2 Krungchakuüa23
1Athalia chowm mang mih ranit ning khe uamow Jehoiada dow pachap dowi now pachap nachang kown mih sangkrang khai bowt. Aia dow 100 ia luk kowi kowh siphai aluchowuüa tanga ia hown tatow sangbowk laitawm khai. Naiawngün siphai aluchowuüa dow Jeroham chapa Azaria, Jehohanan chapa Ismael, Obed chapa Azaria, Adaia chapa Maseia hai Zikri chapa Elisafat büah chekhai.2Naiawngün aluchow tanga ia mih dow Juda pren kowi kowkowi hanow marow maten kowi kowh Leviuüa hai Israel krungchak aluchowuüa kowi arasang kuaah lawmah khai. Now naiawngünuüa hown Jerusalem marow kowi uang plan büah khai.3Now amatni bowkbowk dow Thurai kim kowi kowkowi hanow mang Joas hown tatow sangbowk laitawm büah khai.
Nakhowk khe amatni kowi Jehoiada tek pe mih, “Mow, mang kowh chapa! David krungchakuüa lawnguan kowi kowh CHAKRAMANG khamta iawng aia mih nachowm mang kown.4Enni mih maiawng nachang kown: Tanai Ni khe Thurai chup kim kowi nachang lup kown mih uamowuüa hai Leviuüa maten kowi nachangah sum thum kown. Pathum mih dow Thurai chup kim kowi kowh kimplawt nachawng kown,5alowk mih thum dow mang kim nachawng kown, now alowk mih thum dow CHAKRAMANG kim hai mang kim takra kowi kowh tapplawt nachawng kown. Now akeng miuüa dow CHAKRAMANG kim re-e kowh viadawng kowi nauowi kown.6Uamowuüa hai lup uowi mih Leviuüa klen kowi miapaw CHAKRAMANG kim kowi naia kup kown nadowi. Amatni kowi Thurai vüi lang krata khai bowt rakowi amatni nowng kup mih chowtaih. Tawkche akeng mih maru-uüa dow CHAKRAMANG ana pek iawng prang kowi nauowi kown.7Enni Leviuüa dow chowlowkkow tasen müa rutchün khawkleng dowkma hown mang tavir lut nakrawi uowi kown. Now lowra kowi aia cham kowi chepaw aia re-e enni natawi takhep kown. Thurai kim kowi uang kup kown kamrüt mih maru kowi dow enni nakowngta kown,” pakhai.8Naiawng rakowi Leviuüa hai Judauüa maten dow uamow Jehoiada tek pe iawng chang büah khai. Amatni dow Tanai Ni kowi uang chang lup miuüa hai ki changla lup kowh plan miuüa kowi pawla now Jehoiada tut-e uang büah khai. Uamow Jehoiada dow amia kowi paw pe tanaiah dowi chekhai.9Nakhowk khe Jehoiada dow Thurai kim kowi kowh uowi mih mang David kowh reh hai aiukma mih hown asowmchow mih kawngma ün siphai aluchowuüa kowi ap pe khai.10Now kangchawng miuüa dow saidawng dowkma hown mang kowi nahawt towkala kownkow CHAKRAMANG kim pur kowi mami tap bang hownia paimi tap bang mowr atanma iowng büah khai.11Nami kung kowi dow Jehoiada hai aia kowh chapauüa mih mang kowh chapa Joas kowi uang lawtla khai bowt. Now aia kowi dow kruk pe mang lukruk hanow pren kruitown müa rirow bowih ap pe khai. Now Jehoiada dow aia kowi nümnapah khai. Nakhowk khe maru kawmuüa dow atünma tek büah mih, “Mang dow chowngdawng sakklangma pacham sing reng lah,” pabüah khai.12Maru kawmuüa iowmla prawn mih klow hai atünma mang kowi kiowah mih klow tata hanow masiuüa mang Athalia dow CHAKRAMANG kim kowi maru kawmuüa tut-e kowkowi khai.13Nahanow CHAKRAMANG kim kowi kowh tapplawt kowi kimchüng re-e mang sar Joas iowng mih aia kowkhi khai. Joas kowi dow siphai aluchowuüa hai baw tum miuüa umta lut khai. Pren kowi kowh maru maten dow piaw se how sawmlawm khai, now tum baw büah khai. Now meng sarauüa mih amatni