Uown Lawt33
1Nami kung kowi CHAKRAMANG tek pe Mosi mih, “Aigupta pren hownia kowh en uang lawtla mih maru-uüa kowi mami Sinai hungh hownia pawla now ang khamah mih pren kowi kowpowtla diah. Nami pren dow Abraham, Isak hai Jakawb büah kowh krungchakuüa kowi ang napeah kown pahai ang takham khai.2En dowi rawn ang uang iu chin en kramamu lowk kown, now nami pren kowi kowh hawt iawng uowi mih Kananuüa, Amawruüa, Hituüa, Perizuüa, Hivuüa hai Jebusuüa kowi ang naprütta kown.3Nakowi dow iawn tui, kuai tui hai tawng chap paw akhawr uowi dowi chekhai. Nachenganchepaw enni hown dow ang tawi dowi tham. Tawngplawng kowchow panow enni dow laiüama mih chenchap chekhai. Enni hown che ang tawi now tiama rawng kowi ang nakowngta enni bowk kown chekhai,” pakhai.4Nami phih laiklow tata hanow maru kawmuüa dow kar büah nguk büah khai. Now amatni kowh tatawng müa paw ü büah dowi chekhai.5Tawngplawng kowchow panow Israeluüa kowi natek pe kownkow CHAKRAMANG tek pe Mosi mih, “Enni dow laiüama mih chenchap chekhai. Enni hown che ang taiua uowi nawngchow hanow ang nakowngta enni bowk kown chekhai. Naiawng rakowi enni kowh tatawng müa maten kawmat klüpta büa diah. Now tawng chow ang nachang enni kown mih ang napaw tuak kown,” pakhai.6Naiawng rakowi Israeluüa dow Sinai hungh hownia lawt büah mih khin hownia bowt now tatawng müa paw ü büah dowi bowt chekhai.7Israeluüa dow tiama rawng kowi kowh amatni cham tanaira re-e khup tangbung büah reng chekhai. Now tangbung khup rah uat kowi alak sangrumchow re-e Mosi mih cham khup tangbung reng chekhai. Nami tangbung kowi dow takrumra te pahai Mosi chap pe ming khai. Lowra sia CHAKRAMANG kowi lünta kown nau miuüa dow nami takrumra te kowi kowkowi reng chekhai.8Nami takrumra te kowi Mosi kowkowi towng maru kawmuüa mih amatni chowlowkkow tangbung plawt kowi hawt iowng reng chekhai, now alak kowi Mosi kup dowi mowr dow maru kawmuüa tang müah büah reng chekhai.9Takrumra te lak kowi Mosi kowkup kung kowi dow uangnim iowng chunglung mih uang iu dowm reng, now Mosi hown CHAKRAMANG taklang mowr nami uangnim iowng chunglung mih dow takrumra te plawt kowi hing uowi hüah reng chekhai.10Nami uangnim iowng chunglung mih che takrumra te plawt kowi maru kawmuüa khi hanow amatni dow chowlowkkow tangbung plawt hownia krawng kowi tabawkah krawm se CHAKRAMANG kowi chupah büah reng chekhai.11Auiua hown tatingtang klowk maru talawp khe kowh iawng CHAKRAMANG mih Mosi hown talawp reng chekhai. Now ki talawp kung kowi dow Israeluüa kowh tangbung kowi Mosi kowplan khai iawk. Nachenganchepaw Nun kowh chapa Josua dow takrumra te hownia uang tawi lawt dowi chekhai. Nami Josua klanguüa dow Mosi kowh akhowng mih chekhai.12Akat khe Mosi tek pe CHAKRAMANG mih, “En khamah mih pren kowi mami maru-uüa kowi nakowpawla kown mih en tek ang khai. Tawkchedow ang hown amia iawng mih kowi chow en natawi chin ang kown? Nachenganchepaw ang kowi dow aiungma en tuk pami hai en sak-ih ang reng pami en tek ang khai.13En che sak-ih ang khai hanow sakrauma hown en naukrang pe tuk ang diah. Nahanow aiungma ang natuk en kown, now en nasak-ih ang reng kown towbowt. Mami chenchap dow en kowh chowtaih pami sak kowi towah reng diah,” pakhai.14Now CHAKRAMANG tek pe Mosi mih, “Ang matia ngengche en hown natawi kown, now ang nape en thaulangra kown,” pape khai.15Mosi tek pe mih, “Anging hown che en tawi dowi hanow hauang chin anging diah.16Anging hown che en tawi dowi hanow ang luk kowi hai en kowh maru-uüa luk kowi en sak-ih reng pami akeng chenchapuüa tuk kown nadowi tham. Lusa kowi kowh akeng chenchap maten lak-e alangma anging uowi mih dow en tawi uowila anging kowh chekhai,” pakhai.17Nakhowk khe CHAKRAMANG tek pe Mosi mih, “En tek iawng ang nachang en kown taih. Tawngplawng kowchow panow en luk kowi dow ang kowh saksing sanara uowi reng chekhai, now en kowi dow aiungma ang tuk en chekhai,” pakhai.18Now Mosi tek pe mih, “Naiawng chekhai hanow sakrauma hown en kowh kraingra tüng ang diah,” pakhai.19CHAKRAMANG tek pe mih, “En pur iawng ang uang mang kown. Nakhowk khe ang kowh iungra maten ang natüng en kown, now ang ming dow ‘CHAKRAMANG’ pami ang naphuang en kown. Ang nauah mih maru kowi dow ang nasaksingah kown, now ang nauah mih maru kowi dow ang nasanaah kown.20Nachenganchepaw ang kowh lumowr dow en nakhi kown nadowi. Tawngplawng kowchow panow khi ang lumowr kung kowi dow amiapaw ia sing dowi chekhai,” pakhai.21Now CHAKRAMANG plan tek pe mih, “Ang hown atawnchow mih huamang uowi lowk. Mami huamang luk kowi en nauang iowng kown.22En pur iawng ang kowh kraingra uang mih khin khe dow huamang talak mih takra kowi ang natow en kown, now ang klenla en dowi mowr dow ang kowh rut hown ang natung en kown.23Now ang pawta rut kung kowi dow ang kowh kum en nakhi kown. Nachenganchepaw ang kowh lumowr dow en nakhi kown nadowi,” pakhai.
The Seed Company