Uown Lawt4
1Mosi tek pe Thurai mih, “Nachenganchepaw Israeluüa mih hawt owm ang dowi tham, now ang laiklow paw nau sünta büah dowi tham. Amatni dow maiawng natek ang kown, ‘En tut-e CHAKRAMANG uang tatüng dowi,’ napa kown,” pakhai.2Nakhowk khe CHAKRAMANG tek pe Mosi mih, “En rut kowi kowh nami tawng chow?” pakhai.
Mosi tek pe mih, “Mami dow ang kowh raitua taih,” pape khai.3CHAKRAMANG tek pe mih, “Nami raitua krawng kowi iu kuakta madiah,” pakhai.
Now Mosi iu kuakta hown akrowksang nami raitua dow awr chowng rua khai. Nakhowk khe Mosi dow nami rua hownia alenma powt khai.4Nachenganchepaw CHAKRAMANG tek pe Mosi mih, “Nami rua mai kowi iu dowk madiah,” pakhai. Now nami rua mai kowi Mosi iu dowk hown krowksang nami rua dow plan chowng raitua khai iawk.5Nami kung kowi CHAKRAMANG tek pe mih, “Naiawng hai raitua hown amatni kowi en natüng pe awdara lup kown. Nahanow amatni pipu Abraham, Isak hai Jakawb büah kowh CHAKRAMANG Thurai en tut-e uang tatüng ching pami naowm en büah kown towbowt,” pakhai.6CHAKRAMANG plan tek pe Mosi mih, “En kowh rut downgprang kowi sowrah diah,” pakhai. Now Mosi dow CHAKRAMANG tek iawng chang khai. Nachenganchepaw aia howkta rut khe dow aia kowh rut kowi par uang phaw khai, nami par dow aia rut kowi nang iawng akawma awr phaw khai.7Nakhowk khe CHAKRAMANG tek pe mih, “En kowh rut mih downgprang kowi plan sowrah iawk diah,” pakhai. Now CHAKRAMANG tek pe iawng aia dow aia kowh rut mih downgprang kowi plan sowrah khai iawk. Now aia howkta khe dow aia kowh rut mih aiawng uowi khe kowh iawng plan iung khai iawk.8Nami kung kowi CHAKRAMANG tek pe Mosi mih, “Auown khe kowh amatra hown amatni nau owm en dowi chepaw akung kowi kowh amatra hown dow naowm en kown taih.9Nachenganchepaw amatni che nami pre buk mih amatra kowi nau owm dowi hai en laiklow pra paw pe ching dowi kowh chalow now Nail aw hownia tui towngah sangrum now krawng kowi khükah diah. Nami en khükah mih tui mih krawng kowi hawk hown krowksang nachowng vi kown,” pakhai.10Nachenganchepaw CHAKRAMANG kowi Mosi tek pe mih, “Aw CHAKRAMANG, ang dow tawng nam khe paw klangiungma tuk tek lai dowi. En klang ang dowi rawn khe paw ang dow tuk tek lai dowi, now en klang ang kung kowi paw ang dow tuk tek lai dowi chekhai. Ang dow lai tek smumow; tuk tek lai kaneu dowi,” pakhai.11Nakhowk khe CHAKRAMANG tek pe Mosi mih, “Maru kowh nawr amia chow thawp? Now lai a-ma, param pangma hai mik duma mih ün amia chow changah? Now khi mik miuüa kowi amia chow pe khiah? Naiawngün chang miia ang CHAKRAMANG nadowi bow?12Kawmat mih kowkowi diah. En tek lai mih khin khe ang tawi khowng en kown taih, now tawng ngai chow en natek kown mih paw ang nasang en kown taih,” pakhai.13Mosi tek pe mih, “Aw CHAKRAMANG, ang chup en, mami lup nachang kownkow akeng mih maru kowi phai kowchin diah,” pakhai.14Nami laiklow tata hanow CHAKRAMANG mih Mosi luk kowi kunmarau khai bowt. Naiawng rakowi CHAKRAMANG tek pe mih, “En taimow Levi chenchap Arawn uowi nadowi bow? Aia dow klangiungma tuk tek laiklow mih ang tuk. Aia mih en hown nauang takrum kownkow uang tarü khowk. Aia dow khi en hanow lainowmma naawmrawm kown.15Now tawng chow atek takla mih aia kowi en