Uown Thawp30
1Rahel dow Jakawb kowi lowk ia paw nowngia ka pe chah dowi chekhai. Naiawng rakowi aia dow ataimow Leah kowi irsiah khai. Aia tek pe Jakawb mih, “Pe ang chah, nadowi now ang nakowng kown,” pakhai.2Nakhowk khe Jakawb mih Rahel luk kowi lainowmma kunmarau khai. Naiawng rakowi aia tek pe Rahel mih, “Thurai bow ang? Thurai taih dow pe ting en mih,” pape khai.3Now Rahel tek pe mih, “Sünta, ang kowh narma Bilha hown taphua taiua diah. Nami hownia ang tawi ia ka chah tarawng. Naiawng hai ang tawi ia chowng u kown taih,” pakhai.4Naiawng rakowi Rahel dow ahua Jakawb kowi anarma Bilha hown pe tachawngah khai, now Jakawb dow Bilha hown paw taphua taiua khai bowt.5Nahanow Bilha mih uang kum nau hanow ka kachakuüa chah lowk ia khai.6Nami khin khe Rahel tek mih, “Thurai dow ang kowh prasi lük klow sünta ang khai, now tara nowm chet ang khai bowt. Aia dow ang kowh kar klow ta hanow pe ang chapa lowk ia khai,” pakhai. Naiawng rakowi aia dow achapa ming Dan pahai rük pe khai. (Dan pami dow “Tara nowm” pami chekhai).7Nami kung kowi Rahel kowh narma Bilha mih plan kum nau hanow Jakawb kowi plan pen pe chapa lowk ia khai iawk. Nami hown dow Rahel kowh chapa mih pre ia khowk chekhai.8Nami khin khe Rahel tek mih, “Thurai kowi ang khepla se ang taimow hown ang taüara hownia ang awng khai bowt,” pakhai. Naiawng rakowi aia dow achapa ming Naptali pahai rük pe khai. (Naptali pami dow “Taüa rah” pami chekhai).9Leah mih aia ka chah dowi bowt mih tatuk hanow aia kowh narma Zilpa hown Jakawb kowi pe tachawngah khai.10Nahanow Leah kowh narma Zilpa dow kum nau hanow Jakawb kowi pen pe kachakuüa chah lowk ia khai.11Nakhowk khe Leah tek mih, “Ang kaucha iung lai kowbow!” pakhai. Naiawng rakowi aia dow achapa ming Gad pahai rük pe khai. (Gad pami dow “Kaucha iung” pami chekhai).12Nami kung kowi Zilpa mih Jakawb kowi plan pen pe chapa lowk ia khai iawk.13Nakhowk khe Leah tek mih, “Ang piaw lai bowt kowbow! Masiuüa maten dow piaw pahai nahaw ang bowt kown,” pakhai. Naiawng rakowi aia dow achapa ming Aser pahai rük pe khai. (Aser pami dow “Piaw” pami chekhai).14Püm ngen khin khe Reuben mih laih kowi ka chah kak uih sangrum khai, now naiawngün dow a-u Leah kowi uang pawla pe khai. Nakhowk khe Rahel tek pe Leah mih, “En chapa uang kala mih chah kak uih pela ang ne dit,” pape khai.15Leah tek pe mih, “En khünta ang hua mih en sak ta-ih dowi tak bow? Ang chapa uang kala mih chah kak uih paw plan khünta ang iawk kown en nau mih bow?” pape khai.
