Ezekiel9
1Nami kung kowi atünma Thurai tek lai mih dow ang ta khai. Thurai tek mih, “Marow kowi nakrawi rip kownkow ka ana miuüa low, enni bowkbowk dowkla rutchün khawkleng hanow mami re-e uang büa diah,” pakhai.2Now tawngphak pra kowh dang mih aluk tapplawt hownia maru uang kup taruk ia mih ang khi khai; amatni rut kowi dow rutchün khawkleng uowi lowk chi chekhai. Now amatni hown adipükchow mih la hown kowh thawpah tawnguat khupma mih maru paw uang tawi lowk ia chekhai; nami maru dow kelang kowi tanla cha rui müa uanh khai. Amatni dow Thurai chup kim lak kowi uang kup hanow kri hown kowh thawpah mih phuchuara ria kowi uang iowng büah khai.3Nami khin khe Israel kowh Thurai kraingra dow cherupuüa dawnglang hownia awr tatowng hanow Thurai chup kim aplawt ria kowi dow kowuowi khai. Now adipükchow mih la hown kowh thawpah tawnguat khupma mih maru kowi dow CHAKRAMANG hawah khai.4Now CHAKRAMANG tek pe mih, “Jerusalem marow kowi en kowkrawi len diah. Now marow kowi kowh suiiai kaniaima mih lup rakowi sak kowi rau kowh kar hown nguk hown uowi miuüa maten kowi dow kau kowi plikla pe amat müa diah,” pape khai.5Nami kung kowi dow maru taruk ia mih kowi CHAKRAMANG tek pe lai mih ang ta khai. CHAKRAMANG tek pe mih, “Marow kowi paimi maru kung kowtawi krawi büa diah. Kau kowi amat lawi uowi dowi mih maten kowi krawi saita büa diah. Mia kowi paw hangkow sana büah, now mia kowi paw ripra hownia hangkow pe powtah diah.6Lawngtang matang, malauüa klanguüa, masiuüa kachakuüa hai ngeuchu ngeucha bowkbowk kowi saita büa diah. Tawkchedow kau kowi kowh amat lawi uowi miuüa kowi dow hangkow kakla büah. Thurai chup kim hownia naiawng dow uown chang büa diah,” pape khai. Naiawng rakowi nami maru taruk ia dow Thurai chup kim ria kowi kowh uowi mih aluchow 70 ia kowi hown uown tarowng maru sai büah khai.7Nami kung kowi Thurai plan tek pe mih, “Thurai chup kim dow sürlawkah büa diah; uak dow Thurai chup kim viadawng kowi atekma uang towah büa diah. Tarü büah,” pape khai. Naiawng rakowi nami maru taruk ia mih dow nami hownia lawt hanow marow kowi krawi sai maru büah khai.8Naiawng kowbüah cham krawi sai maru khe ang malowkchow Thurai chup kim kowi ta uowi khai. Nami khin khe tabawkah krawm now kar se, “Uh, CHAKRAMANG Thurai, en kowh kunmarau hown Jerusalem kowi kowh ta lat mih Israeluüa maten kowi en saita bowk kown chekhai bow?” Padow ang tek khai.9Now Thurai mih, “Judauüa hai Israeluüa kowh angak lainowmma hu khai bowt. Paprenma kowi tatu tasawt tek khai bowt. Marow kowi dow lup ngak kangowh towbowt. Amatni dow, ‘Mami pren hownia CHAKRAMANG powt khai bowt. Tawng ngai chow own mih aia khi dowi bowt,’ pakhai.10Naiawng rakowi amatni kowi mih ang nasanaah kown nadowi, ripra hownia ang nape powtah kown nadowi. Amatni kowh angak sung dow amatni luk kowi ang nauang pe tingah kown,” padow klang ang khai.11Nami kung kowi adipükchow mih la hown kowh thawpah mih tawnguat khupma mih maru dow uang plan hanow, “En pe ang ana mih iawng lup dow ang ki changta khowk,” padow Thurai kowi uang tek pe khai.
The Seed Company