natek pe kown. Enchi tek lai mih khin khe ang natawi khowng enchi kown taih, now tawng chow achang takla mih paw ang nasang enchi kown taih.16En takcha aia dow maru kawm pur kowi natek lai kown. Aia dow en kowh lai tek mih naown kown. Now en dow aia kowh thurai iawng naown kown.17En kowh nami raitua mih en napawla reng kown. Nami raitua hown awdara lup maten en natüng pe kown,” pakhai.18Nami kung kowi dow a-pu Jethraw tut-e Mosi kowplan now tek pe mih, “Aigupta pren kowi kowh ang tasin taken miuüa tut-e pe kowi ang diah. Kawmat paw amatni sing uowi reng tak chünchü mih kowmü kown ang nau,” pakhai. Now aiungma naia towmla kownkow a-pu Jethraw dow Mosi kowi krawi peah prasi khai.19Midian pren kowi uowi mih khin khe Mosi kowi CHAKRAMANG tek pe mih, “Kawmat Aigupta pren kowi kowplan diah. En kowi kowngta en kownkow krawi cham en mih maru-uüa kowng bowk khowk,” pakhai.20Now Mosi mih amasi hai achapa iüah kowi kawrngaramchük luk kowi tangla now Aigupta pren kowi kowkowi khai bowt. Nami Thurai kür uowi mih aia kowh raitua paw pawla khai.21Mosi kowi CHAKRAMANG tek pe mih, “Awdara lup maten nachangla kown mih kür ang peta en khowk. Aigupta pren kowi en kowtowm mih khin khe Faraw pur kowi awdara lup maten en nakowtüng pe kown. Nachenganchepaw aia kowh saktuak dow akhawtma ang nachangta pe kown. Naiawng rakowi aia mih en maru-uüa kowi nalawt en kown nadowi.22Nami khin khe Faraw kowi en natek pe kown mih, ‘CHAKRAMANG tek mih maiawng: Israel dow ang kowh chapa ta chekhai.23Nachupiia ang kownkow ang kowh chapa ta kowi lawtta kown mih ang tek en khowk chowdiah. Nachenganchepaw aia kowi en lawtah dowi. Naiawng rakowi en kowh chapa ta kowi ang nakowngta kown,’ pape diah,” pakhai.24Aigupta pren prakowi mang büah mih khin khe iakra kowi CHAKRAMANG mih Mosi kowi nakowngta kownkow aia pur kowi uang tatüng pe khai.25Nami khin khe amasi Zipawr mih huaran pawah lowk hanow achapa kowi hiah pe khampha uanpik khai. Nami khampha uanpik dow ahua Mosi khawk kowi kowlükah now tek pe mih, “Ang lawtta vi khowk. Naiawng rakowi kawmat dow en mih ang hua towbowt,” pakhai.26Nami laiklow Zipawr tek mih dow khampha uanpik hiah lawnguan kowi chekhai. Nahanow CHAKRAMANG dow Mosi kowi lawtah khai.27Nami khin khe Arawn kowi CHAKRAMANG tek pe mih, “Süngrüp süngkangma kowi Mosi tut-e kowkowi diah,” pakhai. Nahanow Arawn dow kowkowi khai, now aia dow Thurai hungh kowi Mosi hown kowtakrum hanow namah khai.28Mosi mih aia kowi CHAKRAMANG krawi tek pe mih srui Arawn kowi lawp pe khai. Nami klen kowi tawng awdara lup ngai chow nachang kownkow CHAKRAMANG peah ana mih paw aia dow Arawn kowi lawp pe khai.29Nami kung kowi dow Mosi hai Arawn iüah mih Aigupta pren kowi kowkowiah now Israel lawngtang aluchowuüa maten kowi arasang kuaah khai.30Now Mosi kowi kowh CHAKRAMANG krawi tek pe mih maten kowbüah kowi Arawn phuang pe khai. Now awdara uowima mih lup ün paw maru-uüa pur kowi Mosi tüng pe khai.31Nahanow Israeluüa dow Mosi kowi Thurai uang chinah mih chekhai pami owmah khai bowt. Amatni kham ngare mih iu khi kowh CHAKRAMANG uang khowngah kown pami ta büah hanow krawng kowi tabawkah krawm se amatni dow CHAKRAMANG kowi chupah iiaah khai.