Rahel tek pe mih, “En chapa uang kala mih chah kak uih che en pela ang ne now aiak dow Jakawb hown ang pe taphua taiua en sow,” pakhai.16Now iak prakowi Jakawb uang mang chat mih khita hanow Leah mih aia re-e kowkowi khai. Now aia tek pe Jakawb mih, “Ang chapa uang kala mih chah kak uih hown ang ranta en khai bowt. Naiawng rakowi aiak dow ang tut-e en tawi müi kown takla,” pakhai. Naiawng rakowi nami iak dow Leah tut-e Jakawb tawi müi khai.17Thurai dow Leah awr lüah mih hawt sünta pe khai. Leah dow uang kum nau hanow Jakawb kowi plan ka pe chapa lowk ia khai iawk. Nami hown dow Leah kowh chapa tanga ia khowk chekhai.18Nakhowk khe Leah tek mih, “Ang hua tut-e ang kowh narma kowi ang kowchin pe rakowi Thurai pe ang awmrawm sung mih chekhai,” pakhai. Naiawng rakowi achapa ming dow Isakar pahai aia rük pe khai. (Isakar pami dow “Awmrawm sung” pami chekhai).19Nami kung kowi Leah dow plan kum nau hanow Jakawb kowi plan ka pe chapa lowk ia khai iawk. Nami hown dow Leah kowh chapa mih taruk ia khowk chekhai.20Nakhowk khe Leah tek mih, “Thurai dow awmrawm sung aiungma mih pe ang khai. Mami hown dow ang ka pe chah taruk ia khowk. Naiawng rakowi kawmat hownia dow ang hua naringkaw ang kown towbowt,” pakhai. Naiawng rakowi aia dow achapa ming Zebulun pahai rük pe khai. (Zebulun pami dow “Ringkaw” pami chekhai).21Nami klen kowi paw Leah mih ka masiuüa chah lowk ia khai. Aia dow achama ming Dina pahai rük pe khai.22Nami kung kowi dow Thurai mih Rahel prakowi pela ching khai bowt. Rahel awr lü mih dow Thurai sünta pe hanow pe kaah chah khai bowt.23Rahel mih uang kum nau hanow ka kachakuüa chah lowk ia khai. Nami khin khe aia tek mih, “Thurai mih henta ang rukrai khai bowt,” pakhai.24Naiawng rakowi aia dow achapa ming Josef pahai rük pe khai. (Josef pami dow “Aia pacham pe küng lah” pami chekhai). Tawngplawng kowchow panow aia tek mih, “CHAKRAMANG pacham pe ang kachakuüa chah lowk ia diah lah,” pakhai.25Josef uang dia kung kowi Jakawb tek pe Laban mih, “Kawmat dow anging pren kowi kowh ang kim kowi pe mang ang towbowt.26Ang tawi chang en lup mih dow ang chauüa hai ang masi kowi ang ka kown ang nau rakowi chekhai. Kawmat dow kowbüah hown pe mang ang bowt. Tawng iawng chow ang tawi chang en lup mih krang dow en tuk khowk chekhai,” pape khai.27Nachenganchepaw Laban tek pe mih, “En che saksing sana ang reng tak hanow hangkow mangta ang diah. Thurai pe ang prasi mih dow en rakowi chekhai pami ang tuk.28Naiawng rakowi en kowh sukkri kha dow en nau mih tek ang diah. En tek ang iawng ang nape en kown taih,” pape khai.29Nakhowk khe Jakawb tek pe Laban mih, “Tawng iawng chow en kowh lup ang chang en mih en tuk khowk. En kowh tawncher ang rut kowi uowi khe tawng iawng chow prung mih paw en tuk khowk.30Ang uang uowi dowi tak khe dow en kowh tawncher khowt pat uowi dowi tak. Nachenganchepaw kawmat dow en kowh tawncher ahuma uang prung khai bowt. Ang chang en mih srui kowi CHAKRAMANG dow pe en prasi khai. Nachenganchepaw kawmat dow ang matia kimchak vüi nakram dawngthawnguan kown mih akhin uang na khai bowt lowmow,” pakhai.31Nami khin khe Laban tek pe mih, “Tawng chow ang nape en kown?” pakhai.
Now Jakawb tek pe mih, “Tangka pawisa pe ang kla dowi tham. Tawkchedow en sünta ang lai lowk kown takla. Nahanow en kowh tawncher dow ang naming nakhet en iawk kown taih.32Ani mih en kowh ruapur hai rua hawmh kowi pe kra ang diah. Now aingma mih hai anum hown akaw taraw mih ruapur hai rua maten ang kowh sukkri kha en pe ang kown takla.33Pur prakowi en tuak ang sukkri kha mih khin khe tawng angak paw ang chang dowi pami naiawngün hown en natuk kown. Ang kowh rua hai ruapur hawmh pungmadawng kowi aingma nadowi mih hai anum hown akaw taraw dowi mih en khi hanow naiawngün dow ang kuah mih uanh pami en naia tek ang kown,” pakhai.34Laban tek pe mih, “En tek mih lainowmma iung. En tek iawng pana lah,” pakhai.35Nachenganchepaw Laban dow nami ni khe aia kowh tawncher hawmh pungmadawng hownia Jakawb nau kaah kown mih rua hai ruapur maten cham petta khai. Aia dow aingma mih hai anum hown akaw taraw mih rua hai ruapur maten lang kloah hanow achapauüa kowi pe mingkhetah khai.36Laban dow aia lang kloah mih rua hai ruapur hawmh kowi alak sum ni mang rawng kowi cham pawla khai. Now Jakawb dow Laban kowh ta uowi mih arawng sang mih rua hai ruapur hawmh kowi ta ming ta khet khai bowt.37Nami kung kowi dow Jakawb mih cham krawi paw singh mia sum chaing khai. Naiawngün singh mia dow seuta pe apik hanow anga akawma kangowh chekhai.38Naiawngün