Lai Ching11
1En kowh tangka pawisa uowi mih lakke miuüa kowi kawklawma hown peah diah,naiawng che en chang hanow en ngarai mih khin khe maru naplan pe en iawk kown.2En kowh tangka pawisa hown arah huma kowi cham krawi changla kun diah.Tawngplawng kowchow panow tawng hownia chow phih nauang ting kown mih tukah dowi chekhai.3Uangnim kowi che tui atekma takrüm khowk hanow lusa kowi mih uangchak uang reng,nami iawng mrawkphak pra lah, tawngphak pra lah singh dow tim hanow hing uowi hüah reng.4Li iung uang iung kowi chawng mih maru dow ka sawt liu dowi chekhai,now khin iung ni iung kowi chawng mih maru paw ka ngen luprak dowi chekhai.5U mu lak kowi kowh ngeuüa tawng iawng chow hü sak mih en tuk dowi chekhai,nami iawng lowra uanh thawp mih Thurai kowh lup paw en nowng tuk dowi chekhai.6En kowh kan nuk hap liu mih rau pra hownia sat kowi pra krawi sawtah diah.Tawngplawng kowchow panow tawng khe kowh chow nalang iung kown mih en tuk dowi chekhai.7Anowi dow lainowmma iung mih chap chekhai;khi sat hanow maru awmrawm reng chekhai.8Naiawng rakowi ning huma sing mih maru dow ni towng pacham piaw lah.Tawkche akrat pusara ni paw ahuma uowi pami pacham tuakla reng lah.Tawngplawng kowchow panow lusa kowi dow tawng sia paw nik dowi chekhai.9Klanguüa ow, en kowh klanguüa chowng apiawma sunah diah,now en klanguüa reng tak khe en kowh sak mih pacham pe piaw en lah.En sak kowi nau mih iawng chang diah,now en mik kowi iung mih iawng chang diah.Nachenganchepaw mami laiklow tukah reng diah;en changah mih lup maten kowi Thurai mih nachet en tara kown.10Naiawng rakowi hangkow tuak krat diah,now en kowh buk kow kowi paw hangkow towkah kawm diah.Tawngplawng kowchow panow klanguüa chowng hai kür dow nik dowi chekhai.
The Seed Company