2 Manguüa13
1Israel pren kowi Jehu kowh chapa Jehoahaz chowm mang mih dow Juda pren kowi mang Ahazia chapa Joas chowm mih 23 ning khe chekhai. Jehoahaz dow Israel pren kowi kowh Samari marow kowi lairanit ning mowr chowmla mang khai.2Aia dow CHAKRAMANG mik kowi angakma mih lup chang khai. Now Nebat chapa Jeroboam changah mih lup ngak dow aia paw chang khai, now aia dow Israeluüa kowi paw pe changah lup ngak khai. Nami hownia aia dow tarip dowi tak chekhai.3Naiawng rakowi CHAKRAMANG dow Israeluüa kowi lainowmma kunmarauah khai. Aia dow amatni kowi mih Siria pren mang Hazael hai achapa Ben-Hadad iüah rut kowi aplan aplan pe sumah khai.4Nami kung kowi dow Jehoahaz mih CHAKRAMANG tut-e awr lü khowng khai, now CHAKRAMANG dow aia awr lüah mih hawt sünta pe khai. Tawngplawng kowchow panow Israeluüa kowi Siria pren mang lainowmma changah anowng apowng mih dow CHAKRAMANG mih khi khai bowt.5Nakhowk khe CHAKRAMANG dow Israeluüa kowi uang chin pe lawng mih lowk ia khai. Nahanow Israeluüa dow Siriauüa hownia ka lawngra khai bowt. Now amatni dow alai khe kowh iawng thaulangma plan uowi büah khai bowt.6Tawkche amatni dow Israeluüa kowi kowh Jeroboam pe changah mih lup ngak chang reng tak chekhai. Nami lup ngak hownia dow amatni tarip dowi tak chekhai. Nami klen kowi Samari marow kowi kowh Asera limpu paw kripta dowi tak chekhai.7Jehoahaz kowh dow kawrnga kowi kowh chowm mih siphai 50 ia, kawrnga kari 10 klüng hai khawk hown mang mih siphai 10,000 ia klen kowi miapaw uowi dowi bowt chekhai. Tawngplawng kowchow panow akeng miuüa kowi dow Siria pren mang mih saita bowk khowk chekhai. Amatni kowi dow thua dinchow khe kowh iawng Siria pren mang thuata nak khai.8Jehoahaz kowh akeng mih lup lawnguan maten hai tasen awng mih lawnguan dow “Israel Manguüa Lawnguan” pami bowih kowi arui uowi bowk chekhai.9Akung kowi Jehoahaz dow kowng hanow Samari marow kowi maru dupah khai. Aia takcha kowi dow achapa Jehoas mih ta chowm mang khai.10Israel pren kowi Jehoahaz chapa Jehoas chowm mang mih dow Juda pren kowi Joas chowm mih 37 ning khe chekhai. Jehoas dow laitaruk ning mowr Samari marow kowi chowmla mang khai.11Aia dow CHAKRAMANG mik kowi angakma mih lup chang khai. Now Nebat chapa Jeroboam changah mih lup ngak dow aia paw chang khai, now aia dow Israeluüa kowi paw pe changah lup ngak khai. Nami hownia aia dow tarip dowi tak chekhai.12Jehoas kowh akeng mih lup lawnguan maten hai sakkraingma hown Juda pren mang Amazia kowi senah mih lawnguan dow “Israel Manguüa Lawnguan” pami bowih kowi arui uowi bowk chekhai.13Akung kowi Jehoas dow kowng hanow Samari marow kowi Israel manguüa tadupra kowi maru dupah khai. Aia takcha kowi dow achapa Jeroboam mih ta chowm mang khai.14Risi Elisa dow arau dikma hown uowi khai. Now aia kowngla mih dow nami arau hown chekhai. Aia kowng dowi rawn khe Israel mang Jehoas dow aia kowi uang müah khai. Now kar se Jehoas tek pe mih, “Aw apa, apa! Israel kowi kowh kawrnga kari hai kawrnga luk kowi kowh chowm mih siphaiuüa kowi ang khi khai!” pakhai.15Nakhowk khe Elisa tek pe mih, “Salangba hai salangba sek uang pawla diah,” pakhai. Now uang pawla salangba kung kowi Elisa tek pe mih, “Dowk salangba diah,” pakhai. Nahanow mang dow dowk salangba khai. Nami kung kowi dow Elisa mih mang rut luk kowi aia kowh rut mih towah khai.17Now Elisa tek pe mih, “Satlawt pra kowh tawngpawk ho diah,” pakhai. Now mang mih ho tawngpawk khai. Nami kung kowi Elisa tek pe mih, “Ap salangba diah,” pakhai. Nahanow mang Jehoas dow ap salangba khai. Nakhowk khe Elisa tek mih, “Mami dow CHAKRAMANG kowh salangba sek chekhai. Siriauüa kowi kowh nowngla mih dow mami salangba sek hown chekhai. Aphek marow kowi Siriauüa kowi dow asaima en napiakta kown,” pakhai.18Nami kung kowi Elisa tek pe mih, “Dowk salangba sek diah,” pakhai. Aia dowk salangba sek hanow Elisa tek pe mih, “Krawng kowi iu ap diah,” pakhai. Nahanow aia dow iu ap sum katchow now taingta khai.19Nakhowk khe Thurai maru Elisa dow kunmarau se tek pe mih, “Tanga taruk kat mowr chowdiah krawng kowi en ap takla. Naiawng che en ap e dow Siriauüa kowi asaima en naia piakta kown chowdiah. Nachenganchepaw amatni kowi dow sum katchow towbowt en naia awngta kown,” pakhai.20Akung kowi Elisa dow kowng khai bowt, now aia kowi dupah khai.
