Uown Lawt26
1“Ang kowh taklowp taklangra te dow uan powng hamüt rua hown en nape thawpah kown. Naiawngün uan dow adipükchow mih la hown en nape kawngah kown. Nami uan powng kowi dow ruapur pawi hown kowh thawpah mih aruama mih la, arikma mih la hai aringma mih la hown bawng sawt sarauüa kowi cherupuüa pung en nape sawtah kown.2Naiawngün uan powng dow anowksang nakawngah kown. Nami uan powng dow arua kowi aklang pirmi lairaiat muk, now aphia dow tali muk naown kown.3Nami uan powng hamüt rua mih hownia napawah tanga rua hanow aphiama nasownah atheng kown takla, now ta lat tanga rua mih hown paw aphiama nasownah atheng kown takla.4Nami uan pre theng trui kowi dow adowng pra kowh aret kowi aruama mih lasin hown nape chawpah amin sangrum chi kown takla.5Naiawng hai aphiama mih uan pre theng mih kowi dow areng pra kowh aret kowi akualuachow nachawp pe amin 50 klüng chi kown takla. Nami uan pre theng mih kowi kowh chawpah mih amin dow pre pra hownia natungah kown.6Nami kung kowi dow kuh hown nathawp pe auowk müa 50 klüng kown. Naiawngün auowk müa dow uan pre theng tatung mih kowi kowh akualuachow mih amin kowi nauowkah kown. Nahanow nami uan pre theng mih hown dow taklowp taklangra te nachowng lowk kown towbowt.
Taklowp taklangra te khu müa
7“Now taklowp taklangra te luk khu müa dow rua pawi hown nakawng uan powng lailowk rua kown.8Naiawngün uan powng dow anowksang nakawngah kown takla. Nami uan powng dow arua kowi aklang 30 muk chi, now aphia dow tali muk chi naown kown.9Nami uan powng lailowk rua mih hownia napawah tanga rua hanow aphiama nasownah atheng kown takla, now ta lat taruk rua mih hown paw aphiama nasownah atheng kown takla. Now nami pre theng mih kowi kowh lang iuk mih uan powng taklowp taklangra te pur prakowi kowh marat mih dow nataiap dowi kownkow naawr plan klepta kown.10Nami uan powng pre theng trui kowi dow adowng pra kowh aret kowi nachawp pe amin 50 klüng chi kown takla.11Nami kung kowi dow kri hown nathawp pe auowk müa 50 klüng kown. Naiawngün auowk müa dow aphiama mih uan pre theng mih kowi kowh amin kowi nauowkah kown. Nahanow nami uan pre theng mih hown dow taklowp taklangra te khu müa nachowng lowk kown towbowt.12Uan tanga rua hown kowh sownah mih uan powng dow taklowp taklangra te kung prakowi nataiap dawnglang kown. Nami dow klep kla dowi bowt.13Nami rua pawi uan powng dow adak kowi kowh uan powng lak-e lang klang pamuk chi chekhai. Naiawng rakowi nami taklowp taklangra te dow nahing tamum klum kown.14“Nami luk kowi paw naplan khuah pre lüp kown takla. Alüp mih dow aringma süah mih ruapurla pik hown nakhuah kown, now nami luk kowi dow chak pik lang iung mih hown nakhuah kown.15“Now taklowp taklangra te ping müa dow ri singh hown en nape ngenah phen sangrum kown.16Phen maten dow aklang hamüt muk hai aphia amuk hown dawnglang chi en nape ngenah kown.17Now arup rah kowi narupah kownkow phen maten kowi arup müa khawk nauowi pre buk chi kown takla. Taklowp taklangra te ping müa phen maten dow anowksang en nape ngenah kown.18Mrawkphak pra kowh aping müa vüi dow en nape ngenah phen pirmi phiah kown takla.19Naiawngün phen vüi dow akhawk rup rah tai hown en nape thawpah pre rah chi kown. Phen maten vüi akhawk rup rah bowkbowk kowi likawm rah en nape thawpah kown.20Taklowp