2 Krungchakuüa18
1Juda pren mang Jehosafat dow lainowmma kureng khai, now lainowmma ka ringkawra khai. Aia kimchak dow Israel pren mang Ahab kimchak hown tachawng hanow tatow sangbowk laitawm khai.2Now pre sum ning kung kowi dow Ahab hown kowtakrum kownkow Samari marow kowi Jehosafat kowkowi khai. Nakhowk khe Ahab dow Jehosafat hai aia hown kowh uang tawi miuüa vüi ruapur hai chia ün ahuma hawt ngen pe khai. Now Ahab dow aia kowsen Ramawt-Gilead süng kown mih kowi natawi khowngah kownkow Jehosafat kowi hawt chiaah khai. Aia tek pe Jehosafat mih, “Ramawt-Gilead marow kowi kowsen kown mih ang hown en tawi tak ü?” pakhai.
Nakhowk khe Jehosafat klangah mih, “Tawng tawi dowi chow? Ang hai en, now ang kowh maru-uüa hai en kowh maru-uüa dow katsang towbowt.4Nachenganchepaw CHAKRAMANG tut-e rik paw prengia diah sik,” pape khai.5Naiawng rakowi Ahab mih risi maten kowi kuaah lawmah khai. Nakhowk khe risiuüa uang takua talawm mih dow maru iun 400 ia chekhai. Now naiawngün risiuüa kowi Ahab lüntaah mih, “Ramawt-Gileaduüa kowi anging kowsen kown bow, kowsen dowi bow?” pakhai.
Nakhowk khe risiuüa klangah mih, “Kowsen bowt. Tawngplawng kowchow panow nami süng dow en rut kowi CHAKRAMANG naap en kown towbowt,” pape khai.6Nachenganchepaw Jehosafat tek pe mih, “Nami lawnguan CHAKRAMANG tut-e naia lüntaah kownkow mami re-e CHAKRAMANG kowh risi uowi dowi bowt bow?” pakhai.7Nakhowk khe Jehosafat kowi Ahab klangah mih, “CHAKRAMANG tut-e naia lüntala kownkow risi uowi lowk ia tak. Tawkchedow nami risi kowi ang sui chekhai. Tawngplawng kowchow panow nami risi mih ang nangala kown mih lawnguan kangowh tek; katpaw ang iung müa laiklow tek dowi. Aia ming dow Mikha, now a-pa ming dow Imla chekhai,” pape khai.
Nakhowk khe Jehosafat tek pe mih, “Mangkri, naiawng mih laiklow hang tek snow,” pape khai.8Nakhowk khe aia kowh maru iuk lowk ia kowi hawah now Ahab tek pe mih, “Kawmat alenma Imla kowh chapa risi Mikha kowi kowhaw madiah,” pakhai.9Now Israel pren mang Ahab hai Juda pren mang Jehosafat iüah mih khupla mang tawnguat now Samari marow tapplawt re-e kowh püm thuara kowi kowh mang chowm rah kowi chowm iüah khai, now risiuüa dow amatchi pur kowi pur pra kowh naphaw kown mih laiklow tekla prung khai.10Nakhowk khe Kenana kowh chapa Zedekia mih lawngha hown thawp nang lowk hanow tek mih, “CHAKRAMANG tek Siriauüa chum bowk dowi mowr maiawngün lawngha nang hown en nakrawi tingah rengreng kown pe,” pakhai.11Nakhowk khe akeng mih risiuüa paw nami laiklow powm iawng tawi tek khai. Naiawngün risiuüa tek mih, “Ramawt-Gilead marow kowi kowsenah bowt, en awng kown taih. Tawngplawng kowchow panow nami marow dow CHAKRAMANG mih naap en kown taih,” pakhai.12Now Mikha kowi kowhaw mih maru tek pe Mikha mih, “Sünta, akeng mih risiuüa dow mangkri iung müa lawnguan kowi tek bowk chekhai. Naiawng rakowi en paw kowbüah iawng natawi tek kown takla; mangkri iung müa lawnguan chowtaih en natawi tek kown,” pakhai.13Nachenganchepaw Mikha tek pe mih, “Masing CHAKRAMANG ming hown takham se ang tek khowk. Ang kowh Thurai tek mih chowtaih ang natek kown,” pape khai.14Now Mikha uang ting khe mang Ahab hawt lüntaah mih, “Mikha, tek ang madiah. Ramawt-Gilead marow kowi ang kowsen kown bow, kowsen dowi bow?” pakhai.