Ning towng chungrau khin chur prakowi Moabuüa dow nauang krawi rup uanh kownkow Israel pren kowi uang kup reng chekhai.21Akat mih ning khe Israeluüa dow cham dup uak ne chowdiah. Nakhowk khe amatni dow uang krawi rup uanh mih maru-uüa kowi khi pathum khai. Naiawng rakowi amatni dow nami uak mih risi Elisa kowh tadupra kuam kowi iu kuakla dup khai. Now nami maru uak dow Elisa kowh hut hown kowtakak hown krowksang awr sing hanow awr iowng dang khai.22Israel pren kowi mang Jehoahaz chowm mang mowr dow Siria pren mang Hazael mih Israeluüa kowi changah anowng apowng khai.23Nachenganchepaw CHAKRAMANG dow Israeluüa kowi saksing sanaah hai sakrauah khai. Amatni kowi dow asaima aia piakah dowi chekhai. Aia dow Abraham, Isak hai Jakawb büah hown tatow sangbowk laitawm khai rakowi Israeluüa kowi khowngah reng khai. Amatni kowi dow kawmat mowr pat asaima aia piakah dowi, now aia pur hownia alakma kowi aia towah dowi chekhai.24Siria pren mang Hazael kowng kung kowi dow aia takcha kowi achapa Ben-Hadad ta chowm mang khai.25Jehoahaz kowh chapa Jehoas dow Hazael kowh chapa Ben-Hadad kowi senah sum kat kowi sum kat nowngta khai. Nahanow a-pa Jehoahaz chowm mang khe kowh Ben-Hadad powngta mih marow maten dow aia plan kata khai iawk.
Ning towng chungrau khin chur prakowi Moabuüa dow nauang krawi rup uanh kownkow Israel pren kowi uang kup reng chekhai.21Akat mih ning khe Israeluüa dow cham dup uak ne chowdiah. Nakhowk khe amatni dow uang krawi rup uanh mih maru-uüa kowi khi pathum khai. Naiawng rakowi amatni dow nami uak mih risi Elisa kowh tadupra kuam kowi iu kuakla dup khai. Now nami maru uak dow Elisa kowh hut hown kowtakak hown krowksang awr sing hanow awr iowng dang khai.22Israel pren kowi mang Jehoahaz chowm mang mowr dow Siria pren mang Hazael mih Israeluüa kowi changah anowng apowng khai.23Nachenganchepaw CHAKRAMANG dow Israeluüa kowi saksing sanaah hai sakrauah khai. Amatni kowi dow asaima aia piakah dowi chekhai. Aia dow Abraham, Isak hai Jakawb büah hown tatow sangbowk laitawm khai rakowi Israeluüa kowi khowngah reng khai. Amatni kowi dow kawmat mowr pat asaima aia piakah dowi, now aia pur hownia alakma kowi aia towah dowi chekhai.24Siria pren mang Hazael kowng kung kowi dow aia takcha kowi achapa Ben-Hadad ta chowm mang khai.25Jehoahaz kowh chapa Jehoas dow Hazael kowh chapa Ben-Hadad kowi senah sum kat kowi sum kat nowngta khai. Nahanow a-pa Jehoahaz chowm mang khe kowh Ben-Hadad powngta mih marow maten dow aia plan kata khai iawk.
The Seed Company