Esther4
1Naiawngün satang maten tata hanow Mawrdekai dow aia khupah mih tawnguat thekta now khup sala uan khai, now aia lu kowi prui plawi khai. Now marow prakowi mang se mang se atün atünma karla now kowkowi khai.2Naiawng hai aia dow karla se mang kim tapplawt mowr kowkowi khai. Tawkche aia dow alak kowi kownowng kup dowi chekhai. Tawngplawng kowchow panow sala uan khupma hown alak kowi mia kowi paw pe kup dowi chekhai.3Now mang kowh ana pek ting mih pren maten kowi kowh Jihudiuüa dow lainowmma taprüa khai, khang hawm khai, now kar hai nguk hown uowi büah khai. Tawngbak mih dow khup sala uan hanow plawi dawng kowi mawk khai.4Akung kowi Esther kowh narmauüa hai akletiauüa mih Esther tut-e uangah hanow Mawrdekai lawnguan uang tek pe khai. Nami satang tata hanow Esther dow lainowmma sak kowi rau khai. Aia dow sala uan takcha kowi akhup müa tawnguat Mawrdekai kowi krawi sa pe khai. Nachenganchepaw Mawrdekai dow nami tawnguat hawt paw pe dowi chekhai.5Nakhowk khe Esther dow akletia Hathak kowi hawah hanow Mawrdekai tut-e kowchinah khai. Now Mawrdekai tawng chow own mih hai tawngplawng kowchow naiawng own mih nakowlünta kownkow Hathak kowi aia peah ana khai.6Nakhowk khe Hathak dow marow dawnglang kowi kowh mang kim tapplawt kowi Mawrdekai hown kowtakrum khai.7Nahanow Mawrdekai dow aia luk kowi tawng ngai chow phaw mih hai Jihudiuüa kowi napiakah kownkow mang kim kowi kowh dawngthawnguan towk rah kowi mün khowt chow Haman nape tangka kown mih laikham paw Hathak kowi aia krawi lawp pe bowk khai.8Jihudiuüa kowi nasaita kownkow Susa marow kri kowi mang lawtah mih ana pek chasak Hathak kowi Mawrdekai peah aram khai. Naiawng aia peah mih dow Esther pacham khi lah, now nami auan pacham tuk lah pakowh chekhai. Now aia maru-uüa nakala lawngra kownkow mang tut-e Esther nakowlü kown mih lawnguan paw Mawrdekai mih Hathak kowi krawi tek pe khai.9Now Hathak dow uang plan hanow Mawrdekai krawi tek pe mih srui Esther kowi uang tek pe khai.10Nakhowk khe Esther dow Hathak kowi mih Mawrdekai tut-e kowchinah hanow maiawng kowpe tekah khai:11“Kachakuüa lah, masiuüa lah mang hawah dowi matchang mang hown nakowtakrum kownkow mang kim lak kowi kowkup mih maru kowi dow nakowngta ngengche kown mih ari uowi. Nami ari dow mang kowh maru iukuüa hai pren powng kowi kowh maru maten tuk bowk chekhai. Nachenganchepaw aia kowh kuh raitua che lowra mih maru luk kowi iaw khai hanow nami maru kowi dow nakowngta kown nadowi. Tawkche kowi ala khowk chepaw mang haw ang dowi tak,” pakhai.12Now Hathak dow naiawng Esther krawi tek pe mih laiklow maten Mawrdekai kowi kowtek pe khai bowt.13Nakhowk khe Mawrdekai krawi tek pe Esther mih, “Mang kim kowi en uowi pache Jihudiuüa pungmadawng kowi en lowk ia naplai kown mih hangkow tuak diah.14Maiawng mih khin khe che ririmma en uowi hanow akeng kowi kowh Jihudiuüa plai khai chepaw en hai en pa krungchakuüa dow nakowng kown towbowt. Maiawng mih khin uang ting kown mih rakowi chow en ka masiuüa mangra mih amia chow tuk,” pakhai.15Nakhowk khe Mawrdekai kowi Esther krawi klangah mih,16“En mih Susa marow kri kowi kowkowiah now nakowi kowh Jihudiuüa kowi arasang kuaah diah, now ang vüi kowi khang hawm büa diah. Enni mih sum ni sum uar mowr tawngpaw hang cha hang kham büa diah. Enni khang hawm mih iawng ang hai ang kowh narmauüa paw nakhang hawm kown. Nami kung kowi dow ari aiang iawng nadowi chepaw mang tut-e ang kowkowi sow. Nami kowi kowng takla khai chepaw ang nakowng sow,” pakhai.17Nahanow Mawrdekai dow nami hownia powt hanow Esther ana pek maten iawng kowchang khai bowt.
The Seed Company