Uown Lawt29
1“Naia chang uamow lup kownkow Arawn hai achapauüa kowi maiawng lang kraah diah.
“Auown kowi aser auowk uowi dowi mih chiala apum hai ruapurla pre pum en napawah kown.2Now kawmdi lang iung mih hown the pe tuah dowi mih kawm en nathawp pe sum chap kown: Lawk pe kanrawn sau mih pachap, lawk pe kanrawn sau dowi mih pachap, now apalachow ngaiah mih pachap en nathawpah kown.3Naiawngün dow kharang kowi en natowah kown. Chiala apum hai ruapurla pre pum mih en uang phuchua ang khe naiawngün dow en nauang pawla kown.4Now Arawn hai achapauüa kowi taklowp taklangra te plawt re-e en nauang pawla now amatni kowi mih tui hown en nape tasauah kown.5Nami kung kowi dow Arawn kowi en nakhup pe uamow tawnguat kown. Auown khe kowrmow bawngthawng athawngma mih en nakhup pe kown, now nami luk kowi dow aruama mih kowrmow athawngma mih en nakhup pe kown, nami luk kowi dow ephawd kowrmow hai owngphowr im en nakhup pe kown. Now kekawm dow ephawd kowrmow luk kowi en nasük pe kown.6Nami kung kowi dow alu kowi en nasui pe napawng kown, now nami napawng luk kowi ‘CHAKRAMANG VÜI CHIMSAIMA’ pahai arui uowi mih kuh apherklepchow mih en nasük pe kown.7Nami kung kowi dow alu kowi en naklai pe nümnap müa sau hanow en nanümnapah kown.8Nami kung kowi dow achapauüa kowi paw uang pawla now en nakhup pe kowrmow kown.9Now amatni kowi paw en nasük pe kekawm kown. Now amatni kowi dow en nakruk pe lukruk kown. Naiawng hai Arawn kowh chapauüa kowi paw en napeah uamow rah kown. Nami uamow rah dow amatni krungchakuüa tut-e chowngchowng saksakma nauowi reng kown.10“Now taklowp taklangra te plawt kowi nami chiala en nauang pawla kown. Arawn hai achapauüa mih nami chiala lu kowi amatni kowh rut natangah kown.11Nami chiala dow taklowp taklangra te plawt re-e CHAKRAMANG pur kowi en nangenah kown.12Nami chiala vi dow en napawah sangrum hanow phuchuara luk kowi kowh nang tali klüng mih kowi rutchawk hown en nakrawi plikah kown. Now ta lat mih vi dow phuchuara daw kowi en napatah kown.13Now riaklah sau, plawng ram lang iuk mih hai asau hailawm akia pre buk mih en napawah kown. Naiawngün dow phuchuara luk kowi en natikah kown.14Nami chiala nga, apik, akih hailawm mih aria dow nacham pawla now Israeluüa kowh tangbung khupra hownia alakma kowi nacham tikah kown. Nami dow uamowuüa kowh angak lawt müa phuchua chekhai.15“Nami kung kowi dow ruapurla pre pum mih hownia en nauang pawla apum kown. Arawn hai achapauüa mih nami ruapurla lu kowi amatni kowh rut natangah kown.16Nami ruapurla dow en nangenah hanow avi mih phuchuara kowi tapat lut en nakrawi thetah kown.17Nami ruapurla dow en natawpah hanow akhawk hai akawlakchak maten en nasauah kown, now naiawngün alu hai akeng mih tawp ia hown katsang en natowah kown.18Naiawngün dow phuchuara luk kowi en natikta bowk kown. Nami dow CHAKRAMANG vüi kowi kowh tikah mih uanap chekhai. Nami uanap nam hown dow CHAKRAMANG awmrawm reng chekhai.19“Nami kung kowi dow alowk mih ruapurla en napawah kown. Nami dow pela uamow rah mih pawi vüi kowi kowh ruapurla chekhai. Arawn hai achapauüa mih nami ruapurla lu kowi amatni kowh rut natangah kown.20Nami ruapurla kowi paw en nangenah hanow avi mih en napawah sangrum kown. Nami vi dow Arawn hai achapauüa kowh hawmlawm pra kowh param iah hai hawmlawm pra kowh rutma hown hawmlawm pra kowh khawkma kowi en naplik pe kown. Now ta lat mih vi dow phuchuara tapat lut en