Daniel6
1Mang Darius dow aia kowh pren mih changah 120 bak khai. Naiawngün pren bak kowi dow tow pe kruitown mih lowk ia chi khai.2Now naiawngün pren bak kowi kowh kruitown mih maten luk kowi dow aia tow pe lang kri mih sum ia khai. Nami sum ia mih kowi Daniel paw na lowk ia chekhai. Mangkri luk kowi tawngpaw piakra nauang tingla dowi kownkow pren kruitown miuüa maten kowi nami lang kri mih sum ia dak kowi towah khai.3Daniel dow akeng mih lang kri miuüa hai kruitown miuüa lak-e lang tuk chang lup khai. Naiawng rakowi aia kowi dow pren paprenma luk kowi natowah kruitown mih kownkow mangkri tatuak khai.4Naiawng rakowi pren kruitown miuüa hai lang kri miuüa mih chowra lup prakowi Daniel kowh atawi ama uowi mih nakhüm pe kownkow kamrüt khai. Tawkche Daniel dow kaah sakowmma chang lup reng rakowi tawng iawng mih atawi ama paw ka khüm büah dowi chekhai.5Achur kowi naiawngün maru-uüa tatek mih, “Daniel kowi nakingküaah kownkow tawng iawng mih atawi ama paw a-i naka kown nadowi. Aia kowh kawngmu kowi chowtaih a-i naka pe atawi ama kown,” pabüah khai.6Naiawng rakowi lang kri miuüa hai pren bak kowi kowh kruitown miuüa dow ahawmsang mang tut-e kowkowi khai. Now mang kowi tek pe büah mih, “Mangkri Darius, chowngdawng sakklangma en pacham sing lah.7En pren kowi kowh lang kri miuüa, pren bak kowi kowh kruitown miuüa, prengia pek miuüa hai akeng mih maru iukuüa dow akhawtma en nathawp ari kown mih nauta bowk chekhai. Nami ari dow maiawng: En klen kowi 30 ni mowr tawng iawng mih arup hai tawng iawng mih maru kowi naia chupiia kown nadowi; cham chupiia mih maru kowi dow krangsi khawng kowi nakuakah kown.8Aw mangkri, nami ana pek nowng klowila dowi bowt kownkow ruiah diah. Nami paw Media pren hai Persia pren kowi kowh nowng klowiah dowi bowt mih rirow pana lah,” pape khai.9Naiawng rakowi mang Darius dow nami ana charam kowi tuk pe mur khai.10Ana charam kowi mang tukta mur mih tata hanow Daniel dow aia kowh aluk krowng kim kowi kowkowi khai. Now aia kowh kiang iawng pani kowi sum kat chi tua kungh se Thurai tut-e tek awmrawm lai khai. Nami kim kowi kowh tawngpawk dow Jerusalem marow prakowi taho hüah chekhai.11Nakhowk khe naiawngün maru iukuüa mih ahawmsang nakowi kowkowi khai, now Daniel chup Thurai mih hai Thurai tut-e lü khowng mih kowkhi büah khai.12Naiawng rakowi amatni dow mang tut-e kowkowi hanow aia lawtah mih ana kowplau pe khai. Amatni tek pe mih, “Aw mangkri, en klen kowi 30 ni mowr tawng iawng mih arup hai tawng iawng mih maru kowi naia chupiia kown nadowi; cham chupiia mih maru kowi dow krangsi khawng kowi nakuakah kown pami en lawtta ana khowk nadowi bow?” pabüah khai.