Mosi tek pe mih, “Mami dow ang kowh raitua taih,” pape khai.3CHAKRAMANG tek pe mih, “Nami raitua krawng kowi iu kuakta madiah,” pakhai.
Now Mosi iu kuakta hown akrowksang nami raitua dow awr chowng rua khai. Nakhowk khe Mosi dow nami rua hownia alenma powt khai.4Nachenganchepaw CHAKRAMANG tek pe Mosi mih, “Nami rua mai kowi iu dowk madiah,” pakhai. Now nami rua mai kowi Mosi iu dowk hown krowksang nami rua dow plan chowng raitua khai iawk.5Nami kung kowi CHAKRAMANG tek pe mih, “Naiawng hai raitua hown amatni kowi en natüng pe awdara lup kown. Nahanow amatni pipu Abraham, Isak hai Jakawb büah kowh CHAKRAMANG Thurai en tut-e uang tatüng ching pami naowm en büah kown towbowt,” pakhai.6CHAKRAMANG plan tek pe Mosi mih, “En kowh rut downgprang kowi sowrah diah,” pakhai. Now Mosi dow CHAKRAMANG tek iawng chang khai. Nachenganchepaw aia howkta rut khe dow aia kowh rut kowi par uang phaw khai, nami par dow aia rut kowi nang iawng akawma awr phaw khai.7Nakhowk khe CHAKRAMANG tek pe mih, “En kowh rut mih downgprang kowi plan sowrah iawk diah,” pakhai. Now CHAKRAMANG tek pe iawng aia dow aia kowh rut mih downgprang kowi plan sowrah khai iawk. Now aia howkta khe dow aia kowh rut mih aiawng uowi khe kowh iawng plan iung khai iawk.8Nami kung kowi CHAKRAMANG tek pe Mosi mih, “Auown khe kowh amatra hown amatni nau owm en dowi chepaw akung kowi kowh amatra hown dow naowm en kown taih.9Nachenganchepaw amatni che nami pre buk mih amatra kowi nau owm dowi hai en laiklow pra paw pe ching dowi kowh chalow now Nail aw hownia tui towngah sangrum now krawng kowi khükah diah. Nami en khükah mih tui mih krawng kowi hawk hown krowksang nachowng vi kown,” pakhai.10Nachenganchepaw CHAKRAMANG kowi Mosi tek pe mih, “Aw CHAKRAMANG, ang dow tawng nam khe paw klangiungma tuk tek lai dowi. En klang ang dowi rawn khe paw ang dow tuk tek lai dowi, now en klang ang kung kowi paw ang dow tuk tek lai dowi chekhai. Ang dow lai tek smumow; tuk tek lai kaneu dowi,” pakhai.11Nakhowk khe CHAKRAMANG tek pe Mosi mih, “Maru kowh nawr amia chow thawp? Now lai a-ma, param pangma hai mik duma mih ün amia chow changah? Now khi mik miuüa kowi amia chow pe khiah? Naiawngün chang miia ang CHAKRAMANG nadowi bow?12Kawmat mih kowkowi diah. En tek lai mih khin khe ang tawi khowng en kown taih, now tawng ngai chow en natek kown mih paw ang nasang en kown taih,” pakhai.13Mosi tek pe mih, “Aw CHAKRAMANG, ang chup en, mami lup nachang kownkow akeng mih maru kowi phai kowchin diah,” pakhai.14Nami laiklow tata hanow CHAKRAMANG mih Mosi luk kowi kunmarau khai bowt. Naiawng rakowi CHAKRAMANG tek pe mih, “En taimow Levi chenchap Arawn uowi nadowi bow? Aia dow klangiungma tuk tek laiklow mih ang tuk. Aia mih en hown nauang takrum kownkow uang tarü khowk. Aia dow khi en hanow lainowmma naawmrawm kown.15Now tawng chow atek takla mih aia kowi en natek pe kown. Enchi tek lai mih khin khe ang natawi khowng enchi kown taih, now tawng chow achang takla mih paw ang nasang enchi kown taih.16En takcha aia dow maru