2 Samuel20
1Gilgal marow kowi Seba pami maru ngakma mih uowi lowk ia. Aia dow Benjamin krungchak Bikri kowh chapa chekhai. Aia dow tum baw hanow tek mih,“Jese kowh chapa David tut-e a-i kowh kakbak uowi dowi bowt,aia hown dow tawng alow paw a-i kowh uowi dowi bowt chekhai.Aw Israeluüa, chowlowkkow kim prakowi plan büah bowk towbowt,” pakhai.2Naiawng rakowi Israeluüa maten dow David kowi nuata hanow Seba kung tawi krawi büah khai. Nachenganchepaw Juda maru-uüa dow mang David tut-e ta uowi khai. Amatni dow Jawrdan aw hownia Jerusalem marow mowr David hown kowtawi khai.3Now David dow Jerusalem marow kowi kowh aia kim kowi uang ting khai bowt. Now ta pe mingkhetah kim mih aia changla masi mih narma hamüt ia kowi dow akeng mih kim kowi aia cham lang towah khai. Now amatni naia powtla dowi kownkow aia tow pe achawng mih khai. Lakke takla mih maten dow amatni kowi aia pe pe reng khai. Nachenganchepaw amatni hown dow aia taphua taiua dowi bowt chekhai. Naiawng hai amatni dow kowng dowi mowr mih mamaimow iawng nami kim kowi uowi büah khai.4Akung kowi mang tek pe Amasa mih, “Sum ni takra kowi Judauüa kowi ang tut-e uang hawla diah. Now en paw makowi tawi uowi diah,” pakhai.5Naiawng rakowi Amasa dow Judauüa kowi nakowhaw kownkow kowtarü khai bowt. Nachenganchepaw aia dow mang krawi tek pe mih khin kowi uang mang dowi chekhai.6Nakhowk khe mang tek pe Abisai mih, “Absalawm lak-e Bikri kowh chapa Seba mih kawmat nalang piak a-i kown chekhai. Naiawng rakowi ang kowh maru-uüa kowi pawla hanow aia kowi kowkawi krawi diah. Nadowi now aia dow tap uowi mih marow kowi nacham powtta a-i kown chekhai,” pakhai.7Nahanow Abisai dow Joab hai aia kowh maru-uüa, mang chawng miuüa, now tasen kiakma miuüa kowi pawla hanow nakawikrawi Seba kownkow Jerusalem marow hownia lawt khai bowt.8Now amatni dow Gibeawn kowi kowh singku huamang re-e kowting hanow Amasa hown takrum büah khai. Nakhowk khe Joab dow tasen tawnguat khupma chekhai, now kekawm kowi dow akawp hown tapla saidawng khai. Amasa re-e kowting hanow Joab dow aia kowh saidawng mih krawng kowi dowta khai.9Joab tek pe Amasa mih, “Tainau, iung reng tak bow?” pakhai. Nami kung kowi aia dow Amasa kowi nam pe awm kownkow aia kowh hawmlawm rut hown awr dowk pe mawmpawi khai.10Nachenganchepaw lakuai rut prakowi Joab kowh saichow uowi lowk tak mih dow Amasa khi dowi chekhai. Now Joab dow nami saichow hown Amasa mu kowi haisawtah khai. Nahanow Amasa kowh ria dow uang tauai plawt khai. Aia dow hing kowng khai; aia kowi dow Joab plan sawtah dowi bowt chekhai. Nami kung kowi dow Joab hai atainau Abisai iüah mih Seba kowi plan krawiah khai iawk.11Joab kowh maru lowk ia dow Amasa uak re-e iowng now tek mih, “Joab kowi sakrau mih hai David kowi tangila mih maru dow Joab kung tawi krawi diah,” pakhai.12Nakhowk khe Amasa kowh uak dow tiama dawnglang kowi vi hown talawk klut chekhai. Now Amasa uak re-e siphaiuüa uang tachun chuk mih dow Joab kowh maru khita khai. Naiawng rakowi aia dow Amasa uak mih tiama hownia dowm kowi iu küngla khai, now apowngchow uan hown aia mumah khai.13Nami kung kowi dow maru maten mih natawi krawi Bikri kowh chapa Seba kownkow Joab hown tawi khai.14Seba dow Israel krungchak maten kowh süng iawng panow Abel-Bet-Maka marow kowi kowkowi khai. Seba matia kowh krungchak Bikriuüa maten dow takua talawm hanow nami marow kowi uang kup khai, now Seba kowi kawikrawi büah khai.15Now Joab kowh maru-uüa paw nakowi Seba uowi mih tukta khai. Naiawng rakowi amatni dow nami marow kowumta lut khai. Now tap hown aprem sang awr plu bawn büah khai. Nami kung kowi amatni dow nami bawn plu luk hownia uown bawp tap büah khai.16Nakhowk khe marow kowi kowh chanlaima mih masiuüa lowk ia dow maiawng hai atünma uai haw khai, “Sünta büa diah! Sünta büa diah! Joab kowi ang tut-e uai chin ang büa diah. Aia hown talawp kown ang nau,” pakhai.17Aia re-e Joab kowkowi mih khin khe nami masiuüa hawt lüntaah mih, “En chowbowt bow Joab?” pakhai.
