2 Samuel3
1Sawl kowh siphai hawmh hai David kowh siphai hawmh dow tasen mih akrama khowk chekhai. David thumchak dow uang lang kür ngamlam khai. Nachenganchepaw Sawl thumchak dow kür uang iaw ngamlam chekhai.2Maiawngün dow Hebrawn kowi uowi reng tak khe kowh David kaah mih chapauüa chekhai. Aia kowh chapa ta dow Amnawn chekhai. Amnawn kowh u dow Jezrel marow hownia kowh Ahinoam chekhai.3Amnawn dak kowi kowh dow Kileab chekhai. Kileab kowh u dow Karmel marowchak kowng mih Nabal kowh masi Abigail chekhai. Kileab dak kowi kowh dow Absalawm chekhai. Absalawm u dow Gesur pren kowi kowh mang Talmai chama Maka chekhai.4Absalawm dak kowi kowh dow Adonija chekhai. Adonija kowh u dow Hagit chekhai. Adonija dak kowi kowh dow Sefatia chekhai. Sefatia kowh u dow Abital chekhai.5Sefatia dak kowi kowh dow Ithream chekhai. Ithream kowh u dow Egla chekhai. Naiawngün taruk ia mih chapauüa dow Hebrawn marow kowi uowi reng tak khe kowh David kaah mih chekhai.6Sawl kowh siphai hawmh hai David kowh siphai hawmh tasen thüm khe Sawl kowh siphai hawmh pungmadawng hownia Abner mih uang kür ngamlam khai.7Sawl kowh dow Rizpa pami aia changla masi mih narma uowi lowk ia. Rizpa dow Aiah kowh chama chekhai. Akat khe Isboset tek pe Abner mih, “Tawngplawng kowchow apa changla masi mih narma hown en tuk taphua taiua khai?” pakhai.8Isboset kowh laiklow tata hanow Abner dow lainowmma kunmarau khai. Aia tek pe mih, “Judauüa kung krawi mih kui bow ang? Ani mowr kowi en pa Sawl kowh kimchak, tasin taken miuüa hai auiuauüa luk kowi kaah sakowmma ang uowi reng tak. Now en kowi paw David rut kowi ang ap en dowi chekhai. Nachenganchepaw nami masiuüa lawnguan kowi en pe ang angak khai!9David tut-e kowh CHAKRAMANG takhamta mih nauang tachi kownkow ang nachang pe kown. Ang che chang pe dowi hanow Thurai mih akraingma pacham rip ang lah. Sawl kowh mang chowm rah dow David kowi ang naap pe kown. Now David dow Israel hai Juda krungchakuüa luk kowi Dan marow hownia Ber-Seba marow mowr nachowm mang kown,” pape khai.11Isboset dow Abner kowi anawrchow paw klangah dowi bowt chekhai. Tawngplawng kowchow panow aia dow Abner kowi lainowmma kramah khai.12Nami kung kowi dow Abner mih aiamat takcha kowi David tut-e kowchin maru khai. Now krawi tek pe mih, “Mami pren en kowh nadowi bow? Ang hown tatow sangbowk laitawm diah. Nahanow Israeluüa maten natawi tangila en kownkow ang natawi khowng en kown taih,” pakhai.13David tek pe mih, “En tek mih iung chow. En hown ang tatow sangbowk laitawm kown taih. Tawkchedow en nachang ang lup lowk kown takla. Ang tut-e en plan uang mih khin khe Sawl kowh chama Mikal kowi en nauang pawla ngengche kown takla,” pape khai.14Nami kung kowi dow David mih Sawl kowh chapa Isboset tut-e kowchin maru khai. Now aia krawi tek pe mih, “Ang kowh masi Mikal kowi peta ang bowt. Tawngplawng kowchow panow aia kowi dow 100 ia Filistinuüa kowh khampha uanpik hown ang the pe buk sung mih chekhai,” pakhai.15Naiawng rakowi Isboset ana pek iawng Mikal kowi mih ahua Paltiel kim hownia uang pawla khai bowt. Paltiel dow Lais kowh chapa chekhai.16Paltiel dow karla se Behurim marow mowr amasi kung uang tawi krawi khai. Nakhowk khe Abner tek pe aia mih, “Kim kowi kowplan bowt!” pakhai. Naiawng rakowi aia dow kim kowi kowplan khai.17Nami dowi rawn khe Israel lawngtang aluchowuüa kowi Abner tek pe mih, “Makha hownia David kowi nape chowmah mang kown mih enni nau bowk chekhai.18Naiawng rakowi kawmat dow nami iawng chang büah bowt. Tawngplawng kowchow panow Filistinuüa rut hownia hai amatni kowh ransu-uüa rut hownia Israeluüa kowi aia kowh nar David nalawngah kown mih