Nakhowk khe Mikha klangah mih, “Ow, kowsen bowt, kowsen bowt, en awng kown taih. Tawngplawng kowchow panow nami marow dow en rut kowi CHAKRAMANG apta khowk chekhai,” pape khai.15Nakhowk khe Ahab tek pe mih, “CHAKRAMANG ming hown takham se lainowm chowtaih en natek kown pami mün kat tak chow ang natek en kown?” pakhai.16Mikha klangah mih, “Mukmang kowi ang khi mih, Israel siphaiuüa dow athing mih uowi dowi mih ruapur hawmh iawng hungh kowi cham tauet plawt khai. Naiawng rakowi CHAKRAMANG tek mih, ‘Naiawngün siphaiuüa kowh aluchow uowi dowi chekhai. Naiawng rakowi amatni mih chowlowkkow kim kowi pacham mang lah,’ pakhai,” pape khai.17Nakhowk khe Jehosafat kowi Ahab tek pe mih, “Khi bow kow! Nami risi dow ang nangala kown mih laiklow klen kowi tawngpaw tek dowi pami ang tek en khowk nadowi bow kow?” pakhai.18Now Mikha plan tek iawk mih, “Naiawng chekhai hanow CHAKRAMANG laiklow sünta diah. Mukmang kowi ang khi mih, aia kowh mang chowm rah kowi CHAKRAMANG chowm phülü khai, now aia hawmlawm hai lakuai pra dow kramamu-uüa maten iowngla rim khai.19Nakhowk khe CHAKRAMANG tek mih, ‘Ahab kowi kuanla now Ramawt-Gilead marow kowi nakowngta kownkow amia chow nakowkuanah kown?’ pakhai. Nakhowk khe kramamu-uüa mih lowk ia e achap chi CHAKRAMANG kowi tek pe khai.20Nachenganchepaw achur kowi lümla lowk mih CHAKRAMANG pur kowi uangah now tek pe mih, ‘Ang kowkuanah now ang kowpawla sow,’ pakhai.
“Nakhowk khe CHAKRAMANG lüntaah mih, ‘Tawng iawng chow en nachangah kown?’ pakhai.21“Nami lümla klangah mih, ‘Ang kowkowiah now aia kowh risiuüa tut-e nadaila kown mih lümla ang nakowchowng pe kown,’ pape khai.
“Now CHAKRAMANG tek pe mih, ‘En naia nowm kown, kowkowi now kowkuanah dit,’ pape khai.22“Naiawng rakowi CHAKRAMANG mih kawmat en kowh naiawngün risiuüa nawr kowi natek dai lai kown mih lümla peah mih chekhai. En napiak kownkow CHAKRAMANG phuangta khai bowt,” pape khai.23Nakhowk khe Kenana kowh chapa Zedekia mih Mikha kowi phekah pawp now tek pe mih, “En hown nauang taklang kownkow ang hownia CHAKRAMANG kowh Lümla powt mih tawng khe chowbowt chow?” pakhai.24Now Mikha klangah mih, “Natapet kownkow kim lak kowi en cham kup mih khin khe nami dow en natuk kown taih,” pape khai.25Nakhowk khe aia kowh maru iukuüa kowi mang Ahab peah ana mih, “Marow kowi kowh kruitown mih Amawn hai mang chapa Joas tut-e Mikha kowi kowsaah dit.26Now enni natek pe kown mih, ‘Mangkri tek mami maru kowi thawng kowi towah dit pe, now tasenra hownia klangiungma mangkri uang plan dowi mowr mami maru kowi kawm hai tui ditchowchi klen kowi tawngpaw hangkow peah pe,’ pape diah,” pakhai.27Nakhowk khe mang Ahab kowi Mikha tek pe mih, “En che klangiungma uang ia plan khai hanow ang hownia CHAKRAMANG tek lai dowi pami tukah diah,” pape khai. Nami klen kowi maru kawmuüa kowi Mikha plan tek