singh mia mih tawncher hawmh nakhila kownkow tawncher tui kham rah kowi Jakawb tow pe khai. Nami re-e mih tawncher hawmh uang kham tui hanow uang tapaw hau reng chekhai.39Naiawng hai naiawngün singh mia pur kowi kowh tapaw hau mih rua hai ruapur maten dow pawm hanow pen chah khai; naiawngün chauüa dow anum hown akaw taraw mih kangowh uang phaw khai.40Naiawngün rua chah hai ruapur chah kowi kowh ala nget dow Jakawb lang towah khai. Tawkche rua hai ruapur iia dow Laban kowh aingma mih hai anum hown akaw taraw mih rua hai ruapur hawmh tut-e towla khai. Naiawng hai Jakawb mih aiamat kowh rua hai ruapur hawmh kowi pe prungah khai. Aia dow aia kowh tawncher hawmh kowi Laban kowh tawncher hawmh hown pe talawkah dowi chekhai.41Nami klen kowi akürma mih tawncher tapaw hau mih khin khe naiawngün singh mia mih amatni kowh tui khamra kowi Jakawb tow pe khai. Nami aia tow pe mih dow amatni mih singh mia pur kowi pacham tapaw hau lah pakowh chekhai.42Nachenganchepaw kür uowi dowi mih rua hai ruapur pur kowi dow naiawngün singh mia mih Jakawb tow pe dowi chekhai. Naiawng rakowi Laban kowh tawncher dow kür uowi dowi chekhai; tawkche Jakawb kowh tawncher dow akürma kangowh chekhai.43Naiawng hai Jakawb dow lainowmma uang kureng khai bowt. Aia kowh dow narma narla ün, ut ün, kawrngaramchük ün, tawncher ün lainowmma hu khai bowt.
Rahel tek pe mih, “En chapa uang kala mih chah kak uih che en pela ang ne now aiak dow Jakawb hown ang pe taphua taiua en sow,” pakhai.16Now iak prakowi Jakawb uang mang chat mih khita hanow Leah mih aia re-e kowkowi khai. Now aia tek pe Jakawb mih, “Ang chapa uang kala mih chah kak uih hown ang ranta en khai bowt. Naiawng rakowi aiak dow ang tut-e en tawi müi kown takla,” pakhai. Naiawng rakowi nami iak dow Leah tut-e Jakawb tawi müi khai.17Thurai dow Leah awr lüah mih hawt sünta pe khai. Leah dow uang kum nau hanow Jakawb kowi plan ka pe chapa lowk ia khai iawk. Nami hown dow Leah kowh chapa tanga ia khowk chekhai.18Nakhowk khe Leah tek mih, “Ang hua tut-e ang kowh narma kowi ang kowchin pe rakowi Thurai pe ang awmrawm sung mih chekhai,” pakhai. Naiawng rakowi achapa ming dow Isakar pahai aia rük pe khai. (Isakar pami dow “Awmrawm sung” pami chekhai).19Nami kung kowi Leah dow plan kum nau hanow Jakawb kowi plan ka pe chapa lowk ia khai iawk. Nami hown dow Leah kowh chapa mih taruk ia khowk chekhai.20Nakhowk khe Leah tek mih, “Thurai dow awmrawm sung aiungma mih pe ang khai. Mami hown dow ang ka pe chah taruk ia khowk. Naiawng rakowi kawmat hownia dow ang hua naringkaw ang kown towbowt,” pakhai. Naiawng rakowi aia dow achapa ming Zebulun pahai rük pe khai. (Zebulun pami dow “Ringkaw” pami chekhai).21Nami klen kowi paw Leah mih ka masiuüa chah lowk ia khai. Aia dow achama ming Dina pahai rük pe khai.22Nami kung kowi dow Thurai mih Rahel prakowi pela ching khai bowt. Rahel awr lü mih dow Thurai sünta pe hanow pe kaah chah khai bowt.23Rahel mih uang kum nau hanow ka kachakuüa chah lowk ia khai. Nami khin khe aia tek mih, “Thurai mih henta ang rukrai khai bowt,” pakhai.24Naiawng rakowi aia dow achapa ming Josef pahai rük pe khai. (Josef pami dow “Aia pacham pe küng lah” pami chekhai). Tawngplawng kowchow panow aia tek mih, “CHAKRAMANG pacham pe ang kachakuüa chah lowk ia diah lah,” pakhai.25Josef uang dia kung kowi Jakawb tek pe Laban mih, “Kawmat dow anging pren kowi kowh ang kim kowi pe mang ang towbowt.26Ang tawi chang en lup mih dow ang chauüa hai ang masi kowi ang ka kown ang nau rakowi chekhai. Kawmat dow kowbüah hown pe mang ang bowt. Tawng iawng chow ang tawi chang en lup mih krang dow en tuk khowk chekhai,” pape khai.27Nachenganchepaw Laban tek pe mih, “En che saksing sana ang reng tak hanow hangkow mangta ang diah. Thurai pe ang prasi mih dow en rakowi chekhai pami ang tuk.28Naiawng rakowi en kowh sukkri kha dow en nau mih tek ang diah. En tek ang iawng ang nape en kown taih,” pape khai.29Nakhowk khe Jakawb tek pe Laban mih, “Tawng iawng chow en kowh lup ang chang en mih en tuk khowk. En kowh tawncher ang rut kowi uowi khe tawng iawng chow prung mih paw en tuk khowk.30Ang uang uowi dowi tak khe dow en kowh tawncher khowt pat uowi dowi tak. Nachenganchepaw kawmat dow en kowh tawncher ahuma uang prung khai bowt. Ang chang en mih srui kowi CHAKRAMANG dow pe en prasi khai. Nachenganchepaw kawmat dow ang matia kimchak vüi nakram dawngthawnguan kown mih akhin uang na khai bowt lowmow,” pakhai.31Nami khin khe Laban tek pe mih, “Tawng chow ang nape en kown?” pakhai.