nakrawi patah kown.21Nami kung kowi dow phuchuara luk kowi kowh vi hai nümnap müa sau en napawah sangrum hanow en nalawkah kown. Now naiawngün dow Arawn hai achapauüa buk kowi hown amatni kowh tawnguat kowi en naprak pe kown. Naiawng hai tawnguat hailawm aia hown achapauüa mih ang vüi chimsaima naphaw bowt kown.22“Naiawng rakowi nami ruapurla kowi kowh asau, amai tut, riaklah sau, plawng ram lang iuk mih, asau hailawm akia pre buk mih hai hawmlawm pra kowh thung en napawta kown.23Nami kung kowi dow kharang kowi kowh kawm CHAKRAMANG kowi kowh en ap-ah mih hownia lawk pe kanrawn sau mih kawm, lawk pe kanrawn sau dowi mih kawm hai apalachow ngaiah mih kawm en napawah apah chi kown.24Now naiawngün kawm hai chaknga dow Arawn hai achapauüa rut kowi en naap pe kown, now naiawngün dow CHAKRAMANG pur kowi krowngah mih uanap amatni nachangla kown.25Nami kung kowi dow naiawngün mih amatni rut hownia en napawah hanow phuchuara luk kowi tikah mih uanap hown katsang en natikah kown. Nami dow CHAKRAMANG vüi kowi kowh maih kowi tikah mih uanap chekhai. Nami uanap nam hown dow CHAKRAMANG awmrawm reng chekhai.26Arawn kowi peah uamow rah mih pawi kowi kowh ngenah mih ruapurla sakowuh dow en napawah kown. Now nami nga dow pawah hanow CHAKRAMANG pur kowi krowngah mih uanap en nachangla kown. Nami kung kowi dow en matia vüi en natowah kown; nami dow en kowh chakbak chekhai.27“Now pur prakowi dow pela uamow rah mih pawi hai taking tasangra uanap pawi kowi kowh Israeluüa uang ap-ah mih ruapurla sakowuh hai athung nga mih uamowuüa kowh vüi bak naown kown. Nami dow katpaw taklowi dowk mih rirow chekhai.29“Arawn kowng kung kowi dow aia kowh tawnguat chimsaima mih aia kowh chapauüa nata ka kown. Now amatni kowi ap pe arah mih khin khe hai uamow lang kri mih rah peah mih khin khe amatni mih naiawngün tawnguat nakhup kown.30Arawn kowng kung kowi dow achapauüa pungmadawng kowi uamow lang kri mih rah nata paw lowk ia kown. Nami pawi kowi dow ranit ni mowr taklowp taklangra te chimsaima mih rah kowi uamow lang kri mih rah ta paw mih maru nachang lup kown. Naiawng rakowi nami ranit ni chur dowi mowr nami maru dow nami tawnguat nakhup kown takla.31“Pela uamow rah mih pawi kowi kowh ruapurla nga dow pawla now taklowp taklangra te chimsaima mih viadawng kowi nacham butah kown takla.32Nami chaknga dow kharang kowi kowh towah mih kawm hown taklowp taklangra te plawt kowi Arawn hai achapauüa nachaah kown.33Nami chakkham dow peah uamow rah mih pawi hownia kowh chekhai, now nami dow amatni kowh angak lawt müa chekhai. Nami chakkham dow chimsaima chekhai rakowi akeng miuüa natawi ia cha kown nadowi; uamowuüa chowtaih naia cha kown.34Nami pawi kowi kowh ruapurla nga hai kawm dow rau-e mowr ta lat khai hanow nami dow maih kowi natikta kown takla. Nami chakkham dow chimsaima chekhai rakowi miapaw natawi ia cha kown nadowi.35“Arawn hai achapauüa luk kowi nachang pe kownkow ang tek en mih srui en nachang pe bowk kown takla. Naiawng ap pe arah mih pawi dow ranit ni mowr en nasunah kown.36Now nalawtla pe angak kownkow angak lawt müa phuchua iawng hai ranit ni mowr ani kowi apum chi chiala hown en nauang phuchua ang kown. Naiawng chang hanow phuchuara mih chimsaima naown kown towbowt. Nami kung kowi nami phuchuara dow klai pe nümnap müa sau hanow ang vüi kowi nalang takra kown towbowt.37Naiawng hai ranit ni mowr phuchuara kowi en mih tawncher