Ezekiel31
1Anging cham takhang mih lailowk ning kowi kowh sum la khe kowh pani khe CHAKRAMANG laiklow dow ang tut-e uang ting khai. Aia tek ang mih,2“Aw maru chapa, Aigupta pren mang hai aia kowh maru maten kowi maiawng kowtek pe diah:
“‘En iawng kri kraingma hai akürma mih amia chow uowi?3Asuria pren lawnguan kowi tuakah madiah;aia dow Lebanawn hungh kowi kowh sidar singh iawng chekhai.Aia kowh klangiungma mih singh mia dow kaurawng kowi aklim takuak reng;aia dow alowngma rakowi aia kowh achem mih kuang kowi tawk ngialia towbowt.4Aia kowi dow tui sikah kleplep reng rakowiaia awr kro ngamlam khai.Awchawng tui dow aia riaret iawng uang hawr reng chekhai,now aia kowh singh prün hown dow kaurawng kowi kowh singh maten tawi ka tui reng chekhai.5Naiawng hai aia dow kaurawng kowi kowh singh maten lak-e lang lowng khai,aia kowh amia dow aiuk aiukma hai aklangma phaw khai.Tawngplawng kowchow panow aia dow ka tui reng chekhai.6Mukuang kowi kowh uakling hawmh dow aia singh mia kowi chang bai reng,now kaurawng kowi kowh asadua hawmh paw aia singh mia dak kowi pen chah reng chekhai.Nami klen kowi aia singh klim kowi dow aiuk aiukma mih chenchap uowi chekhai.7Aia dow akhawtma hai klangiungma chekhai,aia kowh mia prek dow aklangma krawi tarawk khai.Tawngplawng kowchow panow aia kowh aprün dow krawng dawng tui ka reng chekhai.8Thurai krum kowi kowh tawng mih sidar singh paw Lebanawn kowi kowh sidar hown tatuah kown mih uowi dowi chekhai;tawng mih karpowng singh paw aia hown tatu dowi chekhai,now tawng mih sidar singh paw aia hown tatu dowi chekhai.Thurai kowh krum kowi dow naiawng klangiungma mih singh uowi dowi chekhai.9Tawngplawng kowchow panow aia kowi dow singh mia hown klangiungma ang tawngah khai,aia dow Thurai kowh Eden krum kowi kowh singh maten irah mih singh chekhai,’ pakhai.10“Kawmat ang CHAKRAMANG mami laiklow ang tek khowk: Aigupta dow lowng lai bowt kowh achem mih kuang kowi tawk ngialia towbowt, now aia lowng lai rakowi aia dow chang bawri khai.11Naiawng rakowi aia kowi dow ang nuata hanow akürma mih chenchap rut kowi ang naap-ah kown, nahanow nami chenchap dow amatni kowh angak iawng hai napiakah kown.12Prenlang maru-uüa pungmadawng kowi kowh kramra lang uowi miuüa dow aia kowi dungah hanow kuakta hüah khai. Amatni dow aia kowh singh mia maten mih klowkta hanow hungh towng hai lawngrawi towng kowi krawi kuakah khai. Pren kowi kowh chenchapuüa dow aia kowh aklim uowi dowi bowt rakowi aia kowi powtta pe bowk khai.13Mukuang kowi kowh uakling hawmh dow nami singh takuak hüah mih luk kowi uang chawp khai, now nami singh mia luk kowi kaurawng uaramchak hawmh dow mangah chawplawp khai.14Naiawng rakowi kawmat hownia dow aw pang kowi kowh akeng singh mih nachang bawri kown nadowi bowt. Amatni kowh achem dow kuang kowi natatawk kown nadowi bowt, now amatni ka tui reng rakowi akeng mih singh lak-e lang lowng pahai nachang bawri kown nadowi bowt. Tawngplawng kowchow panow amatni dow maru iawng nakowng kown, now ang khowm bowkta mih krawng dawng abüpma mih kowngra prakowi namang kown.15“Ang CHAKRAMANG mami laiklow ang tek khowk: Makownguüa uowi rah prakowi Asuria mang mih khin khe dow tuikuam hai awchawng kowi mih ang nape uowiah uowila uiting uangtak kown. Tuikuam kowi kowh tui hai awchawng kowi kowh hawr klunglung mih tui dow ang nakangta pe kown. Lebanawn hungh dow aiiuma ang nachangah kown, now nakowi kowh singh kau maten dow akang khawngma naphaw kown.16Nami singh kowi mih makownguüa uowi rah kowi ang cham chinah khai. Nami khin khe nami singh tim tün tata hanow akeng chenchapuüa mih kram kowh chür khai. Nakhowk khe Eden krum kowi kowh singh maten, Lebanawn hungh kowi kowh lang kloah mih singh hai ka tui reng mih singh maten dow ka sakklamra khai. Tawngplawng kowchow panow amatni hown Asuria paw makownguüa uowi rah kowi tawi uowi khai bowt.17Amatni dow aia nimkrüa kowi chenchapuüa pungmadawng kowi tawi uowi chowdiah. Tawkche aia hown amatni paw saidawng hown kowh kowng miuüa uowi rah kowi natawi uowi kown.18“Aw Faraw, kri kraingra hai klangiungra prakowi Eden krum kowi kowh singh kau en hown taprem mih tawng mih chow uowi? Nachenganchepaw en kowi mih Eden krum kowi kowh singh kau hown krawng dawng abüpma kowi ang nachin en kown. Tasenra kowi kowh kowng mih hiah khampha uanpik dowi mih maru-uüa hown en nataiua uowi kown.