kowh tünteu chang müa hown naiawngün maru-uüa kruitownah khai. Naiawngün maten khita hanow Athalia dow sak piak kowh aia kowh tawnguat thekah khai, now atünma tek mih, “Enni kuan ang khai! Enni kuan ang khai!” pakhai.14Nakhowk khe siphai aluchowuüa kowi uamow Jehoiada peah ana mih, “Athalia kowi siphaiuüa takra iawng cham pawla diah. Aia kowi uang lawngah kownkow uang kawikrawi mih maru kowi enni nakowngta kown,” pakhai. Tawngplawng kowchow panow CHAKRAMANG kim kowi Athalia kowi nakowngta dowi kown mih Jehoiada rik lawtta ana khai bowt.15Naiawng rakowi Athalia kowi dow khümla büah khai. Now aia kowi dow mang kim kowi kowkowi khe kowh kawrnga kupra tapplawt kowi saiah büah khai.16Now uamow Jehoiada dow aiamat hailawm mang hai maru maten hown tatow sangbowk laitawm khai. Amatni dow CHAKRAMANG kowh maru nachowng kownkow takham büah khai.17Nami kung kowi dow maru-uüa maten mih Baal thurai kim kowi kowkowi hanow kowpiakta kim khai. Amatni dow nakowi kowh phuchuara hai arup ün bawpta pe naknak khai, now Baal thuraiuüa kowh uamow Mattan kowi paw phuchuara re-e saita büah khai.18Nami kung kowi dow David kowh ana pek iawng uamow Jehoiada mih CHAKRAMANG kim naming nakhet kown mih kurdik uamowuüa hai akeng mih Leviuüa kowi peah khai. Amatni dow David ana pek iawng apiawma tek meng se Mosi rirow kowi uowi iawng CHAKRAMANG vüi tikah mih uanap pawi chang büah khai.19CHAKRAMANG kim kowi asürlawkma mih maru uang nowng kupla dowi kownkow Jehoiada dow CHAKRAMANG kimplawt kowi kangchawng miuüa kowi tow pe khai.20Nami kung kowi aia dow siphai aluchowuüa, ringkawra uowima miuüa, pren kruitown miuüa hai pren kowi kowh maru maten kowi pawla hanow CHAKRAMANG kim hownia mang kowi uang lawtla khai. Now amatni dow aluk tapplawt iawng mang kim kowi kowkowi büah khai, now mang kowi dow mang chowm rah kowi pe chowmah khai.21Athalia kowi saita kung kowi prenchak maru kawmuüa dow piaw büah khai, now pren paw thaulang khai bowt.
Nakhowk khe amatni kowi Jehoiada tek pe mih, “Mow, mang kowh chapa! David krungchakuüa lawnguan kowi kowh CHAKRAMANG khamta iawng aia mih nachowm mang kown.4Enni mih maiawng nachang kown: Tanai Ni khe Thurai chup kim kowi nachang lup kown mih uamowuüa hai Leviuüa maten kowi nachangah sum thum kown. Pathum mih dow Thurai chup kim kowi kowh kimplawt nachawng kown,5alowk mih thum dow mang kim nachawng kown, now alowk mih thum dow CHAKRAMANG kim hai mang kim takra kowi kowh tapplawt nachawng kown. Now akeng miuüa dow CHAKRAMANG kim re-e kowh viadawng kowi nauowi kown.6Uamowuüa hai lup uowi mih Leviuüa klen kowi miapaw CHAKRAMANG kim kowi naia kup kown nadowi. Amatni kowi Thurai vüi lang krata khai bowt rakowi amatni nowng kup mih chowtaih. Tawkche akeng mih maru-uüa dow CHAKRAMANG ana pek iawng prang kowi nauowi kown.7Enni Leviuüa dow chowlowkkow tasen müa rutchün khawkleng dowkma hown mang tavir lut nakrawi uowi kown. Now lowra kowi aia cham kowi chepaw aia re-e enni natawi takhep kown. Thurai kim kowi uang kup kown kamrüt mih maru kowi dow enni nakowngta kown,” pakhai.8Naiawng rakowi Leviuüa hai Judauüa maten dow uamow Jehoiada tek pe iawng chang büah khai. Amatni dow Tanai Ni kowi uang chang lup miuüa hai ki changla lup kowh