Joab tek pe mih, “Ow, ang chowbowt Joab,” pape khai.
Nami masiuüa tek pe mih, “En kowh narma laiklow sünta ang diah,” pakhai.
Joab klangah mih, “Sünta khowk,” pape khai.18Nami masiuüa tek pe mih, “Achük alai khe dow maiawng maru tek reng, ‘En che ka prengia iung kown nau now Abel marow kowi kowkowi diah,’ pakhai. Naiawng hai maru kawmuüa dow chang reng chekhai.19Anging dow Israeluüa pungmadawng kowi kowh taking tasangra uowima mih hai kaah sakowm mih maru-uüa chekhai. Nachenganchepaw tawngplawng kowchow Israeluüa kowh asung uowima mih marow napiakta kown mih en tuk nau khai? CHAKRAMANG kowh dawngthawnguan anging Israeluüa kowi tawngplawng kowchow namata kown mih en tuk sangkrang khai?” pakhai.20Joab klangah mih, “Nadowi iowh! Enni kowh marow namata kown mih hai napiakta kown mih mapaw ang nau dowi chekhai.21Anging kowh sangkrangra dow naiawng nadowi. Efraim hungma mawngma süng kowi kowh Bikri chapa Seba dow mang David kowi kingküaah khai. Aia kowi che en ap ang khai hanow mami marow hownia ang napowt kown taih,” pape khai.
Nami masiuüa tek pe mih, “Aia kowh lu dow tap luk iawng anging nahai kuak en sow,” pakhai.22Nami kung kowi nami masiuüa dow marowchakuüa tut-e kowkowi hanow Joab kowi kowh aia peah mih prengia kowtekla pe khai. Naiawng rakowi amatni dow Seba kowh lu dungta pe hanow marow tap luk iawng Joab kowi hawi kuak pe khai. Nami kung kowi dow marow hownia napowt bowt kownkow Joab mih tum baw khai. Nahanow aia kowh siphaiuüa dow chowlowkkow kim prakowi mang büah khai bowt. Now Joab dow Jerusalem marow kowi mang tut-e kowplan khai.23Joab dow Israel siphaiuüa maten kowh lang kri mih chekhai. Jehoiada chapa Benaia dow mang chawng mih kowi kowh aluchow chekhai.24Adoniram dow naruüa kowh aluchow chekhai. Ahilud kowh chapa Jehosafat dow mang kowh chownglawng lawnguan rui mih chekhai.25Seva dow mang kowh cha rui mih chekhai. Zadawk hai Abiathar iüah dow uamow chekhai.26Jair marow hownia kowh Ira paw David kowh uamow chekhai.
Joab tek pe mih, “Ow, ang chowbowt Joab,” pape khai.
Nami masiuüa tek pe mih, “En kowh narma laiklow sünta ang diah,” pakhai.
Joab klangah mih, “Sünta khowk,” pape khai.18Nami masiuüa tek pe mih, “Achük alai khe dow maiawng maru tek reng, ‘En che ka prengia iung kown nau now Abel marow kowi kowkowi diah,’ pakhai. Naiawng hai maru kawmuüa dow chang reng chekhai.19Anging dow Israeluüa pungmadawng kowi kowh taking tasangra uowima mih hai kaah sakowm mih maru-uüa chekhai. Nachenganchepaw tawngplawng kowchow Israeluüa kowh asung uowima mih marow napiakta kown mih en tuk nau khai? CHAKRAMANG kowh dawngthawnguan anging Israeluüa kowi tawngplawng kowchow namata kown mih en tuk sangkrang khai?” pakhai.20Joab klangah mih, “Nadowi iowh! Enni kowh marow namata kown mih hai napiakta kown mih mapaw ang nau dowi chekhai.21Anging kowh sangkrangra dow naiawng nadowi. Efraim hungma mawngma süng kowi kowh Bikri chapa Seba dow mang David kowi kingküaah khai. Aia kowi che en ap ang khai hanow mami marow hownia ang napowt kown taih,” pape khai.
Nami masiuüa tek pe mih, “Aia kowh lu dow tap luk iawng anging nahai kuak en sow,” pakhai.22Nami kung kowi nami masiuüa dow marowchakuüa tut-e kowkowi hanow Joab kowi kowh aia peah mih prengia kowtekla pe khai. Naiawng rakowi amatni dow Seba kowh lu dungta pe hanow marow tap luk iawng Joab kowi hawi kuak pe khai. Nami kung kowi dow marow hownia napowt bowt kownkow Joab mih tum baw khai. Nahanow aia kowh siphaiuüa dow chowlowkkow kim prakowi mang büah khai bowt. Now Joab dow Jerusalem marow kowi mang tut-e kowplan khai.23Joab dow Israel siphaiuüa maten kowh lang kri mih chekhai. Jehoiada chapa Benaia dow mang chawng mih kowi kowh aluchow chekhai.24Adoniram dow naruüa kowh aluchow chekhai. Ahilud kowh chapa Jehosafat dow mang kowh chownglawng lawnguan rui mih chekhai.25Seva dow mang kowh cha rui mih chekhai. Zadawk hai Abiathar iüah dow uamow chekhai.26Jair marow hownia kowh Ira paw David kowh uamow chekhai.
The Seed Company