“Faraw hai aia maru-uüa luk mih naiawng nauang phaw kown. Ang CHAKRAMANG mami laiklow ang tek khowk,” pakhai.
“‘En iawng kri kraingma hai akürma mih amia chow uowi?3Asuria pren lawnguan kowi tuakah madiah;aia dow Lebanawn hungh kowi kowh sidar singh iawng chekhai.Aia kowh klangiungma mih singh mia dow kaurawng kowi aklim takuak reng;aia dow alowngma rakowi aia kowh achem mih kuang kowi tawk ngialia towbowt.4Aia kowi dow tui sikah kleplep reng rakowiaia awr kro ngamlam khai.Awchawng tui dow aia riaret iawng uang hawr reng chekhai,now aia kowh singh prün hown dow kaurawng kowi kowh singh maten tawi ka tui reng chekhai.5Naiawng hai aia dow kaurawng kowi kowh singh maten lak-e lang lowng khai,aia kowh amia dow aiuk aiukma hai aklangma phaw khai.Tawngplawng kowchow panow aia dow ka tui reng chekhai.6Mukuang kowi kowh uakling hawmh dow aia singh mia kowi chang bai reng,now kaurawng kowi kowh asadua hawmh paw aia singh mia dak kowi pen chah reng chekhai.Nami klen kowi aia singh klim kowi dow aiuk aiukma mih chenchap uowi chekhai.7Aia dow akhawtma hai klangiungma chekhai,aia kowh mia prek dow aklangma krawi tarawk khai.Tawngplawng kowchow panow aia kowh aprün dow krawng dawng tui ka reng chekhai.8Thurai krum kowi kowh tawng mih sidar singh paw Lebanawn kowi kowh sidar hown tatuah kown mih uowi dowi chekhai;tawng mih karpowng singh paw aia hown tatu dowi chekhai,now tawng mih sidar singh paw aia hown tatu dowi chekhai.Thurai kowh krum kowi dow naiawng klangiungma mih singh uowi dowi chekhai.9Tawngplawng kowchow panow aia kowi dow singh mia hown klangiungma ang tawngah khai,aia dow Thurai kowh Eden krum kowi kowh singh maten irah mih singh chekhai,’ pakhai.10“Kawmat ang CHAKRAMANG mami laiklow ang tek khowk: Aigupta dow lowng lai bowt kowh achem mih kuang kowi tawk ngialia towbowt, now aia lowng lai rakowi aia dow chang bawri khai.11Naiawng rakowi aia kowi dow ang nuata hanow akürma mih chenchap rut kowi ang naap-ah kown, nahanow nami chenchap dow amatni kowh angak iawng hai napiakah kown.12Prenlang maru-uüa pungmadawng kowi kowh kramra lang uowi miuüa dow aia kowi dungah hanow kuakta hüah khai. Amatni dow aia kowh singh mia maten mih klowkta hanow hungh towng hai lawngrawi towng kowi krawi kuakah khai. Pren kowi kowh chenchapuüa dow aia kowh aklim uowi dowi bowt rakowi aia kowi powtta pe bowk khai.13Mukuang kowi kowh uakling hawmh dow nami singh takuak hüah mih luk kowi uang chawp khai, now nami singh mia luk kowi kaurawng uaramchak hawmh dow mangah chawplawp khai.14Naiawng rakowi kawmat hownia dow aw pang kowi kowh akeng singh mih nachang bawri kown nadowi bowt. Amatni kowh achem dow kuang kowi natatawk kown nadowi bowt, now amatni ka tui reng rakowi akeng mih singh lak-e lang lowng pahai nachang bawri kown nadowi bowt. Tawngplawng kowchow panow amatni dow maru iawng nakowng kown, now ang khowm bowkta mih krawng dawng abüpma mih kowngra prakowi namang kown.15“Ang CHAKRAMANG mami laiklow ang tek khowk: Makownguüa uowi rah prakowi Asuria mang mih khin khe dow tuikuam hai awchawng kowi mih ang nape uowiah uowila uiting uangtak kown. Tuikuam kowi kowh tui hai awchawng kowi kowh hawr klunglung mih tui dow ang nakangta pe kown. Lebanawn hungh dow aiiuma ang nachangah kown, now nakowi kowh singh kau maten dow akang khawngma naphaw kown.16Nami singh kowi mih makownguüa uowi rah kowi ang cham chinah khai. Nami khin khe nami singh tim tün tata hanow akeng chenchapuüa mih kram kowh chür khai. Nakhowk khe Eden krum kowi kowh singh maten, Lebanawn hungh kowi kowh lang kloah mih singh hai ka tui reng mih singh maten dow ka sakklamra khai. Tawngplawng kowchow panow amatni hown Asuria paw makownguüa uowi rah kowi tawi uowi khai bowt.17Amatni dow aia nimkrüa kowi chenchapuüa pungmadawng kowi tawi uowi chowdiah. Tawkche aia hown amatni paw saidawng hown kowh kowng miuüa uowi rah kowi natawi uowi kown.18“Aw Faraw, kri kraingra hai klangiungra prakowi Eden krum kowi kowh singh kau en hown taprem mih tawng mih chow uowi? Nachenganchepaw en kowi mih Eden krum kowi kowh singh kau hown krawng dawng abüpma kowi ang nachin en kown. Tasenra kowi kowh kowng mih hiah khampha uanpik dowi mih maru-uüa hown en nataiua uowi kown.
“Faraw hai aia maru-uüa luk mih naiawng nauang phaw kown. Ang CHAKRAMANG mami laiklow ang tek khowk,” pakhai.
The Seed Company