Plan Rui30
CHAKRAMANG tut-e uang plan mih sung
1Nami kung kowi Mosi tek mih, “Prasira hai piati laiklow ang tek enni mih dow enni tut-e nauang towm kown. CHAKRAMANG enni kowh Thurai cham uet enni mih chenchap tut-e enni uowi mih khin khe maiawngün laiklow dow enni naka tuak kown.2Nami khin khe dow enni hai enni kowh chu chauüa mih CHAKRAMANG enni kowh Thurai tut-e enni nauang plan kown, now ani kowh ang pe enni mih ana maten plawng hown sak hown enni chün hanow aia naukrang iawng enni nauowi bowt kown.3Nahanow CHAKRAMANG dow enni cham takhangra hownia nauang lawtla enni kown. Aia dow nasana enni bowt kown, now aia cham set enni mih rah hownia nauang kuala enni iawk kown.4Prenchur nammowt kowi cham kuakta enni khowk chepaw nami hownia CHAKRAMANG enni kowh Thurai mih nauang kuala enni iawk kown.5Enni kowh pipu-uüa pren kowi aia dow nauang plan pawla enni iawk kown, now nami pren dow enni napowngta iawk kown. Aia dow enni pipu-uüa lak-e nalang pe phaw enni kown, now enni pipu-uüa lak-e maru iun ahuma nachang enni kown.6Aia kowi mih sak maiow hai singra maiow hown enni nanowng sakraula reng kownkow aia dow enni hai enni kowh krungchakuüa kowi lai chünma mih saktuak napeah kown.7Naiawngün piati maten dow sui enni mih, chang enni nowng miuüa hai enni kowh ransu-uüa luk kowi CHAKRAMANG enni kowh Thurai mih napeah kown.8Nakhowk khe dow ani kowh ang pe enni mih CHAKRAMANG kowh ana maten enni nachün iawk kown.9“Nakhowk khe dow CHAKRAMANG enni kowh Thurai mih lowra sia kowi nape enni iungra kown. Aia dow enni changah mih lup maten kowi nape enni prasi kown. Aia dow ahuma nape ka enni chah kown, now tawncher kowi paw ahuma nape kaah chah kown. Nami klen kowi enni kowh luprak kowi paw ahuma aia nape enni prasi kown. Enni kowh pipu-uüa luk kowi aia awmrawm iawng enni luk kowi paw naawmrawm enni iawk kown.10Tawkchedow CHAKRAMANG enni kowh Thurai lai chün hai mami rirow bowih kowi kowh arui uowi mih aia kowh ana pek hai rirow enni chün khü chiang, now sak maiow hai singra maiow hown CHAKRAMANG enni kowh Thurai prakowi enni uang plan khü chiang naiawngün iungra hai prasira enni naka kown.11“Ani kowh ang pe enni mih ana pek nachün kown mih akratma nadowi chekhai, now tukta kratma mih paw nadowi chekhai.12‘Nami ana pek a-i ta hanow nachünah kownkow mukuang kowi kowkowiah now mia chow nauang pawla a-i kown?’ pami enni naia tek kown nadowi. Tawngplawng kowchow panow nami ana pek dow mukuang kowi kowh towta hüah mih uanh nadowi chekhai.13Now ‘Nami ana pek a-i ta hanow nachünah kownkow sata paipra pown kowi kowkowiah now mia chow nauang pawla a-i kown?’ pami paw enni naia tek kown nadowi. Tawngplawng kowchow panow nami ana pek dow sata paipra pown kowi kowh uanh paw nadowi chekhai.14CHAKRAMANG kowh laiklow dow enni tut-e uowi reng chekhai. Nami ana pek dow enni naia chünah kownkow enni nawr kowi hai enni sak kowi uowi reng chekhai.15“Sünta, ani mih enni pur kowi singra hai iungra, now kowngra hai piakra ang tow enni khowk.16Ani kowh enni tut-e ang kowh ana pek dow maiawng: CHAKRAMANG enni kowh Thurai kowi enni nasakrauah kown, aia kowh tiama kowi enni namang kown, now aia kowh ana pek, aia kowh ari aiang hai rirow enni nachün kown. Naiawng che enni chang hanow enni nasing kown, now prung paw enni naprung kown. Now enni nakowpowngah kownkow enni tarüah mih pren kowi CHAKRAMANG enni kowh Thurai nape enni prasi kown.17“Tawkchedow enni sak mih aia hownia tala chepaw naia kown. Now aia laiklow chün dowi kowi akeng thuraiuüa kowi cham chup kown enni nau chepaw naia kown.18Naiawng che enni chang khai hanow enni napiak ngengche kown pami kawmat ang tek enni khowk chekhai. Jawrdan aw haipown hanow enni nakowpowngah kown mih pren kowi akrama enni nasing kown nadowi.19“Enni vüi ani mih mukuang hai krawng kowi towngla se ang tek khowk, enni pur kowi singra hai kowngra, now prasira hai piatira ang towta enni hüah khowk. Enni hai enni kowh chauüa nasingla reng kownkow singra phai rui büa diah. CHAKRAMANG enni kowh Thurai kowi sakrauah büa diah, now aia laiklow chün büa diah. Aia kowi dow dowkta chen büa diah. Tawngplawng kowchow panow enni kowh singra uowi mih dow aia tut-e chekhai. Naiawng che enni chang hanow enni kowh pipu Abraham, Isak hai Jakawb büah tut-e aia khamah mih pren kowi enni hai enni kowh krungchakuüa chowngdawng sakklangma naia uowi kown,” pakhai.The Seed Company