Uown Thawp12
1Abram kowi CHAKRAMANG tek pe mih, “En matia pren hai en chen nawiuüa hai en pa kim towla hanow ang natüng en kown mih pren kowi kowkowi diah.2Ang nape en prasi hanow en krungchakuüa kowi chenchap aiukma ang nathawpah kown. En kowh ming iung nang iung ang nahowng en kown, now en hownia maru natawi ka prasi kown.3Pe en prasi miuüa kowi dow ang napeah prasi kown, now pe en piati miuüa kowi dow ang napeah piati kown. En hownia lusa kowi kowh chenchap maten natawi ka prasi kown,” pape khai.4Naiawng rakowi CHAKRAMANG laiklow powm iawng Abram dow tarü khai bowt, now Lawt paw aia tut-e tawi khai. Haran marow hownia lawt mih khin khe Abram kowh ning dow 75 ning chekhai.5Aia dow amasi Sara hai anaumow chapa Lawt kowi pawla now Kanan pren prakowi tarü khai. Haran marow kowi kowh aia kramah mih dawngthawnguan srui hai aia kaah mih narma narla maten paw aia pawla khai; now Kanan pren kowi dow kowtowm büah khai bowt.6Abram dow Kanan pren kowi mang mang now Sekem marow kowi kowh Mawre kowh singh chimsaima mih rah re-e kowtowm khai. Nami khin khe paw nami pren kowi mih kananuüa hawt uowi reng chekhai.7Nakowi uowi mih khin khe Abram tut-e CHAKRAMANG uang tatüng hanow tek pe mih, “Mami pren mih en chuprek chaprekuüa kowi ang napeah kown,” pape khai. Now Abram dow aia tut-e kowh uang tatüng mih CHAKRAMANG vüi nami re-e thawp phuchuara lowk khai.8Nami kung kowi dow nami hownia Bethel marow satlawt pra kowh hungh kowi aia awr süt khai, now nakowi mih aia khup tangbung khai. Aia uowi rah satkup prakowi uowi mih dow Bethel marow chekhai, now satlawt pra kowh uowi mih dow Ai marow chekhai. Nakowi mih CHAKRAMANG vüi aia thawp phuchuara lowk khai, now CHAKRAMANG kowi chupah iiaah khai.9Now nami hownia aia dow mrawkphak pra kowh Negeb pape mih süngrüp süngkangma prakowi kowkowi khai.10Nakhowk khe Kanan pren kowi mih khown uang kuak khai, nami khown dow arawn amatma chekhai. Naiawng rakowi Abram mih Aigupta pren kowi nakowuowi tak kownkow kowkowi khai.11Aigupta pren kowi kowtowm kown chowbowt khe amasi Sara kowi Abram tek pe mih, “Sünta diah, en dow klangiungma mih masiuüa chekhai.12Naiawng kowh Aigupta maru-uüa khi en hanow nanaukhi en kown. En mih ang kowh masi chekhai pami tuk büah hanow en kowi dow natow en now ang kowi dow napawta ang asak büah kown chekhai.13Naiawng rakowi sakrauma hown, ‘Ang dow atuamow chekhai,’ pami en tek diah. Nahanow en rakowi naiung ang büah kown towbowt, now ang kowh asak paw natow ang büah kown towbowt,” pape khai.14Now Aigupta pren kowi Abram kowkup hanow Aigupta maru-uüa dow Abram kowh masi Sara klangiungma mih hawt khi büah khai.15Mang Faraw kowh maru iukuüa paw tawi khi hanow Sara klangiung mih lawnguan Faraw kowi tekla pe khai. Naiawng rakowi Sara kowi mih mang kim kowi pawla khai bowt.16Now Sara rakowi Faraw mih Abram kowi changah iung khai. Aia dow ruapur ün, chia ün, kawrngaramchükma hai kawrngaramchükla ün, ut ün, narma hai narla ün ahuma Abram kowi peah khai.17Nachenganchepaw Abram kowh masi Sara rakowi CHAKRAMANG mih Faraw hai aia kimchakuüa maten luk kowi rawka ngakma mih ahuma uang pe tingah khai.18Naiawng rakowi Abram kowi hawah now Faraw tek pe mih, “Tawngplawng kowchow naiawng en tuk chang ang khai? ‘Ang masi,’ pami tawngplawng kowchow en tek ang dowi?19‘Ang tuamow chekhai,’ pami tawngplawng kowchow en tuk tek ang khai? Ang dow nüla en tuamow rakowi changla masi kownkow Sara kowi ang pawla mih chekhai. Kawmat mih en masi kowi pawla now powt diah,” pape khai.20Nahanow Abram kowi nalawtta kownkow Faraw mih aia maru-uüa kowi peah ana khai, now aia maru-uüa dow Abram hai amasi hai aia kowh uowi mih maten kowi nami pren hownia lawtta khai bowt.
The Seed Company