Amaws1
1Lihowng uang mih pre ning dowi rawn Israel lawnguan kowi Thurai tüng pe mih maten Amaws mih tekah khai. Amaws dow Tekoa marow kowi kowh ruapur thing miuüa pungmadawng kowi kowh lowk ia chekhai. Nami khin khe Uzia dow Juda pren kowi kowh mang chekhai, now Jehuas kowh chapa Jeroboam dow Israel pren kowi kowh mang chekhai.2CHAKRAMANG mih Zaiawn hownia uang hek khai,now Jerusalem hownia atünma tek laiklow khai.Naiawng rakowi tawncher thing rah süng dow uang rüp khai bowt,now Karmel hungh luk kowi kowh singh kau ün paw kowng khai bowt.3CHAKRAMANG tek mih maiawng:“Damaska marow mih hing changta angak hüah khai.Aia dow lawngha chu uowi mih aküa müa hown Gilead kowi küaah khai.Naiawng rakowi aia kowi dow ang naripah ngengche kown.4Hazael kowi kowh mang kimluk kowi ang nauang chin pe maih kown,now Ben-Hadaduüa kowh akhawtma mih kangchawngra kim ün nakamta pe kown.5Damaska kowi kowh tapplawt dow ang nakhueta pe kown;Beth-Eden kowi kowh kruitown mih kowi dow ang napiakta kown.Aven lawngrawi kowi kowh uowi miuüa kowi dow ang nasaita kown,now Asuria kowi kowh maru-uüa dow Kir pren kowi nacham takhang kown,” pakhai.6CHAKRAMANG tek mih maiawng:“Gaza marow mih hing changta angak hüah khai.Aia dow kua maten kowi pakuachak chi khümah now nachangla nar kownkow Edawm rut kowi cham sumah khai.Naiawng rakowi aia kowi dow ang naripah ngengche kown.7Naiawng rakowi Gaza marow kowh tap luk kowi dow ang nauang chin pe maih kown,now aia kowh akhawtma mih kangchawngra kim ün nakamta pe kown.8Asdawd kowi kowh uowi miuüa kowi ang nasaita kown,Askelawn kowi kowh mang kowi paw ang napiakta kown.Ekrawnuüa luk kowi dow ang napar pe rut kown,now Filistin kowi kowh sing reng tak miuüa dow nakowng kown,” pakhai.9CHAKRAMANG tek mih maiawng:“Tura marow mih hing changta angak hüah khai.Aia dow atainau-uüa hown kowh towah mih laikham piakta khai.Aia dow kua maten kowi pakuachak chi khümah hanow nachangla nar kownkow Edawm rut kowi cham sumah khai.Naiawng rakowi aia kowi dow ang naripah ngengche kown.10Naiawng rakowi Sur kowh tap luk kowi ang nauang chin pe maih kown,now aia kowh akhawtma mih kangchawngra kim ün nakamta pe kown,” pakhai.11CHAKRAMANG tek mih maiawng:“Edawm marow mih hing changta angak hüah khai.Aia dow aia kowh saksing sanara maten towta hanow saidawng hown atainau-uüa kowi krawiah khai.Nami klen kowi aia kowh kunma ngak mih atungma hing uowi hüah chekhai,now aia kowh kunmarau dow aia hing tüngta hüah chekhai.Naiawng rakowi aia kowi dow ang naripah ngengche kown.12Naiawng rakowi Teman luk kowi ang nauang chin pe maih kown,now Bawzrah kowh akhawtma mih kangchawngra kim ün nakamta pe kown,” pakhai.13CHAKRAMANG tek mih maiawng:“Amawn kowi kowh maru-uüa mih hing changta angak hüah khai.Amatni dow amatni kowh pren sünghi naphiaah kownkowGilead süng kowi kowh apawmma mih masiuüa kowi khuek pe mu khai.Naiawng rakowi aia kowi dow ang naripah ngengche kown.14Naiawng rakowi tasen khe kowh tasen klow iawng Rabba marow dow nakam kown;uowiah pakram mih liku iawng tasenra kowi aia kowh tap dow ang natowkta pe kown,now aia kowh akhawtma mih kangchawngra kim ün ang nakamta pe kown.15Aia kowh mang dow nacham takhang kown,aia hai aia kowh pren mingkhet miuüa dow nacham takhang kown,” pakhai.
The Seed Company