pe mih, “Enni bowkbowk ang kowh laiklow matah büa diah,” pakhai.28Nami kung kowi dow Israel pren mang hai Juda pren mang mih Ramawt-Gilead marow kowi kowsenah kownkow tarü khai bowt.29Nakhowk khe Jehosafat kowi Ahab tek pe mih, “Maru natuk matla ang dowi kownkow tasenra kowi iawngpa mih tawnguat khupma ang natawi kown. Nachenganchepaw en dow mang tawnguat khupla diah,” pakhai. Now Israel mang dow iawngpa mih tawnguat khupma tasenra kowi tawi tarü khai.30Now kawrnga kari kowi kowh chowm mih aia kowh siphai aluchowuüa kowi Siriauüa kowh mang peah ana mih, “Israel mang hown klen kowi aiuk asowm mia hown paw enni naia tasen kown nadowi,” pakhai.31Now tasen thüm khe Jehosafat kowi Siriauüa kowh siphai aluchowuüa khita kowh Israel mang chowbowt padow ka tuak büah khai. Naiawng rakowi amatni dow Jehosafat kowi nakowsenah kownkow kowtarü khai. Nakhowk khe Jehosafat dow atünma hawt tüng klow khai. Nahanow aia kowi dow CHAKRAMANG lawngah khai; aia dow siphai aluchowuüa kowi akeng prakowi henta pe khai.32Siriauüa kowh siphai aluchowuüa dow Israel mang nadowi pami tukta khai. Naiawng rakowi amatni dow Jehosafat kowi krawi senah dowi bowt chekhai.33Nachenganchepaw Siriauüa kowh siphai lowk ia dow tawngah kaneu dowi kowi aia kowh leba vüiah now plawtta suat khai. Now nami leba sek dow Ahab sakmowr dakchow kowi kowtatawng khai. Nakhowk khe aia kowh kawrnga kari te mih kowi Ahab tek pe mih, “Ang ka arau khai bowt. Naiawng rakowi kawrnga kari planah now tasenra hownia powtla ang bowt,” pape khai.34Naiawng hown Siriauüa hai Israeluüa dow ni chut tasen khai. Now mang Ahab kowi dow Siriauüa hown tatang klowk kawrnga kari kowi chowmta hüah khai. Now iak prakowi mang Ahab dow kowng khai bowt.
Nakhowk khe Jehosafat klangah mih, “Tawng tawi dowi chow? Ang hai en, now ang kowh maru-uüa hai en kowh maru-uüa dow katsang towbowt.4Nachenganchepaw CHAKRAMANG tut-e rik paw prengia diah sik,” pape khai.5Naiawng rakowi Ahab mih risi maten kowi kuaah lawmah khai. Nakhowk khe risiuüa uang takua talawm mih dow maru iun 400 ia chekhai. Now naiawngün risiuüa kowi Ahab lüntaah mih, “Ramawt-Gileaduüa kowi anging kowsen kown bow, kowsen dowi bow?” pakhai.
Nakhowk khe risiuüa klangah mih, “Kowsen bowt. Tawngplawng kowchow panow nami süng dow en rut kowi CHAKRAMANG naap en kown towbowt,” pape khai.6Nachenganchepaw Jehosafat tek pe mih, “Nami lawnguan CHAKRAMANG tut-e naia lüntaah kownkow mami re-e CHAKRAMANG kowh risi uowi dowi bowt bow?” pakhai.7Nakhowk khe Jehosafat kowi Ahab klangah mih, “CHAKRAMANG tut-e naia lüntala kownkow risi uowi lowk ia tak. Tawkchedow nami risi kowi ang sui chekhai. Tawngplawng kowchow panow nami risi mih ang nangala kown mih lawnguan kangowh tek; katpaw ang iung müa laiklow tek dowi. Aia ming dow Mikha, now a-pa ming dow Imla chekhai,” pape khai.