Mangkri klangah mih, “Ow, ang lawtta khowk. Nami ana dow nowng klowi dowi bowt. Nami dow Media pren hai Persia pren kowi kowh chowra rirow iawng akhawtma uowi reng chekhai,” pape khai.13Nakhowk khe naiawngün maru iukuüa tek pe mih, “Aw mangkri, Juda pren hownia kowh uang khümla mih Daniel pami dow en kowh laiklow hai en tuk pe mur khowk mih ana pek kowi chün dowi chekhai. Aia dow kawmat paw ani kowi sum kat chi aia kowh Thurai kowi chup reng chekhai,” pakhai.14Nami laiklow tata hanow mang dow lainowmma tuak krat khai, now aia dow Daniel kowi nalawngah kown mih tatuak khai. Aia dow Daniel kowi naia lawngla kownkow sat kup dowi mowr sangkrang khai.15Nami kung kowi naiawngün maru-uüa dow ahawmsang mang tut-e kowplan kowi khai iawk. Now amatni tek pe mih, “Aw mangkri, Media pren hai Persia pren kowi kowh chowra rirow kowi dow mang lawtta khowk mih ana nowng klowi dowi bowt pami en aiawng tuk,” pakhai.16Achur kowi mang peta ana hanow maru-uüa mih Daniel kowi khümla khai, now krangsi khawng kowi kowkuakah khai. Nakowi kuakah dowi rawn mangkri tek pe Daniel mih, “En chupiiaah reng mih Thurai pacham lawng en lah,” pakhai.17Nami kung kowi dow uang pawla hua lowk hanow nami khawng mowr kowi uang büngah khai. Now Daniel kowi miapaw naia lawngah dowi bowt kownkow nami hua kowi mangkri kowh mur hai maru iukuüa kowh mur tuk pe khai.18Nami kung kowi dow mang Darius mih aia kim kowi kowpowt khai. Nami iak dow tawngpaw cha dowi kham dowi kowi aia uowi khai, now Daniel rakowi mia kowi paw pe piaw pe paah dowi chekhai. Nami iak dow mapaw aia nowng müi dowi chekhai.19Now auai rau uar thowi how thowi dowi how tak khe aia dow awr rü hanow alenma Daniel kowi kuakah mih krangsi khawng pra kowkowi khai.20Now krangsi khawng re-e kowting hown krowksang aia dow kar klu tapang hüah se Daniel kowi hawah now tek pe mih, “Masing Thurai kowh nar Daniel, krangsi nawr hownia en chupiiaah reng mih Thurai uang nowng lawng en nadowi bow?” pakhai.21Nakhowk khe Daniel hawt klangah mih, “Aw mangkri, chowngdawng sakklangma en pacham sing reng lah.22Ang kowh Thurai mih aia kowh kramamu kowi uang chin ang hanow uang kowpta pe krangsi nawr bowk khai. Krangsi hawmh mih tawngpaw chang ang dowi. Tawngplawng kowchow panow Thurai mik kowi dow ang kowh atawi ama uowi dowi chekhai. Aw mangkri, en tut-e paw ang kowh atawi ama uowi dowi chekhai,” pakhai.23Nakhowk khe mang Darius mih lainowmma awmrawm khai, now krangsi khawng hownia Daniel kowi nauang lawtla kownkow pe ana khai. Daniel uang lawt khowk khe Daniel buk kowi tawng iawng mih ma paw uowi dowi chekhai. Tawngplawng kowchow panow aia dow Thurai luk kowi neplawng nesak reng chekhai.24Now Daniel kowi irsiah kowh khüm pe atawi miuüa kowi nauang pawla kownkow mang lawt ana khai, now naiawngün maru-uüa kowi dow amatni hai amatni kowh masi chauüa hailawm nami krangsi khawng kowi kuakah khai. Nami kuam phai kowi kowdowh dowi rawn amatni kowi dow krangsi hawmh mih ahut hailawm hawt thük hawt iaita nak khai.25Nami kung kowi dow mang Darius mih palusama kowi kowh chen towng chap towng maru-uüa vüi maiawng rui chasak lowk khai,“Enni luk kowi iungra ahuma pauowi lah!26Mami ana ang lawtta khowk.Ang pren kowi kowh maru maten Daniel kowh Thurai kowi nakramah kown,now naring nakawah kown.Tawngplawng kowchow panow aia dow masing Thurai chekhai,now aia dow chowngchowng saksakma anikma uowi reng chekhai.Aia kowh pren dow napiak kown nadowi,now aia kowh mangra paw katpaw nachur kown nadowi.27Aia dow aia kowh maru-uüa kowi khowngah reng,now lawngah reng chekhai.Aia dow krawng hai mukuang kowi maiow maiow lakkhiara lup tüng reng chekhai.Aia dow krangsi nawr hownia Daniel kowi lawngah khai,” pakhai.28Naiawng hown Darius hai Persia mang Kuras chowm mang khe Daniel mih aiungma ka uowi khai.