Now Jakawb tek pe mih, “Tangka pawisa pe ang kla dowi tham. Tawkchedow en sünta ang lai lowk kown takla. Nahanow en kowh tawncher dow ang naming nakhet en iawk kown taih.32Ani mih en kowh ruapur hai rua hawmh kowi pe kra ang diah. Now aingma mih hai anum hown akaw taraw mih ruapur hai rua maten ang kowh sukkri kha en pe ang kown takla.33Pur prakowi en tuak ang sukkri kha mih khin khe tawng angak paw ang chang dowi pami naiawngün hown en natuk kown. Ang kowh rua hai ruapur hawmh pungmadawng kowi aingma nadowi mih hai anum hown akaw taraw dowi mih en khi hanow naiawngün dow ang kuah mih uanh pami en naia tek ang kown,” pakhai.34Laban tek pe mih, “En tek mih lainowmma iung. En tek iawng pana lah,” pakhai.35Nachenganchepaw Laban dow nami ni khe aia kowh tawncher hawmh pungmadawng hownia Jakawb nau kaah kown mih rua hai ruapur maten cham petta khai. Aia dow aingma mih hai anum hown akaw taraw mih rua hai ruapur maten lang kloah hanow achapauüa kowi pe mingkhetah khai.36Laban dow aia lang kloah mih rua hai ruapur hawmh kowi alak sum ni mang rawng kowi cham pawla khai. Now Jakawb dow Laban kowh ta uowi mih arawng sang mih rua hai ruapur hawmh kowi ta ming ta khet khai bowt.37Nami kung kowi dow Jakawb mih cham krawi paw singh mia sum chaing khai. Naiawngün singh mia dow seuta pe apik hanow anga akawma kangowh chekhai.38Naiawngün singh mia mih tawncher hawmh nakhila kownkow tawncher tui kham rah kowi Jakawb tow pe khai. Nami re-e mih tawncher hawmh uang kham tui hanow uang tapaw hau reng chekhai.39Naiawng hai naiawngün singh mia pur kowi kowh tapaw hau mih rua hai ruapur maten dow pawm hanow pen chah khai; naiawngün chauüa dow anum hown akaw taraw mih kangowh uang phaw khai.40Naiawngün rua chah hai ruapur chah kowi kowh ala nget dow Jakawb lang towah khai. Tawkche rua hai ruapur iia dow Laban kowh aingma mih hai anum hown akaw taraw mih rua hai ruapur hawmh tut-e towla khai. Naiawng hai Jakawb mih aiamat kowh rua hai ruapur hawmh kowi pe prungah khai. Aia dow aia kowh tawncher hawmh kowi Laban kowh tawncher hawmh hown pe talawkah dowi chekhai.41Nami klen kowi akürma mih tawncher tapaw hau mih khin khe naiawngün singh mia mih amatni kowh tui khamra kowi Jakawb tow pe khai. Nami aia tow pe mih dow amatni mih singh mia pur kowi pacham tapaw hau lah pakowh chekhai.42Nachenganchepaw kür uowi dowi mih rua hai ruapur pur kowi dow naiawngün singh mia mih Jakawb tow pe dowi chekhai. Naiawng rakowi Laban kowh tawncher dow kür uowi dowi chekhai; tawkche Jakawb kowh tawncher dow akürma kangowh chekhai.43Naiawng hai Jakawb dow lainowmma uang kureng khai bowt. Aia kowh dow narma narla ün, ut ün, kawrngaramchük ün, tawncher ün lainowmma hu khai bowt.
The Seed Company