kawm pur kowi natek lai kown. Aia dow en kowh lai tek mih naown kown. Now en dow aia kowh thurai iawng naown kown.17En kowh nami raitua mih en napawla reng kown. Nami raitua hown awdara lup maten en natüng pe kown,” pakhai.18Nami kung kowi dow a-pu Jethraw tut-e Mosi kowplan now tek pe mih, “Aigupta pren kowi kowh ang tasin taken miuüa tut-e pe kowi ang diah. Kawmat paw amatni sing uowi reng tak chünchü mih kowmü kown ang nau,” pakhai. Now aiungma naia towmla kownkow a-pu Jethraw dow Mosi kowi krawi peah prasi khai.19Midian pren kowi uowi mih khin khe Mosi kowi CHAKRAMANG tek pe mih, “Kawmat Aigupta pren kowi kowplan diah. En kowi kowngta en kownkow krawi cham en mih maru-uüa kowng bowk khowk,” pakhai.20Now Mosi mih amasi hai achapa iüah kowi kawrngaramchük luk kowi tangla now Aigupta pren kowi kowkowi khai bowt. Nami Thurai kür uowi mih aia kowh raitua paw pawla khai.21Mosi kowi CHAKRAMANG tek pe mih, “Awdara lup maten nachangla kown mih kür ang peta en khowk. Aigupta pren kowi en kowtowm mih khin khe Faraw pur kowi awdara lup maten en nakowtüng pe kown. Nachenganchepaw aia kowh saktuak dow akhawtma ang nachangta pe kown. Naiawng rakowi aia mih en maru-uüa kowi nalawt en kown nadowi.22Nami khin khe Faraw kowi en natek pe kown mih, ‘CHAKRAMANG tek mih maiawng: Israel dow ang kowh chapa ta chekhai.23Nachupiia ang kownkow ang kowh chapa ta kowi lawtta kown mih ang tek en khowk chowdiah. Nachenganchepaw aia kowi en lawtah dowi. Naiawng rakowi en kowh chapa ta kowi ang nakowngta kown,’ pape diah,” pakhai.24Aigupta pren prakowi mang büah mih khin khe iakra kowi CHAKRAMANG mih Mosi kowi nakowngta kownkow aia pur kowi uang tatüng pe khai.25Nami khin khe amasi Zipawr mih huaran pawah lowk hanow achapa kowi hiah pe khampha uanpik khai. Nami khampha uanpik dow ahua Mosi khawk kowi kowlükah now tek pe mih, “Ang lawtta vi khowk. Naiawng rakowi kawmat dow en mih ang hua towbowt,” pakhai.26Nami laiklow Zipawr tek mih dow khampha uanpik hiah lawnguan kowi chekhai. Nahanow CHAKRAMANG dow Mosi kowi lawtah khai.27Nami khin khe Arawn kowi CHAKRAMANG tek pe mih, “Süngrüp süngkangma kowi Mosi tut-e kowkowi diah,” pakhai. Nahanow Arawn dow kowkowi khai, now aia dow Thurai hungh kowi Mosi hown kowtakrum hanow namah khai.28Mosi mih aia kowi CHAKRAMANG krawi tek pe mih srui Arawn kowi lawp pe khai. Nami klen kowi tawng awdara lup ngai chow nachang kownkow CHAKRAMANG peah ana mih paw aia dow Arawn kowi lawp pe khai.29Nami kung kowi dow Mosi hai Arawn iüah mih Aigupta pren kowi kowkowiah now Israel lawngtang aluchowuüa maten kowi arasang kuaah khai.30Now Mosi kowi kowh CHAKRAMANG krawi tek pe mih maten kowbüah kowi Arawn phuang pe khai. Now awdara uowima mih lup ün paw maru-uüa pur kowi Mosi tüng pe khai.31Nahanow Israeluüa dow Mosi kowi Thurai uang chinah mih chekhai pami owmah khai bowt. Amatni kham ngare mih iu khi kowh CHAKRAMANG uang khowngah kown pami ta büah hanow krawng kowi tabawkah krawm se amatni dow CHAKRAMANG kowi chupah iiaah khai.
The Seed Company