Nakhowk khe Jehosafat tek pe mih, “Mangkri, naiawng mih laiklow hang tek snow,” pape khai.8Nakhowk khe aia kowh maru iuk lowk ia kowi hawah now Ahab tek pe mih, “Kawmat alenma Imla kowh chapa risi Mikha kowi kowhaw madiah,” pakhai.9Now Israel pren mang Ahab hai Juda pren mang Jehosafat iüah mih khupla mang tawnguat now Samari marow tapplawt re-e kowh püm thuara kowi kowh mang chowm rah kowi chowm iüah khai, now risiuüa dow amatchi pur kowi pur pra kowh naphaw kown mih laiklow tekla prung khai.10Nakhowk khe Kenana kowh chapa Zedekia mih lawngha hown thawp nang lowk hanow tek mih, “CHAKRAMANG tek Siriauüa chum bowk dowi mowr maiawngün lawngha nang hown en nakrawi tingah rengreng kown pe,” pakhai.11Nakhowk khe akeng mih risiuüa paw nami laiklow powm iawng tawi tek khai. Naiawngün risiuüa tek mih, “Ramawt-Gilead marow kowi kowsenah bowt, en awng kown taih. Tawngplawng kowchow panow nami marow dow CHAKRAMANG mih naap en kown taih,” pakhai.12Now Mikha kowi kowhaw mih maru tek pe Mikha mih, “Sünta, akeng mih risiuüa dow mangkri iung müa lawnguan kowi tek bowk chekhai. Naiawng rakowi en paw kowbüah iawng natawi tek kown takla; mangkri iung müa lawnguan chowtaih en natawi tek kown,” pakhai.13Nachenganchepaw Mikha tek pe mih, “Masing CHAKRAMANG ming hown takham se ang tek khowk. Ang kowh Thurai tek mih chowtaih ang natek kown,” pape khai.14Now Mikha uang ting khe mang Ahab hawt lüntaah mih, “Mikha, tek ang madiah. Ramawt-Gilead marow kowi ang kowsen kown bow, kowsen dowi bow?” pakhai.
Nakhowk khe Mikha klangah mih, “Ow, kowsen bowt, kowsen bowt, en awng kown taih. Tawngplawng kowchow panow nami marow dow en rut kowi CHAKRAMANG apta khowk chekhai,” pape khai.15Nakhowk khe Ahab tek pe mih, “CHAKRAMANG ming hown takham se lainowm chowtaih en natek kown pami mün kat tak chow ang natek en kown?” pakhai.16Mikha klangah mih, “Mukmang kowi ang khi mih, Israel siphaiuüa dow athing mih uowi dowi mih ruapur hawmh iawng hungh kowi cham tauet plawt khai. Naiawng rakowi CHAKRAMANG tek mih, ‘Naiawngün siphaiuüa kowh aluchow uowi dowi chekhai. Naiawng rakowi amatni mih chowlowkkow kim kowi pacham mang lah,’ pakhai,” pape khai.17Nakhowk khe Jehosafat kowi Ahab tek pe mih, “Khi bow kow! Nami risi dow ang nangala kown mih laiklow klen kowi tawngpaw tek dowi pami ang tek en khowk nadowi bow kow?” pakhai.18Now Mikha plan tek iawk mih, “Naiawng chekhai hanow CHAKRAMANG laiklow sünta diah. Mukmang kowi ang khi mih, aia kowh mang chowm rah kowi CHAKRAMANG chowm phülü khai, now aia hawmlawm hai lakuai pra dow kramamu-uüa maten iowngla rim khai.19Nakhowk khe CHAKRAMANG tek mih, ‘Ahab kowi kuanla now Ramawt-Gilead marow kowi nakowngta kownkow amia chow nakowkuanah kown?’ pakhai. Nakhowk khe kramamu-uüa mih lowk ia e achap chi CHAKRAMANG kowi tek pe khai.20Nachenganchepaw achur kowi lümla lowk mih CHAKRAMANG pur kowi uangah now tek pe mih, ‘Ang kowkuanah now ang kowpawla sow,’ pakhai.