taklangra te tawngphak prakowi kowh aping müa vüi paw en nape ngenah phen pirmi phiah kown.21Naiawngün phen vüi paw akhawk rup rah tai hown en nape thawpah pre rah chi kown. Phen maten vüi akhawk rup rah bowkbowk kowi likawm rah en nape thawpah kown takla.22Taklowp taklangra te kung pra kowh vüi paw en nape ngenah phen taruk phiah kown. Nami dow taklowp taklangra te satkup prakowi chekhai.23Taklowp taklangra te kung pra kowh anui pre nui mih vüi paw en nape ngenah phen pre phiah kown.24Nami phen pre phiah mih dow anui kowi nakawpah kown: Adak prakowi dow areng pra kowh phen hai adowng pra kowh phen kowi nakawpah kown. Nachenganchepaw aluk prakowi dow auowk müa hown nauowkah kown.25Naiawng hai satkup prakowi dow aping müa phen nauowi raiat phiah kown. Nami phen vüi paw phen dak kowi akhawk rup rah tai hown aphiah kowi pre buk chi bowkbowk kowi laitaruk klüng en nape thawpah kown.26“Now taklowp taklangra te ping kep müa lawng dow ri singh hown en nape thawpah kown.27Nami akep müa lawng dow mrawkphak pra kowh vüi tanga klüng, tawngphak pra kowh vüi tanga klüng hai satkup pra kowh vüi tanga klüng; bowkbowk kowi laitanga klüng en nape thawpah kown.28Naiawngün akep müa lawng dow aluk prakowi pre buk, adak prakowi pre buk nakepah kown. Now alowk mih dow dawnglang kowi mami hownia paipra kowi plawn pat nasowrah kown.29Naiawngün phen dow kuh hown en nape klaiah kown. Akep lawng krua müa akli dow kuh hown en nape thawpah kown, now phen kowi en nape chawpah kown. Naiawngün akep müa lawng kowi paw kuh hown en nape klaiah kown.30“Mami hungh luk kowi kowh ang tek en mih powm iawng taklowp taklangra te dow en nape thawpah kown.31“Now aruama mih la, arikma mih la, aringma mih hai adipükchow mih la hown en nape thawpah uaniang lowk kown. Nami uaniang kowi dow bawng sawt sarauüa kowi en nape sawtah cherupuüa pung kown.32Nami uaniang iang müa dow ri singh hown en nape thawpah achüng tali chüng kown. Naiawngün achüng kowi dow nachawp pe auowk rah hanow uaniang mih naiangah kown. Naiawngün achüng kowi paw kuh hown naklaiah hanow akhawk rup müa tai hown kowh thawpah mih akhawk rup rah kowi narupah kown.33Nami uaniang dow aluk kowi kowh adipükchow mih la hown kowh kawngah mih uan kowi tachawp mih auowk rah dak kowi naiangah kown. Nami uaniang kung prakowi dow sangbowk laitawm tawkpla en natow pe kown. Nami uaniang dow Chimsaima mih Arah hai Lang Chimsai mih Arah kowi nakraah kown.34Nami Lang Chimsai mih Arah lak kowi kowh sangbowk laitawm tawkpla luk kowi dow en natow pe aküm kown. Nami dow angak khu müa sangbowk laitawm tawkpla küm chekhai.35Chimsaima mih arah tawngphak prakowi dow chimsaima mih kawm towk rah pawitang en natow pe kown. Now mrawkphak prakowi dow en natow pe maibu towngh kown.36“Taklowp taklangra te plawt vüi paw en nape thawpah uaniang lowk kown. Nami uaniang dow aruama mih la, arikma mih la, aringma mih la hai adipükchow mih la hown en nape kawngah hanow nape sawtah bawng kown.37Now ri singh hown en nape thawpah achüng tanga chüng hanow naiawngün achüng kowi paw en nape klaiah kuh kown. Naiawngün achüng vüi paw akhawk rup rah kri hown en nape thawpah tanga klüng kown. Now naiangla uaniang kownkow achüng towng kowi kuh hown en nape thawpah auowk rah lowk chi kown.The Seed Company