2 Krungchakuüa34
1Juda pren kowi Josia chowm mang mih dow raiat ning khe chekhai. Aia dow 31 ning mowr Jerusalem marow mih kruitownla khai.2Josia dow CHAKRAMANG mik kowi aiungma mih lup chang reng chekhai. Aia dow akeng mih tiama pra cham powt dowi kowi a-pu David chang iawng tawi chang reng chekhai.3Josia chowm mang mih raiat ning khe aia dow ning diachow taih tak chekhai. Nachenganchepaw aia dow a-pu David kowh Thurai kowi uown cham khai. Now aia chowm mang mih laipre ning khe dow Juda kowi kowh arah kroma mih kowi kowh chupiiara, Asera limpu, herah mih arup hai sawnah mih arup aren mih Jerusalem marow hownia aia krawi uown piak khai.4Aia dow Baal thurai kowh phuchuara ün piakta khai, now nami phuchuara ria kowi kowh towkla maikhük mih phuchuara paw piakta naknak khai. Nami klen kowi Asera limpu, hua hown kowh herah mih arup hai sawnah mih arup aren mih dinchow iawng adichow dita pe khai. Nami di dow naiawngün arup aren kowi chupiia reng miuüa kowh tadupra kowi krawi pruiah khai.5Now Baal thurai uamowuüa kowh hut dow phuchuara luk kowi tikah khai. Naiawng hai aia dow Jerusalem marow hai Juda marow kowi chimsaiah khai.6Aia dow Manase süng, Efraim süng hai Simiawn süng kowi kowh marow hai ariaret kowi kowh arah maten klen kowi alakma kowi kowh Naptali süng mowr mih arah maten paw aia krawi chimsaiah khai.7Aia dow naiawngün marow hai kua kowi kowh phuchuara maten, Asera limpu, hua kowi herah mih arup hai sawnah mih arup aren ün krawi piakta bowk khai. Nami klen kowi Israel pren kowi kowh maikhük towk müa phuchuara paw aia krawi tawpta pe nak khai. Nami kung kowi aia dow Jerusalem marow kowi uang plan khai.8Pren hai CHAKRAMANG kim chimsaita kung kowi aia chowm mang mih lairaiat ning khe Josia mih CHAKRAMANG aia kowh Thurai kim nakowraw kownkow kowchin maru khai. Aia kowchinah miuüa dow Azalia kowh chapa Safan, marow kruitown mih Maseia hai Jehoahaz kowh chapa mang kowh chownglawng lawnguan rui mih Joa büah chekhai.9Amatni dow uamow lang kri mih Hilkia tut-e kowkowi khai, now CHAKRAMANG kim kowi kowh maru kawmuüa uang pawla mih tangka pawisa maten uamow lang kri mih kowi peah büah khai. Naiawngün tangka pawisa dow Manase krungchakuüa, Efraim krungchakuüa, akeng mih Israeluüa, Juda krungchakuüa, Benjamin krungchakuüa maten hai Jerusalem marowchakuüa hownia kowh kimplawt chawng mih Leviuüa hawt pawah mih chekhai.10Nami kung kowi dow naiawngün tangka pawisa mih Thurai chup kim rawk miuüa luk kowi kowh mingkhet miuüa rut kowi peah khai. Now amatni dow naiawngün tangka pawisa mih Thurai chup kim rawk miuüa kowi pela sukkri kha khai.11Nami klen kowi amatni dow singh hown kowh lup chang miuüa hai akeng mih lup chang miuüa kowi ngala khai, now Juda manguüa piakta mih kim rawla kownkow klangiungma bawpah mih hua hai phen paw ranla büah khai.12Naiawngün kim chang sarauüa dow kaah sakowmma hown chang lup büah khai. Kim chang sarauüa luk kowi kowh mingkhet miuüa dow Levi chenchap Merari machak hownia kowh Jahat hai Obadia iüah, Kohat machak hownia kowh Zekaria hai Mesulam iüah chekhai. Now Levi chenchap hownia kowh tünteu tep kiakma miuüa dow13kurdik kur miuüa hai akeng mih lup chang miuüa luk kowi kowh mingkhet mih chekhai. Naiawngün Leviuüa pungmadawng kowi tawngbak mih dow cha rui mih ne, maru iuk ne, now