hown nachang phuchua kown, now nümnap müa sau klai pe hanow en nalang kraah kown. Nahanow nami phuchuara dow lainowmma nachimsai kown towbowt. Naiawng rakowi nami phuchuara kowi kowh uang kak mih srui dow chimsaima naown kown takla.38“Nami kung hownia dow ni towng aningchow mih ruapur chah pre pum chi phuchuara luk kowi atungma en naphuchua kown.39Nami pre pum mih ruapur chah dow rau-e apum, iak pra apum en naphuchuaah kown.40Ni towng rau-e uang phuchua ruapur chah mih khin khe dow achangma mih kanrawn sau aset mih hown kawmdi lang iung mih aset hown 400 gram lawkah mih paw en nauang phuchuala kown. Nami klen kowi khamah mih uanap iawng hai grep tui paw en naphuchuala aset kown.41Rau-e khe kowh iawng sat kup khe paw nami ruapur chah hown kawmdi uanap hai khamah mih uanap pawi en nachangah kown. Nami dow CHAKRAMANG vüi kowi chakkham uanap chekhai. Nami uanap nam hown dow CHAKRAMANG awmrawm reng chekhai.42“Nami tikah mih uanap dow chowngchowng saksakma taklowp taklangra te plawt re-e CHAKRAMANG pur kowi atungma enni nauang phuchua kown. Now taklowp taklangra te plawt re-e ang maru-uüa hown ang nauang takrum kown, now en hown ang nataklang kown.43Nami arah dow ang kowh kraingra hown chimsaima naown kown.44Taklowp taklangra te hai phuchuara dow ang vüi chimsaima ang natowah kown, now uamow lup nachang kownkow Arawn hai achapauüa kowi paw ang nalang kraah kown.45“Ang dow Israeluüa kowh Thurai nachowng kown, now amatni pungmadawng kowi ang natawi uowi kown.46Nami khin khe dow ang CHAKRAMANG chowtaih amatni kowh Thurai pami natuk büah kown. Aigupta pren hownia amatni kowi ang uang lawtla mih dow amatni hown ang natawi taiua uowi kownkow chekhai. Ang dow CHAKRAMANG amatni kowh Thurai chekhai.
“Auown kowi aser auowk uowi dowi mih chiala apum hai ruapurla pre pum en napawah kown.2Now kawmdi lang iung mih hown the pe tuah dowi mih kawm en nathawp pe sum chap kown: Lawk pe kanrawn sau mih pachap, lawk pe kanrawn sau dowi mih pachap, now apalachow ngaiah mih pachap en nathawpah kown.3Naiawngün dow kharang kowi en natowah kown. Chiala apum hai ruapurla pre pum mih en uang phuchua ang khe naiawngün dow en nauang pawla kown.4Now Arawn hai achapauüa kowi taklowp taklangra te plawt re-e en nauang pawla now amatni kowi mih tui hown en nape tasauah kown.5Nami kung kowi dow Arawn kowi en nakhup pe uamow tawnguat kown. Auown khe kowrmow bawngthawng athawngma mih en nakhup pe kown, now nami luk kowi dow aruama mih kowrmow athawngma mih en nakhup pe kown, nami luk kowi dow ephawd kowrmow hai owngphowr im en nakhup pe kown. Now kekawm dow ephawd kowrmow luk kowi en nasük pe kown.6Nami kung kowi dow alu kowi en nasui pe napawng kown, now nami napawng luk kowi ‘CHAKRAMANG VÜI CHIMSAIMA’ pahai arui uowi mih kuh apherklepchow mih en nasük pe kown.7Nami kung kowi dow alu kowi en naklai pe nümnap müa sau hanow en nanümnapah kown.8Nami kung kowi dow achapauüa kowi paw uang pawla now en nakhup pe kowrmow kown.9Now amatni kowi paw en nasük pe kekawm kown. Now amatni kowi dow en nakruk pe lukruk kown. Naiawng hai Arawn kowh chapauüa kowi paw en napeah uamow rah kown. Nami uamow rah dow amatni krungchakuüa tut-e chowngchowng saksakma nauowi reng kown.10“Now taklowp taklangra te plawt kowi nami chiala en nauang pawla kown. Arawn hai achapauüa mih nami chiala lu kowi amatni kowh rut natangah kown.11Nami chiala dow taklowp taklangra