CHAKRAMANG rik tekta khowk chekhai,” pakhai.19Abner dow Benjaminuüa kowi paw nami lawnguan kowtekla pe khai. Now nami lawnguan kowi Israeluüa hai Benjaminuüa tawi nauta mih David kowi nakowtek pe kownkow Hebrawn marow kowi aia kowkowi khai.20Abner dow pawla maru 20 ia now David uowi rah Hebrawn kowi kowkowi khai. Nakowi kowtowm mih khin khe David mih Abner hai aia kowh maru-uüa vüi hawt thak pawi lowk khai.21Nami kung kowi Abner tek pe David mih, “Ang kowh mangkri, en tut-e Israeluüa nauang takua talawm kownkow ang kowmang tak ba. Nahanow amatni dow en hown natatow sangbowk laitawm kown, now amatni luk kowi mih en nau iawng en naia chowm mang kown,” pakhai. Nahanow Abner kowi mih thaulangma David pe mangah khai bowt.22Abner kowi thaulangma David pe mangta klowpchow kung kowi David kowh maru-uüa hai Joab mih uang mang tasen khai. Amatni dow tasenra hownia ahuma uang pawla uanh büah khai.23Joab hai aia kowh siphaiuüa uang ting mih khin khe maru kawmuüa hawt tek pe Joab mih, “Ner kowh chapa Abner mih mang tut-e uang chowdiah. Aia kowi dow athaulangma mang David pe mangta khai bowt,” pabüah khai.24Nakhowk khe Joab dow mang tut-e kowkowiah hanow tek pe mih, “Tawng chow naiawng en tuk chang khai? Abner dow en tut-e uang khowk pache tawngplawng kowchow aia kowi en tuk pe mangta khai? Aia dow alakma kowi cham ting bowt ni!25Ner kowh chapa Abner kowi dow en aiawng tuk towbowt. Aia dow nauang kuan en kownkow en tut-e uang mih chekhai. Tawng ngai chow en chang kown mih hai tawng kowi ngai chow en cham kowi kown mih natuk kownkow aia uang mih chekhai,” pakhai.26Naiawng tekla hanow Joab mih David hownia lawt khai, now Abner kowi nakrawi khüm kownkow aia mih kowkrawi chin maru khai. Nami maru-uüa dow Sira pami tuikuam hownia Abner kowi uang khümla büah khai. Nachenganchepaw naiawngün lawnguan mih David tawi tuk dowi chekhai.27Now Hebrawn kowi Abner uang ting khowk hanow Joab dow tek pe laisin kown mih powm iawng marow tapplawt re-e Abner kowi cham pawla khai. Now Joab mih Abner mu kowi sawtah now kowngta khai. Naiawng hai Joab dow atainau Asahel kowh lu klai pawah khai.28Gibeawn pami arah kowi tasen khe Abner dow Asahel kowi kowngta khai. Naiawng rakowi Asahel kowh tainau Joab hai Abisai iüah Abner kowi saita mih chekhai.
Akung kowi dow David mih nami satang tawi ta khai. Now aia tek mih, “Ner kowh chapa Abner kowng mih lawnguan kowi ang hai ang maru-uüa mih CHAKRAMANG pur kowi chowngchowng saksakma aprek uowi dowi chekhai. Nami saita mih aprek dow Joab hai aia kowh krungchakuüa maten pacham ka lah. Aia kowh krungchakuüa pungmadawng kowi tawngbak mih dow khampha uanh hownia aiawnglowma tui awr towk naklak mih rawka naphaw kown, tawngbak mih dow pik rawka ngak naphaw kown, tawngbak mih dow raitua hown amang natakla kown, tawngbak mih kowi dow maru nasaiah kown, now tawngbak mih dow akhawr hown nangare kown,” pakhai.31Nami kung kowi Joab hai aia kowh maru-uüa kowi David tek pe mih, “Enni khupah mih tawnguat thekta büah now khup sala uan büa diah. Now Abner vüi kowi uowila uiting uangtak büa diah,” pakhai. Kawtla uak miuüa kung kowi David paw tawi ta mang khai.32Abner kowi dow Hebrawn marow kowi dupah büah khai. Abner tadupra re-e mang David mih atün atünma kar khai, now maru kawmuüa paw tawi kar bowk khai.33Mami kar meng dow Abner vüi kowi kowh David tekah mih chekhai.