“Nakhowk khe CHAKRAMANG lüntaah mih, ‘Tawng iawng chow en nachangah kown?’ pakhai.21“Nami lümla klangah mih, ‘Ang kowkowiah now aia kowh risiuüa tut-e nadaila kown mih lümla ang nakowchowng pe kown,’ pape khai.
“Now CHAKRAMANG tek pe mih, ‘En naia nowm kown, kowkowi now kowkuanah dit,’ pape khai.22“Naiawng rakowi CHAKRAMANG mih kawmat en kowh naiawngün risiuüa nawr kowi natek dai lai kown mih lümla peah mih chekhai. En napiak kownkow CHAKRAMANG phuangta khai bowt,” pape khai.23Nakhowk khe Kenana kowh chapa Zedekia mih Mikha kowi phekah pawp now tek pe mih, “En hown nauang taklang kownkow ang hownia CHAKRAMANG kowh Lümla powt mih tawng khe chowbowt chow?” pakhai.24Now Mikha klangah mih, “Natapet kownkow kim lak kowi en cham kup mih khin khe nami dow en natuk kown taih,” pape khai.25Nakhowk khe aia kowh maru iukuüa kowi mang Ahab peah ana mih, “Marow kowi kowh kruitown mih Amawn hai mang chapa Joas tut-e Mikha kowi kowsaah dit.26Now enni natek pe kown mih, ‘Mangkri tek mami maru kowi thawng kowi towah dit pe, now tasenra hownia klangiungma mangkri uang plan dowi mowr mami maru kowi kawm hai tui ditchowchi klen kowi tawngpaw hangkow peah pe,’ pape diah,” pakhai.27Nakhowk khe mang Ahab kowi Mikha tek pe mih, “En che klangiungma uang ia plan khai hanow ang hownia CHAKRAMANG tek lai dowi pami tukah diah,” pape khai. Nami klen kowi maru kawmuüa kowi Mikha plan tek pe mih, “Enni bowkbowk ang kowh laiklow matah büa diah,” pakhai.28Nami kung kowi dow Israel pren mang hai Juda pren mang mih Ramawt-Gilead marow kowi kowsenah kownkow tarü khai bowt.29Nakhowk khe Jehosafat kowi Ahab tek pe mih, “Maru natuk matla ang dowi kownkow tasenra kowi iawngpa mih tawnguat khupma ang natawi kown. Nachenganchepaw en dow mang tawnguat khupla diah,” pakhai. Now Israel mang dow iawngpa mih tawnguat khupma tasenra kowi tawi tarü khai.30Now kawrnga kari kowi kowh chowm mih aia kowh siphai aluchowuüa kowi Siriauüa kowh mang peah ana mih, “Israel mang hown klen kowi aiuk asowm mia hown paw enni naia tasen kown nadowi,” pakhai.31Now tasen thüm khe Jehosafat kowi Siriauüa kowh siphai aluchowuüa khita kowh Israel mang chowbowt padow ka tuak büah khai. Naiawng rakowi amatni dow Jehosafat kowi nakowsenah kownkow kowtarü khai. Nakhowk khe Jehosafat dow atünma hawt tüng klow khai. Nahanow aia kowi dow CHAKRAMANG lawngah khai; aia dow siphai aluchowuüa kowi akeng prakowi henta pe khai.32Siriauüa kowh siphai aluchowuüa dow Israel mang nadowi pami tukta khai. Naiawng rakowi amatni dow Jehosafat kowi krawi senah dowi bowt chekhai.33Nachenganchepaw Siriauüa kowh siphai lowk ia dow tawngah kaneu dowi kowi aia kowh leba vüiah now plawtta suat khai. Now nami leba sek dow Ahab sakmowr dakchow kowi kowtatawng khai. Nakhowk khe aia kowh kawrnga kari te mih kowi Ahab tek pe mih, “Ang ka arau khai bowt. Naiawng rakowi kawrnga kari planah now tasenra hownia powtla ang bowt,” pape khai.34Naiawng hown Siriauüa hai Israeluüa dow ni chut tasen khai. Now mang Ahab kowi dow Siriauüa hown tatang klowk kawrnga kari kowi chowmta hüah khai. Now iak prakowi mang Ahab dow kowng khai bowt.
The Seed Company