Amaws4
1Aw Samari hungh luk kowi kowh masiuüa hawmh, sünta büa diah;enni dow Basan kowi kowh chiama hawmh iawng chekhai.Ngarai miuüa kowi enni changah nowng khai,now akhawr hown uowi miuüa kowi enni towkah krat khai.Nami klen kowi enni huauüa kowi enni tek pe mih,“Uang pawla anging arak dit ba,” pakhai.2Naiawng rakowi CHAKRAMANG Thurai mih aiamat ming chimsaima mih hown takham se tek mih,“Enni luk kowi phih nauang ting ngengche kown.Nami khin khe mih auowk müa hown nauowk enni hanow maru naküngla enni kown;bowkbowk kowi kuai hown nauowk enni hanow naküngla enni kown.3Enni mih marow tap piak mih rah hownia nauang lawt kown,now Hermawn hungh prakowi ang nacham kuakta enni kown.Ang CHAKRAMANG Thurai mami laiklow ang tek khowk.4“Bethel kowi kowkowi hanow kowchang ngak kown enni nau khai;naiawng rakowi tarü büah hanow kowchang büa diah,now Gilgal kowi kowkowi hanow kowchang büah küng diah.Rau towng enni kowh phuchua müa uanh pawla büa diah,now sum ni kowi pakat chi hamüt bak kowi pabak mih uanh pawla hanow kowkowi büa diah.5Enni nachangla bawri kown nau rakowi enni uang pawla uanap khai.Enni nachangla owrow kownkow ang kük enni mih lak-e hu enni uang pawla uanap reng chekhai.Naiawng nachang kown mih lainowmma enni nauah mih chekhai.6“Ang tut-e enni pauang cham plan lah pakowh marow towng kowi ang towk enni hawm khawr khai,now kua towng kowi paw chakkham khawr hown ang tow enni khai.Nachenganchepaw ang tut-e enni uang plan dowi chekhai.7Cha ngen khin sum la dowi rawn ang taingta enni uang khai.Tawngbak khe lowk mih marow kowi uang kowi ang pe uang khai,now akeng mih marow kowi dow uang kowi ang pe uangah dowi chekhai.Lowk mih üa dow ka uang khai,now alowk mih üa dow ka uang dowi rakowi keu khai.Naiawng rakowi ka uang dowi mih üa kowi dow tawng iawng mih uih-ak paw phaw dowi.8Tui rakowi pre sum kua maru-uüa mih iowm se iowm se akeng kua kowi krawi kowi khai.Tawkche duh pat ka kham tui büah dowi chekhai.Nachenganchepaw ang tut-e enni uang plan dowi.9“Enni kowh uih-ak rawng ün sat den hown ang pe keuta enni khai,now enni kowh uih-ien pantawn hai grep rawng paw ang piakta enni khai.Enni kowh uidut singh hai kanrawn singh paw plawng hawmh chata enni bowk khai.Nachenganchepaw ang tut-e enni uang plan dowi chekhai.10“Aigupta pren kowi ang kowchin pe makowng hawi iawng enni tut-e paw ang uang chin enni makowng hawi khai;tasenra kowi enni kowh klanguüa hawmh kowi ang bawmta enni khai.Enni kowh kawrnga ün paw ang pawta enni khai,now enni kowh siphaiuüa tangbung khupra paw uak su namma ang changta enni khai.Nachenganchepaw ang tut-e enni uang plan dowi chekhai.11“Sawdawm hai Gawmawra marow kowi ang piakah iawng enni kowh marow ang piakta enni ne khai.Enni dow maih hownia kowh khowngah mih singh klowkchow lün pluplup mih iawng chekhai.Nachenganchepaw ang tut-e enni uang plan dowi.12“Naiawng kowh aw Israel, naiawngün mih lup en hown ang nachang ngengche kown.Naiawng rakowi aw Israel, en kowh Thurai pur kowi naiowng kownkow kamrüt diah,” pakhai.13Aia dow hungma mawngma hai li thawp miia chekhai;aia dow aia kowh saktuak mih lusa maru kowi pe tukah reng chekhai.Aia dow anowi kowi aiiu thawpah khai,now hungma mawngma luk kowi mang reng chekhai.Aia kowh ming dow CHAKRAMANG mukuang siphaiuüa kowh Thurai chekhai.
The Seed Company