Mangkri klangah mih, “Ow, ang lawtta khowk. Nami ana dow nowng klowi dowi bowt. Nami dow Media pren hai Persia pren kowi kowh chowra rirow iawng akhawtma uowi reng chekhai,” pape khai.13Nakhowk khe naiawngün maru iukuüa tek pe mih, “Aw mangkri, Juda pren hownia kowh uang khümla mih Daniel pami dow en kowh laiklow hai en tuk pe mur khowk mih ana pek kowi chün dowi chekhai. Aia dow kawmat paw ani kowi sum kat chi aia kowh Thurai kowi chup reng chekhai,” pakhai.14Nami laiklow tata hanow mang dow lainowmma tuak krat khai, now aia dow Daniel kowi nalawngah kown mih tatuak khai. Aia dow Daniel kowi naia lawngla kownkow sat kup dowi mowr sangkrang khai.15Nami kung kowi naiawngün maru-uüa dow ahawmsang mang tut-e kowplan kowi khai iawk. Now amatni tek pe mih, “Aw mangkri, Media pren hai Persia pren kowi kowh chowra rirow kowi dow mang lawtta khowk mih ana nowng klowi dowi bowt pami en aiawng tuk,” pakhai.16Achur kowi mang peta ana hanow maru-uüa mih Daniel kowi khümla khai, now krangsi khawng kowi kowkuakah khai. Nakowi kuakah dowi rawn mangkri tek pe Daniel mih, “En chupiiaah reng mih Thurai pacham lawng en lah,” pakhai.17Nami kung kowi dow uang pawla hua lowk hanow nami khawng mowr kowi uang büngah khai. Now Daniel kowi miapaw naia lawngah dowi bowt kownkow nami hua kowi mangkri kowh mur hai maru iukuüa kowh mur tuk pe khai.18Nami kung kowi dow mang Darius mih aia kim kowi kowpowt khai. Nami iak dow tawngpaw cha dowi kham dowi kowi aia uowi khai, now Daniel rakowi mia kowi paw pe piaw pe paah dowi chekhai. Nami iak dow mapaw aia nowng müi dowi chekhai.19Now auai rau uar thowi how thowi dowi how tak khe aia dow awr rü hanow alenma Daniel kowi kuakah mih krangsi khawng pra kowkowi khai.20Now krangsi khawng re-e kowting hown krowksang aia dow kar klu tapang hüah se Daniel kowi hawah now tek pe mih, “Masing Thurai kowh nar Daniel, krangsi nawr hownia en chupiiaah reng mih Thurai uang nowng lawng en nadowi bow?” pakhai.21Nakhowk khe Daniel hawt klangah mih, “Aw mangkri, chowngdawng sakklangma en pacham sing reng lah.22Ang kowh Thurai mih aia kowh kramamu kowi uang chin ang hanow uang kowpta pe krangsi nawr bowk khai. Krangsi hawmh mih tawngpaw chang ang dowi. Tawngplawng kowchow panow Thurai mik kowi dow ang kowh atawi ama uowi dowi chekhai. Aw mangkri, en tut-e paw ang kowh atawi ama uowi dowi chekhai,” pakhai.23Nakhowk khe mang Darius mih lainowmma awmrawm khai, now krangsi khawng hownia Daniel kowi nauang lawtla kownkow pe ana khai. Daniel uang lawt khowk khe Daniel buk kowi tawng iawng mih ma paw uowi dowi chekhai. Tawngplawng kowchow panow aia dow Thurai luk kowi neplawng nesak reng chekhai.24Now Daniel kowi irsiah kowh khüm pe atawi miuüa kowi nauang pawla kownkow mang lawt ana khai, now naiawngün maru-uüa kowi dow amatni hai amatni kowh masi chauüa hailawm nami krangsi khawng kowi kuakah khai. Nami kuam phai kowi kowdowh dowi rawn amatni kowi dow krangsi hawmh mih ahut hailawm hawt thük hawt iaita nak khai.25Nami kung kowi dow mang Darius mih palusama kowi kowh chen towng chap towng maru-uüa vüi maiawng rui chasak lowk khai,“Enni luk kowi iungra ahuma pauowi lah!26Mami ana ang lawtta khowk.Ang pren kowi kowh maru maten Daniel kowh Thurai kowi nakramah kown,now naring nakawah kown.Tawngplawng kowchow panow aia dow masing Thurai chekhai,now aia dow chowngchowng saksakma anikma uowi reng chekhai.Aia kowh pren dow napiak kown nadowi,now aia kowh mangra paw katpaw nachur kown nadowi.27Aia dow aia kowh maru-uüa kowi khowngah reng,now lawngah reng chekhai.Aia dow krawng hai mukuang kowi maiow maiow lakkhiara lup tüng reng chekhai.Aia dow krangsi nawr hownia Daniel kowi lawngah khai,” pakhai.28Naiawng hown Darius hai Persia mang Kuras chowm mang khe Daniel mih aiungma ka uowi khai.
The Seed Company