kangchawng mih ne chekhai.14Now amatni dow CHAKRAMANG kim kowi kowh towah mih tangka pawisa mih uang lawtla büah khai. Nakhowk khe Uamow Hilkia dow Mosi kowi CHAKRAMANG peah mih rirow chabowih mih aia kata khai.15Now cha rui mih Safan kowi uamow Hilkia tek pe mih, “CHAKRAMANG kim kowi kowh rirow bowih dow ang ka khowk,” pakhai. Now nami charam tua dow Hilkia mih Safan kowi peah khai.16Nami kung kowi Safan dow nami charam tua mih mang tut-e uang pawla khai. Now aia tek pe mang mih, “En kowh maru iukuüa mih en pe changah mih lup maten ki changta bowk khowk.17Amatni dow Thurai chup kim kowi kowh tangka pawisa uang lawtla hanow lup chang miuüa hai mingkhet miuüa rut kowi apta khowk,” pakhai.18Nami kung kowi cha rui mih Safan tek pe mang mih, “Uamow Hilkia pe ang charam tua lowk,” pakhai. Now Safan dow nami charam tua kowi kowh arui uowi mih laiklow mang kowi phat pe khai.19Now mang dow nami rirow bowih kowi kowh arui uowi mih laiklow tata hanow aia khupah mih tawnguat thekta khai.20Now aia dow uamow Hilkia, Safan kowh chapa Ahikam, Mikaia kowh chapa Akbawr, Safan hai mang kowh maru iuk Asai büah kowi peah ana mih,21“Mami ka chamta mih bowih kowi kowh arui uowi mih lawnguan ang vüi hai makowi kowh Judauüa hai Israeluüa vüi CHAKRAMANG tut-e kowlünta büa diah. CHAKRAMANG dow a-i luk kowi kunmarau mih lün pluplup towbowt. Tawngplawng kowchow panow a-i kowh pipu-uüa mih mami bowih kowi kowh arui uowi iawng chün dowi chekhai, now nachünah kownkow mami bowih kowi kowh arui uowi iawng amatni dow chang büah dowi chekhai,” pakhai.22Now nami laiklow tata hanow uamow Hilkia, Ahikam, Akbawr, Safan hai Asai büah dow masiuüa risi Hulda kowi kowphowk pe khai. Hulda dow Thurai chup kim kowi kowh tawnguat mingkhet mih Salum kowh masi chekhai. Now Salum dow Tikva kowh chapa (Harhas kowh chu) chekhai. Hulda uowi mih dow Jerusalem marow lak kowi kowh arah sar kowi chekhai.23Amatni kowi Hulda tek pe mih, “Israeluüa kowh Thurai pe tek ang mih maiawng: Uang chin enni mih maru tut-e kowkowi hanow CHAKRAMANG kowh laiklow kowtek pe diah. CHAKRAMANG tek mih, ‘Mami bowih kowi kowh Juda pren mang phat mih kowi kowh arui uowi mih piati maten mami arah kowi hai aia maru-uüa luk kowi ang nauang pawla pe ripra kown.25Tawngplawng kowchow panow amatni dow ang kowi nuata ang hanow akeng mih thuraiuüa vüi cham towk maikhük büah khai, now amatni thawpah mih arup aren hown towk ang kunmarau büah khai. Naiawng rakowi mami arah kowi mih ang kowh kunmarau nalün pluplup kown, now nami dow naia mitah kown nadowi,’ pakhai.26CHAKRAMANG kowh naukrang natukla kownkow uang chin enni mih Juda pren mang kowi kowtek pe büa diah. CHAKRAMANG Israeluüa kowh Thurai tek mih, ‘Mami arah hai aia maru luk kowi kowh piati hai piakra nauang ting kown mih laiklow en ta hanow en kowh sak mih rau khai, now ang CHAKRAMANG pur kowi dow en uang khamsum khai. En matia khupah mih tawnguat dow en thekah khai, now ang pur kowi en uang kar khai. Naiawng rakowi en kowh prasi lük klow dow ang hawt sünta en khowk.28Naiawng rakowi kowng hanow en kowi dow en pipu-uüa tut-e alenma ang napawla en kown, now thaulangma en naka tadupra kown. Mami marow hai marowchakuüa luk kowi phih akraingma ang nauang pawla kown mih dow en natawi khi kown nadowi bowt,’ pakhai,” pape khai.