te plawt re-e CHAKRAMANG pur kowi en nangenah kown.12Nami chiala vi dow en napawah sangrum hanow phuchuara luk kowi kowh nang tali klüng mih kowi rutchawk hown en nakrawi plikah kown. Now ta lat mih vi dow phuchuara daw kowi en napatah kown.13Now riaklah sau, plawng ram lang iuk mih hai asau hailawm akia pre buk mih en napawah kown. Naiawngün dow phuchuara luk kowi en natikah kown.14Nami chiala nga, apik, akih hailawm mih aria dow nacham pawla now Israeluüa kowh tangbung khupra hownia alakma kowi nacham tikah kown. Nami dow uamowuüa kowh angak lawt müa phuchua chekhai.15“Nami kung kowi dow ruapurla pre pum mih hownia en nauang pawla apum kown. Arawn hai achapauüa mih nami ruapurla lu kowi amatni kowh rut natangah kown.16Nami ruapurla dow en nangenah hanow avi mih phuchuara kowi tapat lut en nakrawi thetah kown.17Nami ruapurla dow en natawpah hanow akhawk hai akawlakchak maten en nasauah kown, now naiawngün alu hai akeng mih tawp ia hown katsang en natowah kown.18Naiawngün dow phuchuara luk kowi en natikta bowk kown. Nami dow CHAKRAMANG vüi kowi kowh tikah mih uanap chekhai. Nami uanap nam hown dow CHAKRAMANG awmrawm reng chekhai.19“Nami kung kowi dow alowk mih ruapurla en napawah kown. Nami dow pela uamow rah mih pawi vüi kowi kowh ruapurla chekhai. Arawn hai achapauüa mih nami ruapurla lu kowi amatni kowh rut natangah kown.20Nami ruapurla kowi paw en nangenah hanow avi mih en napawah sangrum kown. Nami vi dow Arawn hai achapauüa kowh hawmlawm pra kowh param iah hai hawmlawm pra kowh rutma hown hawmlawm pra kowh khawkma kowi en naplik pe kown. Now ta lat mih vi dow phuchuara tapat lut en nakrawi patah kown.21Nami kung kowi dow phuchuara luk kowi kowh vi hai nümnap müa sau en napawah sangrum hanow en nalawkah kown. Now naiawngün dow Arawn hai achapauüa buk kowi hown amatni kowh tawnguat kowi en naprak pe kown. Naiawng hai tawnguat hailawm aia hown achapauüa mih ang vüi chimsaima naphaw bowt kown.22“Naiawng rakowi nami ruapurla kowi kowh asau, amai tut, riaklah sau, plawng ram lang iuk mih, asau hailawm akia pre buk mih hai hawmlawm pra kowh thung en napawta kown.23Nami kung kowi dow kharang kowi kowh kawm CHAKRAMANG kowi kowh en ap-ah mih hownia lawk pe kanrawn sau mih kawm, lawk pe kanrawn sau dowi mih kawm hai apalachow ngaiah mih kawm en napawah apah chi kown.24Now naiawngün kawm hai chaknga dow Arawn hai achapauüa rut kowi en naap pe kown, now naiawngün dow CHAKRAMANG pur kowi krowngah mih uanap amatni nachangla kown.25Nami kung kowi dow naiawngün mih amatni rut hownia en napawah hanow phuchuara luk kowi tikah mih uanap hown katsang en natikah kown. Nami dow CHAKRAMANG vüi kowi kowh maih kowi tikah mih uanap chekhai. Nami uanap nam hown dow CHAKRAMANG awmrawm reng chekhai.26Arawn kowi peah uamow rah mih pawi kowi kowh ngenah mih ruapurla sakowuh dow en napawah kown. Now nami nga dow pawah hanow CHAKRAMANG pur kowi krowngah mih uanap en nachangla kown. Nami kung kowi dow en matia vüi en natowah kown; nami dow en kowh chakbak chekhai.27“Now pur prakowi dow pela uamow rah mih pawi hai taking tasangra uanap pawi kowi kowh Israeluüa uang ap-ah mih ruapurla sakowuh hai athung nga mih uamowuüa kowh vüi bak naown kown. Nami dow katpaw taklowi dowk mih rirow chekhai.29“Arawn kowng kung kowi dow aia kowh tawnguat chimsaima mih aia kowh chapauüa nata ka kown. Now amatni kowi ap pe arah mih khin