“Abualama mih maru iawng tawngplawng kowchow Abner tuk kowng khai?34En kowh rut dow atawmma nadowi chowdiah,en kowh khawk kowi paw lawngha leng uowi dowi chowdiah.Nachenganchepaw maru ngakuüa rut kowi kowh kowng mih maru iawng en kowng khai!” pakhai.Nami tata hanow maru kawmuüa mih Abner vüi plan kar khai iawk.35Sat kup dowi tak khe nacha nakham kownkow maru kawmuüa mih David kowi uang tek pe rengreng chekhai. Nachenganchepaw aia dow tawngpaw cha kown nau dowi chekhai. Aia dow kham sawi se tek mih, “Sat kup dowi rawn kawm lah, akeng mih chakkham lah tawngpaw ang cha kown nadowi. Ang che cha khai hanow CHAKRAMANG mih akraingma pacham rip ang lah,” pakhai.36Naiawng David chang mih khi hanow maru kawmuüa dow awmrawm khai. Lainowm che tek now nami khin khe kowh maru kawmuüa dow mang changah mih srui kowi lainowmma tawi sak-ih reng chekhai.37Ner kowh chapa Abner kowng mih kowi David dow tawi talük takak dowi chekhai. Nami lawnguan dow maru-uüa maten hai Israeluüa maten mih nami ni kowi tuk büah khai bowt.38Now aia kowh maru iukuüa kowi mang David tek pe mih, “Ani Israel pren kowi kowh lang kri mih aluchow kowng lowk ia mih enni tuk dowi bow?39Ang dow CHAKRAMANG nümnapah mih mang chepaw kawmat mih ang kowh kür uowi dowi chekhai. Zerui kowh chapa Joab hai Abisai iüah kowi dow ang ia kruitown dowi chekhai. CHAKRAMANG dow amatchi kowh lup ngak sung pacham peah lah,” pakhai.
Akung kowi dow David mih nami satang tawi ta khai. Now aia tek mih, “Ner kowh chapa Abner kowng mih lawnguan kowi ang hai ang maru-uüa mih CHAKRAMANG pur kowi chowngchowng saksakma aprek uowi dowi chekhai. Nami saita mih aprek dow Joab hai aia kowh krungchakuüa maten pacham ka lah. Aia kowh krungchakuüa pungmadawng kowi tawngbak mih dow khampha uanh hownia aiawnglowma tui awr towk naklak mih rawka naphaw kown, tawngbak mih dow pik rawka ngak naphaw kown, tawngbak mih dow raitua hown amang natakla kown, tawngbak mih kowi dow maru nasaiah kown, now tawngbak mih dow akhawr hown nangare kown,” pakhai.31Nami kung kowi Joab hai aia kowh maru-uüa kowi David tek pe mih, “Enni khupah mih tawnguat thekta büah now khup sala uan büa diah. Now Abner vüi kowi uowila uiting uangtak büa diah,” pakhai. Kawtla uak miuüa kung kowi David paw tawi ta mang khai.32Abner kowi dow Hebrawn marow kowi dupah büah khai. Abner tadupra re-e mang David mih atün atünma kar khai, now maru kawmuüa paw tawi kar bowk khai.33Mami kar meng dow Abner vüi kowi kowh David tekah mih chekhai.“Abualama mih maru iawng tawngplawng kowchow Abner tuk kowng khai?34En kowh rut dow atawmma nadowi chowdiah,en kowh khawk kowi paw lawngha leng uowi dowi chowdiah.Nachenganchepaw maru ngakuüa rut kowi kowh kowng mih maru iawng en kowng khai!” pakhai.Nami tata hanow maru kawmuüa mih Abner vüi plan kar khai iawk.35Sat kup dowi tak khe nacha nakham kownkow maru kawmuüa mih David kowi uang tek pe rengreng chekhai. Nachenganchepaw aia dow tawngpaw cha kown nau dowi chekhai. Aia dow kham sawi se tek mih, “Sat kup dowi rawn kawm lah, akeng mih chakkham lah tawngpaw ang cha kown nadowi. Ang che cha khai hanow CHAKRAMANG mih akraingma pacham rip ang lah,” pakhai.36Naiawng David chang mih khi hanow maru kawmuüa dow awmrawm khai. Lainowm che tek now nami khin khe kowh maru kawmuüa dow mang changah mih srui kowi lainowmma tawi sak-ih reng chekhai.37Ner kowh chapa Abner kowng mih kowi David dow tawi talük takak dowi chekhai. Nami lawnguan dow maru-uüa maten hai Israeluüa maten mih nami ni kowi tuk büah khai bowt.38Now aia kowh maru iukuüa kowi mang David tek pe mih, “Ani Israel pren kowi kowh lang kri mih aluchow kowng lowk ia mih enni tuk dowi bow?39Ang dow CHAKRAMANG nümnapah mih mang chepaw kawmat mih ang kowh kür uowi dowi chekhai. Zerui kowh chapa Joab hai Abisai iüah kowi dow ang ia kruitown dowi chekhai. CHAKRAMANG dow amatchi kowh lup ngak sung pacham peah lah,” pakhai.
The Seed Company