Naiawng rakowi amatni dow kowmang hanow masiuüa risi Hulda krawi tek pe mih naiawngün laiklow mang kowi kowtek pe büah khai.29Akung kowi mang Josia dow kowchin maru hanow Juda pren hai Jerusalem marow kowi kowh lawngtang aluchowuüa maten kowi uang hawla khai, now amatni kowi dow arasang aia kuaah lawmah khai.30Now aia dow Juda pren hai Jerusalem marow kowi kowh aiuk asowm uowi mih maten kowi pawla now CHAKRAMANG kim kowi kowkup khai. Amatni pungmadawng kowi dow uamowuüa hai risiuüa paw tawi uowi chekhai. Now CHAKRAMANG kim kowi kaah mih chabowih kowi kowh laiklow maten amatni kowi aia phat pe khai.31Nami kung kowi mang Josia dow kimchüng ria kowi iowng se nami bowih kowi kowh arui uowi mih sangbowk laitawm maten nachün kownkow CHAKRAMANG pur kowi maiawng takham khai, “CHAKRAMANG tiama kowi ang namang kown, ang kowh sak maiow hown aia kowh ana pek hai ari aiang ang nachün kown,” pakhai. Nakhowk khe maru maten mih naiawng mang hown tawi takham khai.32Nami kung kowi aia dow Jerusalem marowchakuüa hai Benjamin krungchakuüa uang takua talawm miuüa kowi Thurai kowh rirow nachün kownkow pe takhamah khai. Now Jerusalem marowchakuüa dow amatni pipu-uüa kowh Thurai sangbowk laitawm mih uown chün büah khai.33Josia dow Israeluüa krawi powngah mih pren maten kowi kowh suiiai kaniaima mih arup aren krawi piakta bowk khai, now Israeluüa maten kowi CHAKRAMANG amatni kowh Thurai kowi kür hown pe chupiiaah khai. Naiawng hown Josia sing uowi sak uowi mowr dow maru kawmuüa mih CHAKRAMANG amatni pipu-uüa kowh Thurai tiama kowi mang büah reng chekhai.
Naiawng rakowi amatni dow kowmang hanow masiuüa risi Hulda krawi tek pe mih naiawngün laiklow mang kowi kowtek pe büah khai.29Akung kowi mang Josia dow kowchin maru hanow Juda pren hai Jerusalem marow kowi kowh lawngtang aluchowuüa maten kowi uang hawla khai, now amatni kowi dow arasang aia kuaah lawmah khai.30Now aia dow Juda pren hai Jerusalem marow kowi kowh aiuk asowm uowi mih maten kowi pawla now CHAKRAMANG kim kowi kowkup khai. Amatni pungmadawng kowi dow uamowuüa hai risiuüa paw tawi uowi chekhai. Now CHAKRAMANG kim kowi kaah mih chabowih kowi kowh laiklow maten amatni kowi aia phat pe khai.31Nami kung kowi mang Josia dow kimchüng ria kowi iowng se nami bowih kowi kowh arui uowi mih sangbowk laitawm maten nachün kownkow CHAKRAMANG pur kowi maiawng takham khai, “CHAKRAMANG tiama kowi ang namang kown, ang kowh sak maiow hown aia kowh ana pek hai ari aiang ang nachün kown,” pakhai. Nakhowk khe maru maten mih naiawng mang hown tawi takham khai.32Nami kung kowi aia dow Jerusalem marowchakuüa hai Benjamin krungchakuüa uang takua talawm miuüa kowi Thurai kowh rirow nachün kownkow pe takhamah khai. Now Jerusalem marowchakuüa dow amatni pipu-uüa kowh Thurai sangbowk laitawm mih uown chün büah khai.33Josia dow Israeluüa krawi powngah mih pren maten kowi kowh suiiai kaniaima mih arup aren krawi piakta bowk khai, now Israeluüa maten kowi CHAKRAMANG amatni kowh Thurai kowi kür hown pe chupiiaah khai. Naiawng hown Josia sing uowi sak uowi mowr dow maru kawmuüa mih CHAKRAMANG amatni pipu-uüa kowh Thurai tiama kowi mang büah reng chekhai.
The Seed Company