khe hai uamow lang kri mih rah peah mih khin khe amatni mih naiawngün tawnguat nakhup kown.30Arawn kowng kung kowi dow achapauüa pungmadawng kowi uamow lang kri mih rah nata paw lowk ia kown. Nami pawi kowi dow ranit ni mowr taklowp taklangra te chimsaima mih rah kowi uamow lang kri mih rah ta paw mih maru nachang lup kown. Naiawng rakowi nami ranit ni chur dowi mowr nami maru dow nami tawnguat nakhup kown takla.31“Pela uamow rah mih pawi kowi kowh ruapurla nga dow pawla now taklowp taklangra te chimsaima mih viadawng kowi nacham butah kown takla.32Nami chaknga dow kharang kowi kowh towah mih kawm hown taklowp taklangra te plawt kowi Arawn hai achapauüa nachaah kown.33Nami chakkham dow peah uamow rah mih pawi hownia kowh chekhai, now nami dow amatni kowh angak lawt müa chekhai. Nami chakkham dow chimsaima chekhai rakowi akeng miuüa natawi ia cha kown nadowi; uamowuüa chowtaih naia cha kown.34Nami pawi kowi kowh ruapurla nga hai kawm dow rau-e mowr ta lat khai hanow nami dow maih kowi natikta kown takla. Nami chakkham dow chimsaima chekhai rakowi miapaw natawi ia cha kown nadowi.35“Arawn hai achapauüa luk kowi nachang pe kownkow ang tek en mih srui en nachang pe bowk kown takla. Naiawng ap pe arah mih pawi dow ranit ni mowr en nasunah kown.36Now nalawtla pe angak kownkow angak lawt müa phuchua iawng hai ranit ni mowr ani kowi apum chi chiala hown en nauang phuchua ang kown. Naiawng chang hanow phuchuara mih chimsaima naown kown towbowt. Nami kung kowi nami phuchuara dow klai pe nümnap müa sau hanow ang vüi kowi nalang takra kown towbowt.37Naiawng hai ranit ni mowr phuchuara kowi en mih tawncher hown nachang phuchua kown, now nümnap müa sau klai pe hanow en nalang kraah kown. Nahanow nami phuchuara dow lainowmma nachimsai kown towbowt. Naiawng rakowi nami phuchuara kowi kowh uang kak mih srui dow chimsaima naown kown takla.38“Nami kung hownia dow ni towng aningchow mih ruapur chah pre pum chi phuchuara luk kowi atungma en naphuchua kown.39Nami pre pum mih ruapur chah dow rau-e apum, iak pra apum en naphuchuaah kown.40Ni towng rau-e uang phuchua ruapur chah mih khin khe dow achangma mih kanrawn sau aset mih hown kawmdi lang iung mih aset hown 400 gram lawkah mih paw en nauang phuchuala kown. Nami klen kowi khamah mih uanap iawng hai grep tui paw en naphuchuala aset kown.41Rau-e khe kowh iawng sat kup khe paw nami ruapur chah hown kawmdi uanap hai khamah mih uanap pawi en nachangah kown. Nami dow CHAKRAMANG vüi kowi chakkham uanap chekhai. Nami uanap nam hown dow CHAKRAMANG awmrawm reng chekhai.42“Nami tikah mih uanap dow chowngchowng saksakma taklowp taklangra te plawt re-e CHAKRAMANG pur kowi atungma enni nauang phuchua kown. Now taklowp taklangra te plawt re-e ang maru-uüa hown ang nauang takrum kown, now en hown ang nataklang kown.43Nami arah dow ang kowh kraingra hown chimsaima naown kown.44Taklowp taklangra te hai phuchuara dow ang vüi chimsaima ang natowah kown, now uamow lup nachang kownkow Arawn hai achapauüa kowi paw ang nalang kraah kown.45“Ang dow Israeluüa kowh Thurai nachowng kown, now amatni pungmadawng kowi ang natawi uowi kown.46Nami khin khe dow ang CHAKRAMANG chowtaih amatni kowh Thurai pami natuk büah kown. Aigupta pren hownia amatni kowi ang uang lawtla mih dow amatni hown ang natawi taiua uowi kownkow chekhai. Ang dow CHAKRAMANG amatni kowh Thurai chekhai.
The Seed Company