. Aiamat paw anging kung kowi uowi,’ pape diah,” pakhai.19Naiawng hai pawla tawncher hawmh mih thum maten kowi aia peah ana khai. Aia tek pe mih, “Esau hown takrum now enni paw naiawng natek pe kown.20Now achur prakowi natek pe kown mih, ‘En kowh nar Jakawb paw anging kung kowi chowbowt,’ pape diah,” pakhai.
Sakdawng kowi Jakawb tatuak mih, “Ang dowi rawn kowrik sa pe awmrawm sung now ang nowngia klam pe sak kown taih. Nahanow aia hown takrum mih khin khe aia mih naiung ang kown taih,” pakhai.21Naiawng rakowi awmrawm sung mih kowrik pawla khai bowt. Nachenganchepaw aia dow nakowi ta iak khai.22Jakawb mih nami uar-e awr rü hanow aia kowh masi pre ia, changla masi mih narma pre ia hai achapa lailowk ia kowi Jabawk aw paipra pown kowi kowsaah khai.23Nami klen kowi aia kowh uanh uowi mih maten paw kowsata khai.24Nakowi dow Jakawb mih aia malowkchow towbowt ta uowi khai. Nami khin khe maru lowk ia mih uangah hanow uarthowi dowi mowr Jakawb hown uang dowk takhüm khai.25Nami maru mih Jakawb kowi nowng dowi bowt pami tatuk hanow takhüm thüm khe Jakawb kowh thung tut kowi thawngta pe mawp khai, nahanow Jakawb kowh thung klikle dow taple khai.26Nakhowk khe nami maru tek pe Jakawb mih, “Uar thowi kown chowbowt. Khaleng dow plawtta ang bowt,” pakhai.
Nachenganchepaw Jakawb tek pe mih, “En pe ang prasi dowi mowr ang plawt en dowi,” pape khai.27Nami maru lüntaah mih, “En ming tawng chow?” pakhai.
Jakawb tek pe mih, “Ang ming Jakawb,” pape khai.28Nami maru tek pe mih, “Thurai hai maru hown takhüm kowh en awng khai rakowi en ming mih Jakawb pahai nauowi kown nadowi bowt, en ming dow Israel naown bowt kown,” pape khai. (Israel pami dow “Thurai hown takhüm mih maru” pami chekhai).29Jakawb tek pe mih, “Sakrauma hown tek ang diah, en ming tawng chow?” pakhai.
Now nami maru tek pe mih, “Tawngplawng kowchow en tuk lünta ang ming khai?” pape khai. Nahanow aia dow Jakawb kowi peah prasi khai.30Now Jakawb tek mih, “Thurai lumowr ang khi khowk chepaw ang sing reng tak lowmow!” pakhai. Naiawng rakowi nami re-e kowh arah ming dow Penuel pahai aia chap pe khai. (Penuel pami dow “Thurai lumowr” pami chekhai).31Penuel hownia Jakawb powt mih khin khe dow sat uang lawt khai bowt. Aia dow thung klikle taple khai rakowi tabai khawklawk khai.32Jakawb kowh thung klikle kowi thawng pe khai rakowi ani mowr paw thung klikle kowi kowh anga Israeluüa mih cha dowi tak chekhai.
Sakdawng kowi Jakawb tatuak mih, “Ang dowi rawn kowrik sa pe awmrawm sung now ang nowngia klam pe sak kown taih. Nahanow aia hown takrum mih khin khe aia mih naiung ang kown taih,” pakhai.21Naiawng rakowi awmrawm sung mih kowrik pawla khai bowt. Nachenganchepaw aia dow nakowi ta iak khai.22Jakawb mih nami uar-e awr rü hanow aia kowh masi pre ia, changla masi mih narma pre ia hai achapa lailowk ia kowi Jabawk aw paipra pown kowi kowsaah khai.23Nami klen kowi aia kowh uanh uowi mih maten paw kowsata khai.24Nakowi dow Jakawb mih aia malowkchow towbowt ta uowi khai. Nami khin khe maru lowk ia mih uangah hanow uarthowi dowi mowr Jakawb hown uang dowk takhüm khai.25Nami maru mih Jakawb kowi nowng dowi bowt pami tatuk hanow takhüm thüm khe Jakawb kowh thung tut kowi thawngta pe mawp khai, nahanow Jakawb kowh thung klikle dow taple khai.26Nakhowk khe nami maru tek pe Jakawb mih, “Uar thowi kown chowbowt. Khaleng dow plawtta ang bowt,” pakhai.
Nachenganchepaw Jakawb tek pe mih, “En pe ang prasi dowi mowr ang plawt en dowi,” pape khai.27Nami maru lüntaah mih, “En ming tawng chow?” pakhai.
Jakawb tek pe mih, “Ang ming Jakawb,” pape khai.28Nami maru tek pe mih, “Thurai hai maru hown takhüm kowh en awng khai rakowi en ming mih Jakawb pahai nauowi kown nadowi bowt, en ming dow Israel naown bowt kown,” pape khai. (Israel pami dow “Thurai hown takhüm mih maru” pami chekhai).29Jakawb tek pe mih, “Sakrauma hown tek ang diah, en ming tawng chow?” pakhai.
Now nami maru tek pe mih, “Tawngplawng kowchow en tuk lünta ang ming khai?” pape khai. Nahanow aia dow Jakawb kowi peah prasi khai.30Now Jakawb tek mih, “Thurai lumowr ang khi khowk chepaw ang sing reng tak lowmow!” pakhai. Naiawng rakowi nami re-e kowh arah ming dow Penuel pahai aia chap pe khai. (Penuel pami dow “Thurai lumowr” pami chekhai).31Penuel hownia Jakawb powt mih khin khe dow sat uang lawt khai bowt. Aia dow thung klikle taple khai rakowi tabai khawklawk khai.32Jakawb kowh thung klikle kowi thawng pe khai rakowi ani mowr paw thung klikle kowi kowh anga Israeluüa mih cha dowi tak chekhai.
The Seed Company