plan miuüa kowi pawla now Jehoiada tut-e uang büah khai. Uamow Jehoiada dow amia kowi paw pe tanaiah dowi chekhai.9Nakhowk khe Jehoiada dow Thurai kim kowi kowh uowi mih mang David kowh reh hai aiukma mih hown asowmchow mih kawngma ün siphai aluchowuüa kowi ap pe khai.10Now kangchawng miuüa dow saidawng dowkma hown mang kowi nahawt towkala kownkow CHAKRAMANG kim pur kowi mami tap bang hownia paimi tap bang mowr atanma iowng büah khai.11Nami kung kowi dow Jehoiada hai aia kowh chapauüa mih mang kowh chapa Joas kowi uang lawtla khai bowt. Now aia kowi dow kruk pe mang lukruk hanow pren kruitown müa rirow bowih ap pe khai. Now Jehoiada dow aia kowi nümnapah khai. Nakhowk khe maru kawmuüa dow atünma tek büah mih, “Mang dow chowngdawng sakklangma pacham sing reng lah,” pabüah khai.12Maru kawmuüa iowmla prawn mih klow hai atünma mang kowi kiowah mih klow tata hanow masiuüa mang Athalia dow CHAKRAMANG kim kowi maru kawmuüa tut-e kowkowi khai.13Nahanow CHAKRAMANG kim kowi kowh tapplawt kowi kimchüng re-e mang sar Joas iowng mih aia kowkhi khai. Joas kowi dow siphai aluchowuüa hai baw tum miuüa umta lut khai. Pren kowi kowh maru maten dow piaw se how sawmlawm khai, now tum baw büah khai. Now meng sarauüa mih amatni kowh tünteu chang müa hown naiawngün maru-uüa kruitownah khai. Naiawngün maten khita hanow Athalia dow sak piak kowh aia kowh tawnguat thekah khai, now atünma tek mih, “Enni kuan ang khai! Enni kuan ang khai!” pakhai.14Nakhowk khe siphai aluchowuüa kowi uamow Jehoiada peah ana mih, “Athalia kowi siphaiuüa takra iawng cham pawla diah. Aia kowi uang lawngah kownkow uang kawikrawi mih maru kowi enni nakowngta kown,” pakhai. Tawngplawng kowchow panow CHAKRAMANG kim kowi Athalia kowi nakowngta dowi kown mih Jehoiada rik lawtta ana khai bowt.15Naiawng rakowi Athalia kowi dow khümla büah khai. Now aia kowi dow mang kim kowi kowkowi khe kowh kawrnga kupra tapplawt kowi saiah büah khai.16Now uamow Jehoiada dow aiamat hailawm mang hai maru maten hown tatow sangbowk laitawm khai. Amatni dow CHAKRAMANG kowh maru nachowng kownkow takham büah khai.17Nami kung kowi dow maru-uüa maten mih Baal thurai kim kowi kowkowi hanow kowpiakta kim khai. Amatni dow nakowi kowh phuchuara hai arup ün bawpta pe naknak khai, now Baal thuraiuüa kowh uamow Mattan kowi paw phuchuara re-e saita büah khai.18Nami kung kowi dow David kowh ana pek iawng uamow Jehoiada mih CHAKRAMANG kim naming nakhet kown mih kurdik uamowuüa hai akeng mih Leviuüa kowi peah khai. Amatni dow David ana pek iawng apiawma tek meng se Mosi rirow kowi uowi iawng CHAKRAMANG vüi tikah mih uanap pawi chang büah khai.19CHAKRAMANG kim kowi asürlawkma mih maru uang nowng kupla dowi kownkow Jehoiada dow CHAKRAMANG kimplawt kowi kangchawng miuüa kowi tow pe khai.20Nami kung kowi aia dow siphai aluchowuüa, ringkawra uowima miuüa, pren kruitown miuüa hai pren kowi kowh maru maten kowi pawla hanow CHAKRAMANG kim hownia mang kowi uang lawtla khai. Now amatni dow aluk tapplawt iawng mang kim kowi kowkowi büah khai, now mang kowi dow mang chowm rah kowi pe chowmah khai.21Athalia kowi saita kung kowi prenchak maru kawmuüa dow piaw büah khai, now pren paw thaulang khai bowt.
The Seed Company